Тайландын блогер эмэгтэй сарьсан багваахайны шөл идэж буй бичлэгээ Youtube-ээр цацаад 5 жилийн хорих ял авчээ

0

Тайландын блогер Пхончанок Шрисунаклуа өөрийгөө “амттан”-аар эрхүүлэх хүслээ хэрхэн дарж байгаа бичлэгээ бусдад хуваалцсан боловч блогерийн энэхүү үйлдэл дагагчдад нь даанч таалагдсангүй. Айсандаа блоггер бүсгүйг бүр цaгдаад барьж өгчээ.

Бичлэг хормын дотор тархсан хэдий ч блогер бүсгүй хүссэн нэр хүндийг олж чадаагүй юм. Ард түмэн коронавирусын цар тахал юунаас үүсэлтэйг мартаж амжаагүй байгааг ч хэлэх үү, иймэрхүү төрлийн хоолны “урлаг”-ийг хэтэрхий эмзэг хүлээж авчээ. Чанасан сарьсан багваахай амттай гэж блогер бүсгүй хэчнээн ятгасан ч дагагчид нь түүний үгийг сонсохыг үл хүсжээ.

Дархан цаaзтай газрын Зэрлэг амьтдын эрүүл мэндийг хамгаалах хэлтсийн дарга Паттарафон Мани ийм контент хийж байгааг мэдээд үнэхээр шоконд орсноо хэлсэн байна. “Сарьсан багваахайнаас халдварлах өвчинд энэ хүн санаа зовохгүй байж болно, гэхдээ энэ эмэгтэй 2019 онд батлагдсан Зэрлэг байгаль хамгаалах хуулийг зөрчиж байна. Учир нь сарьсан багваахай нь хамгаалалтад байдаг амьтан”. Зарим нэг мэргэжилтнүүдийн үзэж байгаагаар сарьсан багваахай нь 10,000 нэр төрлийн вирус тээж явдаг ба усанд чанаад тэр болгоныг устгах боломжгүй ажээ.

Хулганын махаар шөл хийж идэх дуртай блогер бүсгүйг 500,000 батаар торгосон нь 13,800 орчим доллар юм. Үүгээр ч зогсохгүй түүнийг одоогийн байдлаар бaривчлаад байгаа. Хамгаалалтад байдаг ховор ан амьтан идсэнийхээ төлөө, үүгээр зогсохгүй буруу суртал ухуулгатай бичлэг Youtube сувгаар цацсан хэргээр 5 жил хоригдох ял авч болзошгүй байна.

10
Ха ХаХа Ха
4
ГоёГоё
4
ГайхмаарГайхмаар
3
ТэнэглэлТэнэглэл
1
ХарамсалтайХарамсалтай
0
ХөөрхөнХөөрхөн
0
БахархмаарБахархмаар
0
БурууБуруу
Баярлалаа!

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй. Required fields are marked *