Коста-Рикад амьдардаг нэгэн эр салхилж яваад “төмрийн хэлтэрхий” олж харжээ. Хальт хараад л тэгж бодсон хэрэг. Сайтар харсны дараа тэр болгон таараад байдаггүй хорхой болохыг ойлгосон байна – Chrysina limbata. Үнэхээр гайхалтай толин, ямар сайндаа л тоглоом эсвэл төмрийн хэлтэрхий гэж харах вэ дээ.
Chrysina limbata – Төв Америкийн ширэнгэн ойд амьдардаг нэгэн төрлийн хорхой. Өөрийн этгээд хачин “толин” хальсаараа алдартай бөгөөд байгальд хамгийн үзэсгэлэнтэй хорхойд тооцогддог. Хальсны өөрийн онцлог бүтцээсээ болоод ийн толь шиг харагддаг ажээ. Түүний хальс гэрлийн 97 орчим хувийг ойлгодог учраас ширэнгэн ойд бараг л үл үзэгдэгч буюу усны дусал шиг гялалзаж харагддаг байна.
Энэ ховор шавьж цуглуулагчдын дунд маш их эрэлттэй. Энэ шалтгааны улмаас хорхой шавьжны худалдааны объект болдог нь харамсалтай санагдана. Сайнаараа хадгалагдсан ийм хорхой ойролцоогоор 500 орчим ам.доллар хүрдэг. Үүнээс гадна сүүлийн жилүүдэд энэ хорхой улам ховордож байгаа нь дэлхийн дулаарал, байгаль орчны бохирдолтой холбон тайлбарлагдаж байгаа юм.
Коста-Рикад амьдардаг Майкл Фармер (Michael Farmer) тус гэрэл зургийг хуваалцжээ. Гэрээсээ холгүйхэн салхилж яваад гуава модны навчин дээр нэгэн жижигхэн төмөр байгааг олж харж л дээ. Ойртоод очтол нөгөө “төмөр” хөдөлж байна гэнэ. “Үнэхээр гоё хорхой санагдсан. Урьд нь ийм шавьж харж байсангүй. Яг л толь гэсэн үг, туссан болгон ойж харагдана” гэж Майкл сэтгэгдлээсээ хуваалцсан байна.
Гайхмаар
Гоё
Бахархмаар
Тэнэглэл
Ха Ха
Хөөрхөн
Буруу
Харамсалтай
Сэржмядаг Вансэмбэрүү
2022/07/27 at 18:28
Num Sum постыг чинь гусчихаж
Eeyee Mooyoo
2022/07/27 at 18:47
Сэжиг
Saranchimeg Bolooj
2022/07/27 at 19:11
Цох