Дэлхий дээр хамгийн алдартай iPhone ухаалаг утасны шинэ загвар зах зээлд гарснаас хойш багагүй хугацаа өнгөрчээ. Анхны iPhone-ыг олон нийтэд 2007 онд танилцуулж байсан юм. Үүнээс өмнө бид ямар гар утас ашиглаж байв? Та бүхэндээ 2007 оноос өмнө алдартай байсан гар утаснуудыг танилцуулахаар бэлдлээ.
1. Nokia N90
N-Series-ийн анхных нь гэж хэлж болно. Хэмжээгээрээ гайхагдах эд дээ – чулуу л гэсэн үг, 24 мм-ийн өргөнтэй, 173 грамм жинтэй. Өрсөлдөгчидтэй нь харьцуулахад хэмжээгээр том ч гэлээ хэрэглэгчдийн дунд эрэлт хэрэгцээ өндөртэй байсан юм. Carl Zeiss-ийн 2 мегапиксел бүхий камер нь бусдаас онцгойруулж байжээ.
2. Sony Ericsson k750
Тухайн цаг үедээ оргил нь байлаа. Камерын дуранг хаах зузаан хаалттай. Sony Ericsson-ы К цуврал нь “камер утас” гэдэг тодотголтой – гэрэл зургийн чанарт илүү ач холбогдол өгөхийг хичээж байсан юм. Энэ загварын утсаар авсан гэрэл зураг чанарын хувьд үнэхээр муугүй, утасны өөрийн өнгө үзэмж ч гологдохгүй.
Гэрэл зургийн өндөр чанар, утасны өөрийн xүчин чадал бас эргономик байдал нь алдартай болоход нөлөөлжээ.
3. Nokia 6300
Одоо ч гэсэн зарим нэг хэрэглэгчид барьсан яваа харагддаг. Эдэлгээ даах чадвартай. Анхлан бизнес эрхлэгчдэд зориулагдаж байлаа. Их биеийн зэвэрдэггүй ган, нимгэн (ердөө 11,7 мм), гарт багтах жижиг хэмжээ нь удаан хугацаанд алдартай байхад нөлөөлжээ.
4. Nokia 8910i
Онгойж нээгддэг этгээд хачин механизм болон титан их биеэрээ хэрэглэгчдийн сонирхлыг татсан юм. Утасны товчлуурт хүрэхийн тулд дэлгэцийн хажууд байдаг товчлуур дээр дарахаас өөр аргагүй, энэ нь л цорын ганц дутагдал байсан болов уу. Бусдаар бол тухайн үедээ өөлөх зүйлгүй утас хэмээгдэж байжээ.
5. Motorola RAZR V3
Энэхүү жагсаалтад Motorola-гийн гар утас орохоос өөр аргагүй, өөрийн дизайнаараа гайхагдаж байсан утас даа. Маш нимгэн, товчлуур нь төмөр ялтсаар хийгдсэн учир давтагдашгүйд тооцогдож байв.
6. Motorola E398
Алдартай компанийн олны хүндэтгэлийг хүлээсэн загвар: чанартай чанга дуутай, боломжийн хямд үнэтэй бас цэмбийсэн. Тоглуулж байгаа дуугаараа чичиргээ үүсгэдгээрээ залуучуудын сонирхлыг илүү их татна. Ганц дутагдал гэвэл зай – идэвхтэй хэрэглэхэд хоёр өдрийн дотор зай нь дуусдаг байжээ.
7. Siemens SX1
Бусад төхөөрөмжөөс хүчтэй ялгарах зүйлтэй, юуны түрүүнд товчлуурын байрлалаар – дэлгэцийн хоёр талаар тоон товчлуурууд эгнэж байрласан. Даанч тэр болгонд таалагдаагүй учраас борлуулалтад сөргөөр нөлөөлжээ. Гэхдээ бусдаас ялгарах дуртай залуучуудын дунд бол алдартай загвар байлаа. Үнэ нь ч тэр доороо хямдарсан болохоор залуучууд ихэд сонирхох болжээ.
8. Samsung D500
Шүүмжлэгчдээс муугүй үнэлгээ авсан Samsung-ийн энэ загвар зах зээлд гарангуутаа л хэрэглэгчдийн дунд алдаршсан. Дуу ялгаруулалт сайтай байсан нь үүнд нөлөөлсөн болов уу.
9. Sony Ericsson P910
Sony Ericsson-ы энэ загвар олон үзүүлэлтээрээ хэрэглэгчдийн анхаарлыг татсан: 208*320 пиксель бүхий 2,9 инчийн том дэлгэц нь тухайн үедээ шинэлэг шийдэл, нээгддэг товчлуур мөн гар бичмэл таньдаг горимтой байв.
10. Бас ийм ч байж
11. Эцэст нь, хамгийн алдартай бөгөөд юунд ч дийлдэшгүй Nokia 3310
Гар утас барьж байгаа бүх хэрэглэгчид энэ утсыг мэдэхийн дээдээр мэдэх байх гэж найдаж байна. Товчлууртай утас гэж юу байдгийг мэдэхгүй багачууд ч гадарлана. Самарны яс хагалж иддэг гэхээр андахгүй дээ. Миний бодлоор энэ төхөөрөмжийг ирээдүйд ч эргэн дурсах байх.
Уншигч та эдгээр утасны аль нэгийг барьж байсан уу? Аль нь байсан бэ?
Бахархмаар
Гоё
Хөөрхөн
Ха Ха
Буруу
Тэнэглэл
Гайхмаар
Харамсалтай
