Сүүлийн жилүүдэд шивээс гэх зүйл хил хязгаараа тэлэн өргөжиж байна. Шивээсийг хэн нэгэнд зориулсан гэж боддог байсан бол одоо шивээстэй хүмүүсийг ад үзэж чичлэхээ больж нийтээрээ хүлээн зөвшөөрдөг болсон. Зарим нэг хүмүүс бие дээрээ хүссэн зүйлээ шивүүлж байна. Шуудхан хэлэхэд биеэ тэр чигээр нь шивээстэй болгон хувиргажээ. Гоё сайхан харагдаж байгаа эсэхийг уншигч та өөрөө тунгаан бодно биз ээ.
Монголд шивээсний үнэ дунджаар шивээсний хэмжээнээс шалтгаалаад 50,000 төгрөгөөс 500,000 төгрөг орчим. Зарим нэг тохиолдолд үүнээс ч илүү өндөр үнээр шивүүлэх шивээс байдаг ажээ.
АНУ-д хамгийн жижиг шивээсийг 45 ам.доллараар хийдэг, харин томыг нь цагийн 150 ам.доллараар үнэлдэг байна. АНУ-ын иргэд жилд шивээсэнд 1,65 сая доллар зарцуулдаг гэсэн тооцоо гарчээ.
Шивээстэй холбоотой дэлхийн сонирхолтой баримтуудаас дурдвал: шивээстэй хүмүүсийн 17 хувь нь шивээс хийлгэсэндээ харамсдаг. Харамсах шалтгаан нь “Энэ чинь өөр хүний нэр байна” гэдэг тайлбар.
АНУ-д ойролцоогоор 20,000 гаруй тату салон үйл ажиллагаа явуулж байна. Энэ тоо өдөрт нэгээр нэмэгдэж байдаг гэхэд буруудахгүй.
Шивээстэй хүмүүсийн 70 хувь нь нэг шивээстэй, харин 20 орчим хувь нь таваас илүү шивээстэй байдаг ажээ.
Америкчуудын 36 хувь нь 18-29 нас хүртлээ нэг ч болов удаа шивээс хийлгүүлж үзсэн байдаг.
АНУ-д 45 саяас илүү хүн дор хаяж нэг шивээстэй байдаг гэсэн тооцоо бий.
Шивээстэй хүмүүсийн 35 хувь нь өөрсдийгөө бэхний хамааралтай гэж үздэг.
Хүмүүсийн 42 хувь нь шивээс хүнийг ямар нэгэн хэмжээгээр дур булаам болгон харагдуулдаг гэж үздэг. 24 хувь нь улам царайлаг болгодог гэдэгт бат итгэдэг, 22% нь үүнд итгэдэггүй.
Японы шивээс илүү алдартайд тооцогддог ажээ.
Шивээс хийлгэсэн хүмүүсээс яагаад шивээс хийлгэх болсон шалтгааныг асуухад дараах хариултыг судалгаа хийсэн эрдэмтэд өгчээ:
- Гадаад төрхөө сайжруулах зорилготой, өөрийгөө илүү үзэсгэлэнтэй харагдуулах гэж (шивээс хийлгэсэн хүмүүсийн 66% энэ хариултыг өгсөн)
- Нийгмийн шинэ статустай болох гэж (бас л ойролцоогоор 66%)
- Нийт масс дундаас ялгарах гэж (33%)
- Өөрийгөө шинээр мэдрэх гэж (33%)
10-20 жилийн дараа шивээсээ арилгуулъя гэвэл илүү их өвчин мэдэрнэ, бас төлбөр нь өндөр гарна. Бас их бага хэмжээгээр сорви ч үлдэнэ.
Уншигч та шивээсний талаар ямар бодолтой байдаг вэ? Танд шивээс байдаг уу?