Камео – уран сайхны эсвэл олон ангит киноны жижигхэн дүрийг дуучид, зохиолчид, найруулагчид, тэр бүү хэл бизнес эрхлэгч зэрэг алдартай хүмүүсээр тоглуулахыг хэлнэ. Дэлгэцээр иймэрхүү одод гарах нь бялуун дээрх тоорын чимэглэл шиг л үзэгч олонд нэгэн санамсаргүй сэтгэл хөдлөлийг мэдрүүлэх ажээ. Тухайн кинонд алдартай хүн тоглосныг яаж олж мэдэх вэ? Бага зэрэг мэдээлэл өгөх шаардлага гарах байх.
Өөрсдийн уран бүтээлдээ алдартнуудыг нуусан найруулагчдын ур чадварыг магтахын дээдээр магтмаар санагдаж 12 санамсаргүй камеог танд танилцуулахаар бэлдлээ. Нийтлэлийн төгсгөлд та бүхэндээ “The Matrix” киноны од Хьюго Уивингийн итгэмээргүй дүрийг сонирхуулна.
Жефф Безос – “Star Trek Beyond”
Оддын аpмид алба хааж байгаа Жефф Безосыг тийм ч амар танихгүй, гэхдээ нэг зүйлд итгэлтэй байж болно: зузаан гэгч нүүрний будагны цаана Amazon-ы үүсгэн байгуулагч нуугджээ. Бизнес эрхлэгч “Star Trek” цуврал киноны үнэнч шүтэн бишрэгч, тийм учраас киноны жижигхэн ч гэсэн дүр бүтээх нь түүний хувьд нэр төрийн хэрэг байлаа.
Крис Айзек – “The Silence of the Lambs”
Америкийн хөгжимчин Крис Айзек “Wicked Game” хитээрээ алдартай бөгөөд триллер кинонд тусгай ангийн ахлагчийн (тийм ээ, тийм, Ханнибал Лектерийг харгалздаг) жижигхэн дүрээр өөрийгөө дэлгэцнээ мөнхөлсөн байна.
Леди Гага – “Men in Black 3”
Леди Гага жүжигчний хувьд дэлхий дахинаа танигдахаас өмнө кинонуудад жижигхэн туслах дүрүүд бүтээж байсан удаатай. 201 онд дуучин “Men in Black 3” кинонд харь гарагийн амьтны дүрээр гараад л өнгөрнө. Тэр энэ удаад нүүр хувиргалтанд ч ороогүй юм.
Игги Поп – “Dead Man”
Игги Попын кино бүтээл гарын таван хуруунд багтахаар. Гэхдээ шүтэн бишрэгчдийнх нь хувьд Жим Жармушийн вестерн киноны дүр илүү тод үлдсэн биз ээ.
Мартин Скорсезе – “The Age of Innocence”
Найруулагчид өөрсдийнхөө бүтээлийг өөрөөр чимэх нь их. Мартин Скорсезе ч бас зүгээр суусангүй, нэгэн алдартай кинондоо дүр бүтээжээ.
Тейлор Свифт – “CSI: Crime Scene Investigation”
Дуучин 2009 онд детектив олон ангит кинонд нэгэн өсвөр насны охины жижиг дүрд тоглосон юм. Шаргал үст бүсгүй энэ удаад тэс өөр төрхөөр үзэгчдийн хүртээл болсон нь энэ.
Мик Жаггер – “The Bank Job”
Мик Жаггерийн “The Bank Job” кинонд бүтээсэн дүр үнэхээр даруухан. Дуучин энэ удаад банкны нягтлан бодогчийн дүрд хувирч дэлгэцээр хэдхэн секунд л гарсан юм.
Мэрилин Мэнсон – “Party Monster” болон “Tim and Eric Awesome Show, Great Job!”
Мэрилин Мэнсон шүтэн бишрэгчдээ зөвхөн тайзан дээр алмайруулаад зогсохгүй мөн дэлгэцээр ч алмайруулна. Түүнийг бид “Party Monster” инээдмийн болон “Tim and Eric Awesome Show, Great Job!”” инээдмийн олон ангит киноны туслах дүрээр нь дэлгэцээс харж болох ажээ.
Карди Би – “F9”
Карди Бигийн уг кинонд бүтээсэн дүр өчүүхэн ч гэсэн хурц. Хип-хоп дуучин Доминикийн Лейси гэх нэртэй хуучин найз бүсгүйн дүрийг бүтээжээ.
Рики Мартин – “American Crime Story”
Жанни Версачигийн нууцлаг аллaгын тухай олон ангит киноны хоёрдугаар хэсэгт дуучин үxлийн хaгацал үзэж, уйтгар гунигт автсан загвар өмсөгч, дизайнерын ойрын нөхөр болох Антинио Д’Амико-гийн дүрийг бүтээжээ. Тодруулж хэлэхэд тэр даалгавраа тав нэмэхтэй хийж гүйцэтгэсэн болно.
Кристина Агилера – “Zoe”
Шинжлэх ухаан – уран зөгнөлт драмын «Zoe» киноны Жевелс гэх андроидын дүр нь Кристинагийн хувьд хоёр дахь нь юм. Дуучнаас гадна уг бүтээлд Юэн Макргегор, Лей Сейду зэрэг одод тогложээ.
Стивен Кинг – “It Chapter Two”
“Аймшгийн хаан” өөрийнхөө зохиолын дэлгэцийн хувилбарт байнга гардаг. “It Chapter Two” кинонд гэхэд л хуучин болон эртний эдлэлийн дэлгүүрийн эзний дүрийг бүтээсэн. Тэр дэлгүүрээс Билл Денбро хүүхдийн унадаг дугуй худалдаж авдаг юм.
Бонус
Хьюго Уивингийн уран бүтээлийн сан хурц дүрүүдээр баялаг. Гэхдээ хамгийн анхаарал татахуйц дүр бол “The Adventures of Priscilla, Queen of the Desert” киноны Митци – алдартны хувьд жүжигчин гэдэг утгаар дэлгэцээр гарсан анхны тохиолдол. Ягаан өнгийн хиймэл үстэй энэ царайлаг залуу “The Matrix” киноны муу талын гол дүрийг бүтээх болно гэж хэн төсөөлөх вэ дээ.
Манай нийтлэлийн баатруудаас та хамгийн түрүүнд хэнийг нь анзаарч харав? Бидний бэлдсэн жагсаалтыг өөр ямар камеогоор баяжуулмаар санагдав?