Хувцаслалт, нүүр хувиргалт болон компьютер график заримдаа үнэхээр ид шидийг бүтээх тул бид кинонд оролцон тоглосон жүжигчдийн нэрсийг харж байж л алдартай оддыг танихад хүрдэг. Тухайн киног хэд дахин үзсэний дараа л Киану Ривз, Венсан Кассель эсвэл Стэнли Туччи тоглосныг ойлгох нь энүүхэнд.
Бидний хайрлаж явдаг жүжигчдийн танигдахааргүй болтлоо өөрчлөгдсөн тийм л дүрүүдийг эргэн дурсахаар шийдсэн юм.
1. Киану Ривз – Нохой-хүү (“Freaked”)
Холливудын царайлаг залуугийн тоглосон цорын ганц дүр биш, гэхдээ цорын ганц хамгийн этгээд дүр нь мөнөөс мөн. Ривз энэ удаад галзуу эрдэмтний гарт орсон аймшигтай хүмүүсийн нэг дүрд тоглосон. Кианугийн бүтээсэн энэ дүрийг кинонд оролцон тоглосон жүжигчдийн жагсаалтад багтаагаагүй ч гэлээ тус дүрд тоглосныхоо төлөө 1 сая доллар авсан байна.
2. Райан Рейнольдс – Дэдпул (“X-Men Origins: Wolverine”)
Дэдпулийн дүрд зориулж дараа нь тусад нь кино хийсэн, энэ нь Райан Рейнольдсын ч мөрөөдөл байсан юм. Тийм ч учраас “X-Men”-ы зохиолд уг дүрийг олж хараад жүжигчин кино бүтээгчдэд өөрийнхөө хүслийг хэлэхээр шууд ханджээ.
3. Гай Пирс – бизнесмэн өвгөн (“Prometheus”)
Найруулагч тэр үед 83 настай байсан Макс фон Сюдовыг урих хүсэлтэй байсан юм. Даанч кино зохиолд уг дүрийг залуугаар дүрсэлсэн байсан тул дүрд Гай Пирсийг тоглуулахад хүрчээ. Гэхдээ киноны эцсийн хувилбарт залуу үеийг нь оруулаагүй байна.
4. Билли Кристал – шидтэн (“The Princess Bride”)
Дүрийг бодитойгоор бүтээхийн тулд нүүр хувиргагчдад зориулж Билли эмээгийнхээ гэрэл зургийг авчирч өгчээ. Дүр үнэхээр хөгжилтэй болж чадсан юм. Ямар сайндаа л Билл Кристалыг зураг авалтын талбай дээр гарч ирэх болгонд л найруулагч нь тэсэлгүй инээж сандлаасаа босож яваад байсан гэдэг. Үнэхээр л инээдтэй байсан бололтой.
5. Дэвид Тьюлис – Арес (“Wonder Woman”)
Киноны найруулагч Пэтти Женкинсийн хэлж байгаагаар бол киноны энэ хэсгийг эхлээд ингэж хийхээр бодож байгаагүй ажээ. Харри Поттерийн тухай цуврал киноны профессор Люпины дүрээр бидний сэтгэлд хоногшин үлдсэн жүжигчин Дэвид Тьюлис ийм аймшигтай хуягтай байхааргүй байсан юм. Даанч Warner Bros. кино компанийн удирдлагууд энэ хэсгийг илүү аймшигтай болгох ёстой гэсэн байр сууринаасаа хөдлөөгүй гэдэг.
6. Жиллиан Андерсон – маяг нь дэндсэн амжилтгүй-жүжигчин (“Crooked House”)
Жүжигчний нүүр будалт төвөгтэй харагдахгүй ч гэлээ үзэгчид “The X Files”-ын Дануг шууд таниагүй. Андерсоны тоглосон жүжигчний дүр нь олон хүний сэтгэлд үлджээ. Шүүмжлэгчид ч тэр, үзэгчид ч тэр түүний жүжиглэлтийг үнэмшилтэй гэж үнэлсэн байдаг.
7. Роуз Макгоуэн – муурын хувцастай зөөгч (“Monkeybone”)
Уг кино жүжигчний хувьд амжилттайд тооцогддоггүй. Тэрээр “Charmed” киноны Пейжийн дүрээр үзэгч олны сэтгэлд илүү буусан. Муурын хувцастай дүрийг нь шүүмжлэгчид сөргөөр хүлээж авснаа нэг биш удаа бичиж байлаа. Гэсэн хэдий ч Роуз энэ дүрээрээ үзэгчдэд эерэг сэтгэгдэл үлдээж чаджээ, үзэгчдэд харааны тaaшаал авчирсан гэдэг.
8. Стэнли Туччи – ордны хөгжмийн зохиолч (“Beauty and the Beast”, 2017)
Стэнли Туччиг хүн төрхөөр нь киноны эхэнд болон төгсгөлд л харж болно. Харин киноны бусад хэсгүүдэд түүнийг бид даралтат хөгжмийн зэмсэг байдлаар л харагддаг. Сонирхуулж хэлэхэд, алдартай үйл явдлын өмнөх хувилбаруудад ийм дүр гардаггүй.
9. Венсон Кассель – Араатан (“La belle et la bête”, 2014)
Найруулагч Кристоф Ган бусад кинонуудын адил энэ бүтээлдээ дүрийн харагдах байдалд онцгой анхаарал хандуулжээ. Тийм учраас Араатны багийг бүтээхэд маш нухацтай хандсан байна. Эхлээд гараар нарийн бүтээгээд, дараа нь Касселийн нүүрэнд тоон технологийн ачаар шилжүүлсэн гэдэг.
10. Хавьер Бардем – кибер гэмт xэрэгтэн (“Skyfall”)
Кастингийн эхэнд Хавьер Бардем найруулагч Сэм Мендест өөрийнхөө бүтээх дүрийн гадаад төрхийг, ялангуяа үс, нүдний өнгийг өөрчлөх хүсэлтэй байгаагаа хэлжээ. Бардемийг зураг авалтын эхний өдөр талбай дээр гарч ирэхэд түүнийг хэн ч таниагүй гэдэг. Жүжигчний цайвар өнгийн үс – хиймэл. Бас хиймэл эрүү ашигласан байна.
11. Жина Дэвис – сүйт бүсгүйн сүнс (“Beetle Juice”)
Бид Жинаг “Stuart Little” киноны ээжийн дүрээр сайн мэднэ. Энэ киноноос 11 жилийн өмнө хийгдсэн “Beetle Juice” кинонд тоглосон залуу жүжигчнийг бид хараад шууд танихгүй л болов уу? Тэгээд ч багагүй нүүр хувиргалтад орсон – сүнс дуудах ажиллагаанд оролцсоны улмаас тэр маш хурдан хөгширч эхэлдэг.
12. Тейлор Свифт – муур (“Cats”)
Алдартай жүжигчин энэ кинонд туслах дүр бүтээсэн, гэхдээ үзэгчдийн сэтгэлд гүн шингэжээ. Мэдээж тэр бас дуулж байгаа. Уг бүтээл олигтой орлого олж чадаагүй, гэхдээ Тейлор Свифт “энэ хачин кино”-нд тоглосондоо огт харамсдаггүй тухайгаа хэлсэн юм.
13. Майкл Шин – клубын эзэн (“Tron”)
Майкл Шин өөрөө “Tron” эх хувилбарын шүтэн бишрэгч хүн. Тиймээс түүнийг уг кинонд дүр бүтээхийг урьжээ, тэр ч тавьсан саналыг бодож санах зүйлгүй шууд хүлээн зөвшөөрөхөөр шийдэж. Түүний хувирсан дүр нь Зигги Стардаст – хүн төрхтэй Марсийн уугуул, Дэвид Боуийн 5 болон 6 дугаар цомгийн дүр.
14. Жонни Депп – этгээд хачин хошууч (“Before Night Falls”)
Жонни Депп – үнэхээр давтагдашгүй дүрийг чадварлагаар хувьсаж гаргадаг мастер. Гэхдээ энэ дүрийг нь хүмүүс тэр болгон мэддэггүй. Депп энд нэгэн oфицерын дүрийг бүтээсэн. Тоглож байгаа дүр нь шоpонд шургаж кубын зохиолч Рейнольдо Аренасын сүүчлийн бүтээлийг гаргаж авахын тулд ийм хачин эмэгтэй гоёл өмсөхөд хүрдэг.
15. Мила Кунис – Теодора (“Oz the Great and Powerful”)
Мила Кунисийг ийм дүрд хувирна гэж хэн ч бодож байгаагүй болов уу. 2011 онд жүжигчин “Oz the Great and Powerful” кинонд хорон муу санаатай шyлмасын дүрийг бүтээжээ. Тэр нэг дор хоёр ч дүрд хувирахад хүрсэн. Теодорын дүрд хувирахын тулд түүнд маш төвөгтэй буюу силикон, порлон, линз зэрэг ашигласан нүүр хувиргалт хийжээ.
16. Леди Гага – италийн нөлөө бүхий Патриция Режани (“House of Gucci”)
Леди Гага энэ удаад Патриция Режанигийн дүрийн бүтээсэн – амьдралаа Gucci-гийн өв залгамжлагч Маурициотой холбосон жирийн нэгэн бүсгүйн дүр. Амбиц, шунал, хардалт тэдний гэр бүлийн харилцааг тойроогүй юм. Леди Гага зураг авалтад маш нухацтай бэлджээ: тэр 6 сарын турш итали аялгаар ярьсан, Патрициягийн бодит төрхийг гаргахын тулд өөр дээрээ туршилт хийж. Патриция гэрийн муур, үнэг бас зэрлэг пантер тэжээдэг хүн. Түүнийг дүрдээ амжилттай орсон гэж олон шүүмжлэгчид онцлон дүгнэсэн байна.
Таны хувьд алдартай оддын ямар дүр нээлт болов?
Гоё
Буруу
Тэнэглэл
Хөөрхөн
Ха Ха
Гайхмаар
Бахархмаар
Харамсалтай
