Эйкшн кинон дээрээс харанхуйд байгаа биетийг биеийнх нь дулаанаар олж харж байгааг бид цөөнгүй харж байсан. Биеийн дулааны дүрслэлийг ашиглах боломжийг хэрэглэгчид олгох энэ технологийг iPhone 5/5s гар утасны гэрэнд ашиглажээ. Биеийн дулааны дүрслэлийг гар утсан дээр харуулах энэхүү гэрийг FLIR One хэмээн нэрлэсэн байна.
FLIR One гэр нь ар талдаа зэрэгцэн байрласан хоёр камертай. Камеруудын нэг нь infrared, нөгөө нь дулааны дүрслэлийн системд шаардлагатай зургийг нарийвчлан дүрслэх VGA камер аж. Энэхүү гэрний нэг давуу тал нь iPhone-оос ямар нэгэн хүчдэл шаардахгүй гэдэг нь юм. Харин өөрийн гэсэн 1400mAh батерейтай.
[tweetable]FLIR One гэрний үнэгүй апп нь биетүүдийг дулаан ялгаруулалтаар нь илрүүлж шаардлагатай бол зургийг нь авч чадна.[/tweetable] Түүнчлэн филтер, панорам, time-lapse горимуудыг ашиглах, бичлэг хийх боломжийг ч олгох аж.
Хэрвээ энэ гэр практикт хэрэглэх боломжтойгоор гарах бол 350 долларын үнэтэй байх юм байна.