Уэльсэд амьдардаг эмэгтэй Mitsubishi Outlander машиныг дагах сүрэг зөгийнөөс бүтэн өдөр салж чадаагүй хэмээжээ. 65 настай Кэрол Ховарт тэсвэр алдаж зөгий үржүүлгийн мэргэжилтэн дуудахад хүрсэн байна.
Тэд дуудлагыг хурдан шуурхай хүлээн авч үзлэг хийсний дараа машины хаа нэгтээ хатан зөгий гацсан байж болзошгүй гэсэн таамаг дэвшүүлжээ.
Гэхдээ хүмүүс хатан зөгийг олж чадсангүй, тиймээс машин дээр суусан бүх зөгийг цуглуулаад аваад явсан байна.
Эмэгтэйн аз жаргал даанч удаан үргэлжилсэнгүй, дараа өдөр нь дахиад л бүх зүйл урьдынх шигээ давтагджээ. Энэ удаад улам ч их зөгий цугласан байна.
Энэ удаад мэргэжилтнүүд заль хэрэглэхээр шийджээ: тэд машины дээвэр дээр хатан зөгийг урхидах хайрцаг суурилуулсан байна.
Хэдэн цаг хүлээсний эцэст бас хэд хэд хазуулсны үр дүнд Кэрол Ховартын машинаас зөгийг гаргаж чаджээ.
Аврах ажиллагаанд оролцсон мэргэжилтнүүдийн хэлж байгаагаар энэ нь хатан зөгий машинд нуугдсан анхны тохиолдол ажээ.