Хайртай жүжигчдээ харж суухад тэд яагаад хөгшрөхгүй байгаа юм бол гэсэн бодол өөрийн эрхгүй төрнө. “Rumor Has it…” киног болон “The Morning Show” олон ангит киног үзэхэд Женнифер Энистон 16 жилийн хугацаанд огт өөрчлөгдөөгүй байгааг ойлгоно. Эсвэл “Passengers” (2008) болон “Locked Down” (2021) киног үзэхэд Энн Хэтэуй мөнхийн залуугаараа байгааг харж болох юм.
Мөнхийн залуу насны шидэт ус уусан юм шиг харагдах жүжигчдийн тоглосон кинонуудыг бид сонирхож үзлээ. Мэдээж зарим нэг жүжигчдэд үрчлээ сууж, зарим нэг нь цаг хугацааны “ачаар” буурал үстэй ч болж, тэглээ гээд айхтар их өтөлсөн юм огт харагдахгүй л байна. Улам ч илүү догь болсон юм уу гэлтэй.
1. Энн Хэтэуэй
2008 онд «Passengers» кино дэлгэцнээ гарснаас хойш Энн Хэтэуй огт хөгшрөөгүй юм шиг санагдана. Та түүний хамгийн сүүлд тоглоод байгаа «Locked Down» киног нь үзээд ойлгоно.
2. Мишель Родригес
Мишель Родригес “The Fast and the Furious” киноны дөрөвдүгээр хэсэгт 31 настай байхдаа тоглож байжээ. Сүүлд нь цуврал киноны есдүгээр хэсэгт буюу 12 жилийн дараа ямар нэгэн онцгой өөрчлөлтгүйгээр дахин тогложээ – өөлсөн хүнд үс нь богино болжээ л гэх байх.
3. Вин Дизель
Царайлаг Вин Дизелийг ихэнх нь «Fast & Furious» киноны Доминик Тореттогийн дүрээр нь сайн мэднэ. Тэр бас л хөгшрөх гэдгийг мартсан бололтой. “Fast & Furious” киноны дөрөвдүгээр ангийг сүүлчийнхтэй харьцуулахад түүний нүүрэн дээр ганц хоёр үрчлээ л сууж, гэхдээ тэр нь илүү зохижээ.
4. Анжелина Жоли
Цаг хугацааны өөрчлөлт Анжелина Жолиг яаж ч чадахгүй байна. 2008 онд 33 насандаа тоглосон “Changeling” киног нь үзээд шуугиж байсан бол 2020 онд “Come Away” фэнтизи киног нь үзээд бас л шүтэн биширсэн хэвээр үлдсэн.
5. Мартин Фримен
Мартин Фримен ч гэсэн хөгшрөх бодолгүй явна, түүний насыг буурал үс л илтгэх байх. 38 настайдаа “Nativity!” кинонд тоглосныг нь санаж байна уу? Харин 49 настайдаа “Breeders” олон ангит кинонд тогложээ.
6. Женнифер Энистон
Женнифер Энистон “Rumor Has It…” киноноос хойш бараг өөрчлөгдсөнгүй, тэр үед жүжигчин 36 настай байжээ. 2021 онд “Morning Show” олон ангит киноны хоёр дахь хэсгийн трейлер гарсан. 52 нас хүрсэн Женнифер залуухан бас үзэсгэлэнтэй хэвээрээ.
7. Риз Уизерспун
Риз Уизерспун 31 настайдаа «Rendition» кинонд тоглож байжээ. Харин 2020 онд 44 нас хүрч “Little Fires Everywhere” олон ангит кинонд тогложээ. Түүнээс ямар ч өөрчлөлтийг олж харахгүй, үсний засалт нь л багахан өөрчлөгджээ.
8. Гвинет Пэлтроу
Ээлжлэн өнгөрөх цаг хугацаа үзэсгэлэнт Гвинет Пэлтроуд үрчлээ ч нэмсэнгүй, харин ч улам үзэсгэлэнтэй болгосон юм уу гэлтэй. 2008 оны «Two Lovers» киног нь та сана л даа, дараа нь одоогийн «The Politician» олон ангит киноны хоёрдугаар хэсгийг нь сонирхож үзээрэй.
9. Рэйчел Вайс
2007 онд хүүхэд царайтай Рэйчел Вайс “My Blueberry Nights” киногоороо үзэгч олны хайрыг татаж байлаа. Тэгэхэд жүжигчин 37 настай байжээ. 14 жилийн дараа тэр Marvel-ийн шүтэн бишрэгчдийг “Black Widow” киноны дүрээр бaйлдан дагуулсан. Огт хөгшрөөгүйн дээр харц нь илүү дaйчин болж өөрчлөгджээ.
10. Ума Турман
Цаг хугацаа Ума Турманы өмнө өвдөг сөхрөн унасан гэмээр. Түүний 38 настайдаа тоглосон “The Accidental Husband” киног нь санаж байна уу? Дараа нь “The War with Grandpa” кинонд тоглосон байсан – 50 настайдаа.
11. Шарлиз Терон
2008 онд Шарлиз Терон “The Burning Plain” кинонд нэгэн давтагдашгүй дүрийг бүтээсэн. 2021 онд хөгшрөхийг мартсан жүжигчин “F9” кинонд тэс өөр дүр төрхөөр гарч ирсэн юм. Түүний олон сая шүтэн бишрэгчид нь ёстой гайхсан байх аа.
12. Моника Беллуччи
Моника Беллуччигийн бие махбодод хөгширдөггүй нэгэн тусгай программ байнга ажиллаж байдаг байх аа. Түүний тоглосон “Le Deuxième Souffle” кино олон үзэгчдийн зүрх сэтгэлд үлдсэн. Тэр тухайн үед 43 настай байж, харин 12 жилийн дараа “Les Plus Belles Années d’une vie” кинонд тоглохдоо ч гэсэн залуу хэвээрээ.
13. Уилл Смит
Эрэлхэг зоригтой Уилл Смит цаг хугацаа өнгөрөх тусам улам л царайлаг болоод байх юм. 13 жилийн тэртээх «Seven Pounds» киног нь үзээд шууд үргэлжлүүлээд одоогийн «Bad Boys for Life» киног нь үзээрэй.
14. Кейт Бекинсейл
Кейт Бекинсейлийн өмнө цаг хугацаа ямар ч хүчгүй бололтой. Түүний 34 настай байхдаа тоглосон “Snow Angels” кино, мөн 2021 онд тоглосон “Jolt”-ыг үзээд та ойлгоно.
Таны бодлоор эдгээр жүжигчдээс хэн нь хамгийн бага өөрчлөгдсөн байна вэ? Энэ жагсаалтад өөр хэн нэгэн алдартан багтах ёстой гэж та бодож байна уу?