7 дугаар сарын 23-ны өдөр Токиод бүтэн жилээр хойшлоод байсан зуны XXXII Олимпын наадам эхлэх гэж байна. Олимпын хөтөлбөрт спортын 33 төрөл багтсан бөгөөд түүхэндээ анх удаа скейтбордингийн тэмцээн болно. Орчин үеийн олимпын тэмцээнийг нэг л зүйл нэгтгэнэ – хэтэрхий нэгэн хэвийн болж. Урьд нь юу болдог байсан гээч? Алс холын өнгөрсөн үед олимпоор ямар сонирхолтой тэмцээн уралдаан болдог байсныг эргэн нэг санацгаая.
Олимпын анхны наадам 1896 онд Афинд болж байсныг дахин сануулъя. Өөрөөр хэлбэл тэр үед болон дараа нь уралдаан тэмцээнийг гэрэл зургаар баримтжуулах боломжтой болсон цаг үе. Тийм ч учраас бид хачирхалтай тэмцээний гэрэл зургийг үзэх боломжтой байгаа юм шүү.
1. Гaр бyyгаар бyyдах дуэль
Уг тэмцээн 1908 онд зохиогдсон Ромын Олимпын хөтөлбөрт багтжээ. Гэхдээ албан бус үзүүлбэрийн төрөлд багтсан юм. Өөрөөр хэлбэл медальгүй гэсэн үг. Бyyчдын гaр бyyны сyмыг воскоор орлуулсан, харин тамирчид нь хамгаалалтын хувцастай оролцжээ.
2. Олс татах
Ардын тэмцээн хэмээгдэх энэ төрөл 1900-1920-иод оны Олимпын хөтөлбөрт багтаж байв.
3. Басксийн пелота
1900 онд зохиогдсон Парисийн Олимпын хөтөлбөрт орсон. Басксийн пелотын талбай нь урдаа, зүүн талдаа, мөн ардаа өндөр ханатай, харин баруун тал нь задгай буюу үзэгчдэд зориулсан хэсэг. Нэг багийн тоглогчид (2 хүн) урд хана руу хатуу бөмбөг шиднэ, тэр үед эсрэг талын багийн тоглогч бөмбөгийг агаараас авч буцаагаад урд хана руу шидэх ёстой. Эсрэг талын багийн тоглогч бөмбөгийг хананд цоxиж чадаагүй бол эхний баг оноо авна. Бөмбөгийг тусгай цоxиураар цоxидог ажээ.
4. Усны гүнд шумбах
1900 онд зохиогдсон Парисийн Олимпын хөтөлбөрт орсон боловч үзэгчдэд сонирхолгүй, үзэх харах зүйл тун хомс гэдэг шалтгаанаар хасагджээ. Гэрэл зургаас ямар “их” үзэгчтэй байгааг ойлгож болно.
5. Усанд хол үсрэх
1904 оны Сент-Луисийн олимпын наадмын хөтөлбөрт багтсан. Тамирчид босоо байрлалаас усан санд шумбаж ороод усны доор аль болох удаан хөдөлгөөнгүй байх ёстой. Тамирчны нүүр усны түвшнөөс дээш гараад ирэнгүүт шүүгч нар хөвсөн зайг хэмждэг байжээ.
6. Олсоор авирах
1896-1932 онуудын Олимпын наадмын хөтөлбөрт багтаж байв. Сонирхуулж хэлэхэд 1896 оны Афины талбай дээр барьсан талбай нь яг л дүүжлүүp шиг харагдаж байсан гэдэг.
7. Ганцаарчилсан синхрон сэлэлт
1984-1992 онуудын гурван ч Олимпын наадамд орсон. Синхрон сэлэлтэд багаар бодоход хоёр хүн байх ёстой гэж зохион байгуулагчид үзжээ.
8. Тандем
Энэ төрлийн унадаг дугуйны тэмцээнийг 1908 онд Ромд зохиогдсон Олимпын наадмаар анх үзүүлж байжээ. Дараа нь 1920-1972 он хүртэл олимпын хөтөлбөрт багтаж байсан юм.
9. Агаарын бөмбөлгөөр уралдах
Парист зохион байгуулагдсан 1900 оны олимпын наадмаар энэ уралдаан болсон юм. Түүхэнд сонирхолтой гэж тэмдэглэгдэж үлдсэн уг тэмцээн нь нэгэн төрлийн үзүүлбэр байжээ.
10. Нэг гарын хүндийн өргөлт
Хүнд атлетикийн нэгэн төрөл болох энэ тэмцээн 1896-1906 онуудын Олимпод багтаж байв. Тамирчдын хоёр гараараа тус тусдаа өргөсөн жинг нэгтгэн дүнг гаргадаг байжээ.
11. Цанын балет
Цанын балет – хоёр ч удаагийн Олимпын наадмын үеэр үзүүлбэр байдлаар үзэгч олонд хүрчээ: 1988 оны Калгаригийн өвлийн Олимп болон Альбервильд болсон 1992 оны өвлийн Олимп.
12. Урлагийн тэмцээн
1912 оноос 1948 онуудын хооронд Олимпын наадмын зохион байгуулагчдын нэг Пьер де Кубертенийн санаачилгаар зохион байгуулагдаж байв. Уг төрөлд баримал, дуу хөгжим, уран зураг болоон уран зохиолын бүтээлүүдийг багтаан шалгаруулдаг байсан түүхтэй.
Жишээ нь, Пьер де Кубертен өөрөө (уран бүтээлчийн нэрээрээ оролцсон) 1912 онд Олимпын наадмаас “Ode to Sport” яруу найргаараа алтан медаль хүртэж байв.
Уншигч танд хамгийн сонирхолтой санагдсан спортын төрөл аль нь байсан бэ?