Сильва 10 настайдаа л 175 см өндөртэй байсан юм. Тийм ч учраас үе тэнгийнх нь хүүхдүүд түүнийг байнга шоглодог байжээ.
26 настай загвар өмсөгч Элисане Сильва Бразилийн Солинополисад амьдардаг бөгөөд тус улсын хамгийн өндөр эмэгтэй гэсэн албан бус тодорхойлолттой. Түүний өндөр 203 см бөгөөд өндөр болсон шалтгаан нь цаг алдаж илрүүлсэн гипофаз гэх хавдартай холбоотой юм гэж Daily Mail-д бичжээ.
Сильва 10 настайдаа л 175 см өндөртэй болсон байсан. Энэ үед үе тэнгийнх нь хүүхдүүд шоглох нь их, үүнээс болоод сургуулиа хүртэл орхиж үзжээ.
2010 онд Элисане бразилийн телевизэд өөрийнхөө түүхийг ярьж оронд нь шинжилгээнд орох эрх авчээ.
Шинжилгээний явцад бүсгүй өсөлтийн дааврын илүүдэлтэй болох нь тодорхой болсон юм. Сильва зохих эмчилгээг хийлгэсний ачаар үе мөч өвдөх нь багассан байна.
Элисане хайртай залуугийнхаа ачаар хүнд хэцүү үеийг даван туулсан гэж ярьжээ. Түүний ирээдүйн нөхөр болох залууг Франсинальдо Да Сильву Карвальо гэх бөгөөд тэд 2011 онд танилцсан юм. Анхны харцаар л эхэлсэн хайр гэж хосууд үздэг.
Карвальо хайрлаж дурлахад биеийн өндрийн ялгаа огт хамаагүй гэх бөгөөд хайртай бүсгүйгээ байгаагаар нь хүлээн авч хайрлахыг л хүсдэг. Энэ нь олонд байнга шоглуулж байдаг Элисанегийн хувьд маш чухал.
“Франсинальдо намайг хүн гэж харсан анхны хүн, тэр намайг байгалийн ямар нэгэн эpэмдэг зэpэмдэг амьтан гэж хараагүй юм” хэмээн Сильва ярьжээ.
2015 онд хосууд хуримаа хийж, одоо 3 настай Анжело хүүгээ өсгөн хүмүүжүүлж байна. Хүүгийн өндөр хэвийн, насандаа тохирох өндөртэй буюу 99 см.
31 настай Карвальо 162 см өндөртэй буюу эхнэрээсээ 41 см-аар намхан.
Элисане одоо хөндлөнгийн хүмүүсийн шүүмжлэл, доoг тоxуу, сониуч харцыг тоохгүй өнгөрч сурсан. Энэ бүгдийг даван туулахад түүнд нөхөр нь тусалжээ:
“Би өөрийнхөө өндрийг хайрлаж сурсан, би өөрийгөө гайхамшигтай гэж боддог. Надад хайртай хүн байна, бид сайхан хүүгээ өсгөж байна. Муу санаатай гаднын хүмүүсийн нөлөөнд бүү авт, өөрийгөө битгий голж байгаарай. Өөртөө итгэлтэй байж, аз жаргалтай амьдралыг мэдэрч сурах хэрэгтэй”.
Энэхүү нийтлэлийг уншиж буй бүх уншигчдынхаа гэр бүлд аз жаргалыг хүсэн ерөөе.
Тийм тийм
2021/06/19 at 19:53
Эмэгтэй хүнд хамгийн чухал зүйл бол сайн нөхөр юм шүү дээ. Сайн нөхөр гэхээр заавал гоё сайхан ханхүү шиг агуу их баатар шиг байх алтны уурхайн эзэн шиг гэж байна гэсэн үг бишээ. Жинхэнэ эцэг хүн аав хүн хань нөхөр гэж хүмүүс чинь угаасаа их ховор байдаг юм шүү. Айхтар хүүхнүүд бол аль эрт олоод авчихсан зарим нь булаагаад авчихдаг л юм байна лээ. Шулуухан хэлэхэд ихэнх эрчүүд бол байглаасаа хогийн байхаар заяасан байдаг юмшдээ. Хариуцлагатай тэвчээртэй ухаантай эр хүн шиг эр хүн байна гэдэг баргийн аавын хүүгийн хийчдэг зүйл биш. Жинхэнэ эр хүн болж чадаагүй малууд яаж эцэг хүн болхов дээ ишш чаваас хөгийн арчаагүй лалрын гарууд их шүү их. Эр ч бай эм ч бай хүн ер нь хүртэх ёстойгоо хүртдэг