Зарим нэг жүжигчид нэг киноноос нөгөө кинонд нэг л үйл хөдлөлөө давтан үзүүлдэг, энэ нь сүүлдээ бараг тэдний брэнд хөдөлгөөн болон хувирах нь бий. Нэг жүжигчин нь хэн нэгний нүд рүү гараараа чичилж байхад, нөгөө нь хэлээ гаргах нь энүүхэнд, харин нөгөө нэг нь нүдээ эргэлдүүлнэ. Та эдгээрийг хэзээ ч анзаарч байгаагүй гэдэгтэй барихад ч бэлэн байна шүү.
Алдартай жүжигчдийн тоглосон кинонуудыг хэд дахин үзэж байж, тэдний давтагдсан үйл хөдлөлүүдийг олж илрүүлсэн юм.
1. Леонардо Ди Каприо хүн рүү чичилдэг
Леонардо Ди Каприо ярьж байгаа хүнийхээ өөдөөс долоовор хуруугаараа чичлэх тун дуртай. Энэ дохиог ашигласан анхны тохиолдол нь “The Basketball Diaries” кино. Түүний долоовор хурууг цаашлаад “Inception”, “The Wolf of Wall Street” болон “Django Unchained” кинонуудаас харж болно.
2. Брэд Питт доод уруулаа жимийж хазна, уруулаа чангална
Брэд Питтийг уруулаа жимийж хазаж байгааг нь олон киноноос харж болно. Олон кинонууд дээр ингэж гардаг юм, жишээлбэл “Meet Joe Black”, “Seven”, “Moneyball” болон “War Machine” кинонуудыг нь үзээрэй.
3. Женнифер Энистон гэдсэн дээрээ гараа зөрүүлж барьдаг
Женнифер Энистон инээдмийн кинонд тоглох дуртай, бүтээсэн бараг дүр болгондоо гараа зөрүүлж урдаа барьдаг юм. “Wanderlust” болон “Murder Mystery” кинонуудад ингэж байгааг нь харж болно. Мөн хуучны кинонуудаас нь дурдвал “Along Came Polly”, “The Break-Up”. Энистон өөрийгөө байнга ийм байрлал авч байгаагаа өөрөө мэддэг болов уу?
4. Райан Рейнольдс шүршүүрт орохоор бэлдэнэ, шүршүүрээс гарна эсвэл орж байна
Райан Рейнольдсын бие бялдрын хөгжилд ямар ч эр хүн атаархахаар, олон ч эмэгтэйчүүдийн сонирхлыг татдаг биз. Тийм ч учраас найруулагчид энэ сайхан залууг нvцгэлж шүршүүрт оруулах гээд байдаг юм болов уу? Бидний мэдэхийн л “National Lampoon’s Vacation”, “The Nines”, “The Proposal” кинонуудад шүршүүртэй холбоотой байдаг юм.
5. Сэм Рокуэлл дандаа л бүжиглэж байгаа харагдана
Сэм Рокуэлл тоглосон бараг бүх кинондоо өөрийнхөө бүжигчний ур чадварыг гайхуулж байна. Тэр “Conviction”, “The Way Way Back” кинонуудад бүжиглэдэг, бас “Mr. Right” кинонд бүжгийн хэдэн хөдөлгөөн хийдгийг та үзсэн биз ээ. Жүжигчний чин сэтгэлээсээ бүжиглэж байгааг австралийн Flight Facilities дууны клип-ээс үзэж болно.
6. Брюс Уиллис өөрийн брэнд болсон жуумалзах инээмсэглэлээр алдаршжээ
Брюс Уиллисийн энэ инээмсэглэлийг кинонд дуртай хүн болгон сайн мэднэ. Энэ инээмсэглэлээ “Die Hard” кинонд ашиглаж эхэлснээс хойш “Hudson Hawk”, “The Whole Nine Yards” кинонуудад амжилттай “инээмсэглэсэн” юм. Мөн саяхны нэгэн бүтээл болох “Moonrise Kingdom” кинонд ч бас жуумалзаад амжжээ.
7. Райан Гослинг хэлээ гаргадаг
Райан Гослинг хэлнийхээ үзүүрийг харуулах дуртай. Ямар үед гаргаж байна вэ гэхээр: сандарсан, хичээсэн бас дарамтанд орохоороо. Гослингийн хэл “Murder by Numbers”, “Hercules: The Legendary Journeys” олон ангит киноны 5 дугаар улирлын 17 дугаар анги дээр, “The Believer”, “Drive” кинонуудад үзэгдэнэ.
8. Мартин Фримен хэлэх үггүй болохоороо амаа ангайлгадаг
Мартин Фримен дэлгэц дээр гайхширсан, алмайрч хэлэх үггүй болж байгааг чадварлагаар илэрхийлдэг. Хөмсгөө бага зэрэг зангидна, нэг бол нүдээ бүлтийлгэнэ, гэхдээ хамгийн алдартай нь амаа ангайлгах хөдөлгөөн юм. Фрименийн нүүрний энэ хувирлыг “The Hitchhiker’s Guide to the Galaxy”, “Breaking and Entering”, за тэгээд “Sherlock” олон ангит киноны бүх ангиудаас үзэж болно.
9. Колин Фарреллийн зовж шаналсан харц, хөмсөг
Колин Фаррелийн жүжиглэлтийн гол зэвсэг болох зовж шаналсан харц, хөмсөг нь олон жилийн туршид алдартай хэвээр байна. Энэ нүүрний хувирлын өөрчлөлтөд өтгөн хөмсөг үнэхээр чухал үүрэг гүйцэтгэнэ, нэг талаасаа бас их зэрлэг ч харагдуулдаг байж болох юм. Гэхдээ Колин энэ нүүрний хувирлаа киноны үнэхээр гунигтай хэсэгт л ашигладаг. “Phone Booth”, “In Bruges”, “Cassandra’s Dream”, “Triage” кинонуудаас нь түүний шаналсан харцыг үзээрэй.
10. Николас Кейж галзуурч байгаа юм шиг хашхирдаг
Хашхирч байгаа Николас Кейжийг сошиал суваг хэрэглэгчид нэг биш удаа наргианы шугамаар ашигласан удаатай. Кейжийн хамгийн алдартай нүүр хувиргалттай кинонуудаас дурдвал “Face/Off”, “Vampire’s Kiss”, “Matchstick Men” болно.
11. Амаа ангайсан Кристен Стюарт
Жүжигчний амаа ангайсан байдлыг үзэгч олон ажиглаад олон жил болжээ. Түүнийг зүгээр ч орхисонгүй бас шоглоод авсан байна. Гэхдээ энэ байдал нь зураг авалтын үед их тус болдог гэнэ. Уг аргыг «загасны эвшээлт» гэдэг – нүүрийг урт болгож харагдуулна, нүүр хувиргалтын явцад бага үрчлээ сууна бас уруулын хэлбэрийг засдаг ажээ. Өөр бусад алдартнууд ч гэсэн зураг авалтын үеэр энэ аргыг ашигладаг байна.
Жүжигчдийн нэг киноноос нөгөө кинонд ашиглаж байгаа үйл хөдлөлийг та анзаарч байсан уу?
Ха Ха
Гайхмаар
Гоё
Тэнэглэл
Хөөрхөн
Бахархмаар
Харамсалтай
Буруу
Зочин
2021/03/04 at 07:16
Райан Гослингийн энэ үйлдлийг хэлээ гаргах гэхгүй, монголоор уруулаа шилэмдэх гэж ярьдаг. Орчуулагч гуай︕