Хэрэв та өглөө өлөн элгэн дээрээ кофе уудаг бол таны биед ямар өөрчлөлт гарах вэ?

Shutterstock.com

Невада-Рено Их Сургуулийн хэсэг судлаачид кофег эко түлш болгон хувиргаж, ойрын жилүүдэд машинууд каппучино кофе шиг үнэртэй утаа ялгаруулах боломжтой гэдгийг тогтоогоод байгаа билээ. Харин өглөө өлөн элгэн дээрээ кофе ууж эрч хүч авах боломжтой гэж боддог бол та эндүүрчээ. Эрдэмтэд кофе уух хамгийн тохиромжтой цагийг 9:30-11:30 хэмээн тодорхойлсон байна.

1. Нойрмог болно

Кофе нь хэдийгээр сэргээгч болж байдаг боловч өглөө сэрснийхээ дараа өлөн элгэн дээрээ уух нь хүний биед эсрэг үйлчилгээ үзүүлдэг аж. Кофенд агуулагдах кафейн стрессийн гормоныг нэмэгдүүлж, ядарч сульдах нөхцлийг бүрдүүлдэг байна. Түүнчлэн түүнд агуулагдах чихэр нь инсулиний хэмжээг нэмэгдүүлж, цусан дахь глюкозын хэмжээг бууруулдаг. Иймээс өглөө уудаг чихэртэй каппучино таныг нойрмог байдалд хүргэдэг ажээ.

2. Хүний бие хэрэгцээт эрдэс, амин дэмийг хурдан алдана

Өглөө эрт кофе уух нь хүний мэдрэлийн тогтолцоонд хамгийн чухал ач холбогдолтой В амин дэм, магни, төмөр зэрэг эрдэс, амин дэмийг биеэс гадагшлуулж, түүнд агуулагдах кафейн нь яс сийрэгжилтэд хүргэх эрсдлийг дагуулдаг.

3. Гэдэс өвтгөнө

Кофе танд эрч хүч өгөх чадалтай ч гэдэс өвдөх нэгэн шалтгаан болдог ажээ. Мэргэжилтнүүдийн үзэж буйгаар кофе нь мэдрэлийн тогтолцоог идэвхжүүлж, гэдэс ходоодны үйл ажиллагаанд нөлөөлдөг гэжээ. Түүнчлэн хүмүүс кофендоо сүү, крем хийх зэргээр амтлах дуртай байдаг нь гэдэс өвдөх шалтгаан болдог.

4. Жин нэмэгдэх шалтгаан болно

Хар кофе өөх шатаахад тустай боловч нойргүйдэлд хүргэх хандлагатай байдаг ажээ. Харин нойргүйдэл нь хэт их хооллолт, жин нэмэгдэх шалтгаан болдог байна. Мөн кофе ч гэлтгүй бусад амтлаг ундаанууд ч илчлэг өндөртэй байдаг тул жин нэмэх магадлалыг нэмэгдүүлдэг байна.

5. Сэтгэлийн түгшүүр бий болгоно

Хүнийг өглөө сэрэх үед стрессийн даавар маш өндөр байдаг бөгөөд энэ үед хүн кофе ууснаар хүний сэтгэл санаа тавгүйтэж, түгшүүр бий болох хандлагатай байдаг.

6. Арьс хуурайшуулна

Өглөөний цагаар кофе уух нь гэдэс ходоодны үйл ажиллагаанд нөлөөлдөг гэж дээр дурьдсанчлан хүн шингэнээ маш хурдан алддаг ажээ. Энэ нь даамжирсан тохиолдолд арьс хуурайших, үрчлээс суух зэрэг шинж тэмдэг ажиглагддаг.

7. Цусан дахь чихрийн хэмжээг нэмэгдүүлнэ

Өглөө кофе уух нь цусан дахь чихрийн хэмжээг нэмэгдүүлж, жин нэмэгдэх, арьс өнгөний халдвар авах эрсдлийг нэмэгдүүлдэг байна.

Та ихэвчлэн хэдэн цагт кофе уудаг вэ? Өглөө уудаг бол таны биед ямар нэгэн сөрөг шинж тэмдэг илэрч байсан уу?

11

Гайхмаар

5

Хөөрхөн

3

Ха Ха

3

Буруу

3

Тэнэглэл

1

Бахархмаар

1

Гоё

1

Харамсалтай

Баярлалаа!