20 настай, инженерийн мэргэжлээр суралцдаг оюутан Pawan Khargone Мадха Прадеш дүүргийн эмнэлэгт бохь зажласны дараа аманд нь цэврүү үүсэж, нүд болон эрүү орчмоор нь хүчтэй өвдсөн тул шүдний эмнэлэгт хандахаас өөр аргагүйд хүрчээ.
Түүний хоёр ч шүдийг авсны дараа доктор Saurabh Srivastava шүднийх нь уртыг хараад золтой л шоконд орчихоогүй гэнэ. Авсан 2 шүдний хамгийн томыг нь хэмжиж үзэхэд 39 мм урттай байсан бөгөөд энэ нь Дэлхийн Гиннесийн рекорд амжилтыг эвдэхүйц хэмжээ аж.
Хэвийн бус хэмжээтэй энэ шүдийг доктор Srivastava өнгөрсөн 2-р сарын 29-ний өдөр авсан байна. Эмчилгээ амжилттай болж, өвчний зовиур дахин илрэхээ больсон учраас Pawan эмчид маш их талархаж буйгаа илэрхийлжээ.
Ингэснээр Pawan-ийн шүд 2018 онд Гиннесийн амжилтаар бүртгэгдэж байсан 37.2 мм урттай шүдний амжилтыг эвдсэн байна. Сонирхуулахад уг шүдийг Германы доктор Max Lucas өвчтөнд хийсэн эмчилгээний үеэр авч байжээ.
Тэр даруйдаа доктор Max энэ талаар баримтжуулан холбогдох мэдээллийг Гиннесийн амжилтыг бүртгэдэг газар руу илгээж байсан талаар “UPI” эх сурвалж мэдээлсэн байна.
Гиннесийн амжилтад бүртгүүлж, сертификатаа хүлээж авсны дараа доктор Max Германы Франкфуртер Нойе Зьютинг-д ярилцлага өгөх үедээ ингэж хэлж байв:
“Дэлхий дээрх бүх шүдний эмч нар одоо үүнийг унших болно.”
Гэсэн хэдий ч энэ рекорд амжилтыг доктор Slivastava болон оюутан Pawan нар эвдэх хувьтай байжээ.
Erdeneochir Erka
2020/03/15 at 16:12
K