Гэрийн хаалганы дугаар амьдралд хэрхэн нөлөөлдөг вэ? Танд ямар дугаартай хаалга хамгийн их аз авчрахыг мэдэж аваарай

Гэрийн хаалганы дугаар амьдралд хэрхэн нөлөөлж болох вэ? Хэрвээ хаалганы дугаар таны энергитэй таарч байвал та байрандаа тав тух, аюулгүй байдлыг бүрэн мэдэрч чадна. Таны хувьд ямар дугаартай байр хамгийн азтай болох вэ?

Орон зайн энерги нь бидний амьдарч байгаа орчин эсвэл урьд нь амьдарч байсан хүмүүсийн энергиэс хамаардаг гэж үздэг. Мөн байшин, байрны байршил ч чухал нөлөө үзүүлнэ. Харин хаалганы дугаар бидний төрсөн огноо шиг хүний амьдралд чухал нөлөө үзүүлэх ажээ. Гэр бүлийн хэн нэгэн гэртээ тав тухыг мэдэрч чадахгүй мөртлөө өөр айлд очихоороо өөрийгөө тайван, аюулгүй байгаагаа бүрэн мэдэрдэг. Энэ нь гэрийн энерги тухайн хүний энергитэй зохицохгүй байгааг илтгэнэ. Юу болоод байгааг хэрхэн ойлгох вэ?

Байрны хаалганы дугаар хүний амьдралд хэрхэн нөлөөлж болох вэ? Танд тохирох хаалганы азын дугаар

Байрны хаалганы азын дугаар гэж байгаа шиг эсрэг дугаар ч гэж бий. Өөрөөр хэлбэл гэрийн эзэн гэртээ дасаж өгөхгүй, цаанаасаа л нэг сөрөг энерги мэдэрнэ. Хамгийн азтай дугаар бол 1, 2 болон 6 хэмээгддэг.

Таны амьдарч байгаа эсвэл нүүхээр төлөвлөж байгаа байрны хаалганы дугаар юу өгүүлж байгааг танд танилцуулах гэж байна. Хэрвээ хаалганы тооны энерги таны өөрийн энергитэй зохицож байвал “хана нь хүртэл таныг түшиж” байгаа мэт санагдана. Эсрэгээрээ, толгой өвдөх, уйтгар гунигт автах, шалтгаангүйгээр ядрах зэрэг шинж тэмдгүүд илэрдэг. Юуны түрүүнд таны хаалганы тоон утгыг тооцоолж гаргая. Тооцоолол маш энгийн: жишээ нь: 138 гэсэн тоот хаалга байлаа гэж бодъё, тэгвэл 138 = 1 + 3 + 8 = 12. 1 + 2 = 3. «3» гэдэг тоо нь 138 дугаар хаалганы тоон энерги.

Ингээд энэ тоо таны хувьд азтай эсэхийг мэдэж авна.

1 гэсэн тоо

Гараг – Нар. Энэ байр гэрийн эздийг эрч хүч, амьдралын баяр баяслаар сэлбэдэг. Бусдаас онцгойрох, бусдын анхаарлыг татахад тусална. Зураач, яруу найрагч, зохиолч, сэтгүүлчдэд ээлтэй.

Гэртээ маш олон төрлийн гэрэлтүүлэг тавь, давамгайлах өнгө – улбар шар-улаан. Энэ гэрийн уур амьсгалыг дүрсэлбэл санаа зовох зүйлгүй, нээлттэй. Сайхан сэтгэлтэй хүмүүст л энэ дугаартай байр аз жаргал авчирна, муу санаатай хүмүүсийн хувьд бүтэлгүйтэлтэй учрах ажээ.

2 гэсэн тоо

Гараг – Сар. Мэдрэмж болон ухаарал. Бага насны хүүхэдтэй ажилладаг хүмүүс, тогооч, хөгжимчдөд ээлтэй. Энэ байрны гол чухал зүйл нь толь, үндсэн өнгө нь зөөлөн шаргал бөгөөд бага зэргийн оюу-ногоон чимэглэл. Угаалгын өрөөний гадаад үзэмжинд анхаарал хандуулаарай – өөгүй сайхан харагдах ёстой шүү.

3 гэсэн тоо

Гараг – Ангараг. Эрх чөлөө, шийдэмгий байдал, үйл хэрэг! Энэ байр залхуу хүмүүст тохирохгүй. Идэвхтэй байвал таны өмнөөс шийдвэр гаргаж эхэлнэ. Энэ байранд байнга л ямар нэгэн зүйл засаж залруулж байх хэрэгтэй: усан хангамж, түгжээ, сандал… Эзэд нь мөнхийн хөдөлгөөн дунд байхгүй бол энергийн зогсонги байдал өвчний шалтгаан болох аюултай. Чимэглэлд улаан өнгө давамгайлбал зохино. Хамгийн идэвхтэй газрууд – бие засах өрөө болон үүдний хэсэг – эдгээр газруудад онцгой анхаарал хандуул.

4 гэсэн тоо

Гараг – Буд. Харилцаа холбоо. Энэ байранд үнэнч шударга байх ёстой, худал хуурмаг эргээд л тань дээр ирнэ шүү. Уг гэрийн эзэд байнга аялал зугаалганд тэмүүлж байдаг. Харилцаж байгаарай, зөвхөн гэртээ бус мөн ажил төрөл дээрээ ч бусадтай харилцахыг хичээ: энэ байр таныг ахуйн ажлаас хэзээ ч салгахгүй.

Чимэглэлийн чухал бүрдэл – мэдээлэлтэй холбоотой объектууд: зурагтаас эхлээд л гар утас, ханан дээрх гэрэл зураг, жаазтай зураг. Харин тааламжтай өнгө – хөх, саарал, мөн хөх шаргал.

5 гэсэн тоо

Гараг – Бархасбадь. Өргөтгөл. Энд бүх зүйл глобал: энэ гэрийн амьдрал улс төртэй холбоотой байж болно, шинжлэх ухаан – ямар нэгэн үзэл бодлын төлөө хүмүүсийг нэгтгэх зорилготой. Тиймээс нил ягаан өнгө зохино. Чимэглэлийн хувьд алс холоос авчирсан хүрэл эдлэл байх ажээ. Санаагаар унах ямар ч шаардлага байхгүй, таны санасан бүхэн бүтнэ. Тийм ээ, бас баялаг номын сантай болохоо мартаж болохгүй шүү.

6 гэсэн тоо

Гараг – Сугар. Амралт, хайр бас тав тух. Энэ байрны эзэд үнэхээр азтай юм. Энд сайхан сэтгэлтэй бас зочломтгой хүмүүс амьдардаг, эсвэл бүр эрээ цээрээ алдсан заргач хүмүүс ч амьдарна. Маш дулаан өнгө зохино: бор шаргал.

Гэрийн тохижилт – том зөөлөн буйдан, дугуй ширээ, хивс, цэцэгнүүд. Гэр – том дүүрэн аяга л гэсэн үг. Энэ айлынхан амьтанд хайртай – нохой, муур. Гэртээ битгий муудалцаж байгаарай, хэрүүл эхэлсэн хүн л буруутан болно шүү.

7 гэсэн тоо

Гараг – Санчир. Мөнхийн туршилт. Энэ байрны оршин суугчид төрөл бүрийн туршилт хийх, ямар нэгэн зүйлд хязгаарлагдмал байна. Гэхдээ энэ нь тийм ч муу зүйл биш шүү! Сан хөмрөг бий болгох, мэргэжлийн урлан ажиллуулах боломжтой. Хамгийн гол нь өөрийнхөө үйлдлийг байнга дүгнэж цэгнэж байгаарай. Өлсөх дэглэм болон йогоор хичээллэвэл сайн нөлөөтэй. Давамгайлах өнгө – хар хөх. Чимэглэлийн хувьд чухал зүйл байхгүй.

8 гэсэн тоо

Гараг – Тэнгэрийн ван. Зурхайч, далдыг хардаг хүмүүсийн гэр орон. Энэ гэрт материалист эсвэл прагматик хүн амьдарвал учраа олохгүй. Найз нөхдөөр дүүрэн байх гэр. Солонгын өнгөөр зонхилоорой, мөн тэнгэрийн хөх өнгө заавал байх ёстой. Цахилгаан хэрэгсэлтэй болгоомжтой ханд, бас цонхоо тунгалаг цэвэрхэн байлгахыг хичээ.

9 гэсэн тоо

Гараг – Далайн ван. Маш хүнд байр! Лам, хөгжимчин, далайчин эсвэл зөнч амьдарвал зохино. Биелэшгүй мөрөөдөлдөө умбаж муу зуршилд амархан автах байр. Яг л Бермудын гурвалжин гэсэн үг – хаа нэгтээ алга болно, эрүүл саруулаар сэтгэх сөхөө өгөхгүй.

Таны хаалганы дугаар таны энергийн дугаартай тохирч байна уу?

9

Гайхмаар

5

Буруу

4

Ха Ха

4

Бахархмаар

4

Хөөрхөн

2

Гоё

1

Харамсалтай

1

Тэнэглэл

Баярлалаа!