Хүний дотоод ертөнцөд орших сайхан сэтгэл бол нар юм. Гюго В.
Петр Малаховский – 2015 оны диск шидэлтийн дэлхийн аварга. Польшийн тамирчин Петр олимпын наадмын хоёр удаагийн мөнгөн медалийн эзэн. Рио-де-Жанейро дахь тэмцээний үеэр түүн дээр нэгэн хүүхдийн ээж ирээд өөрийн гунигтай түүхийг ярьжээ. Хүүхэд нь хорт хавдартай бөгөөд хүүхдээ аврахын тулд Нью-Йоркод маш үнэтэй эмчилгээ хийлгэх шаардлагатай, гэтэл түүнд мөнгө байхгүй гэсэн аж.
Петр тэр эмэгтэйг өрөвдөж ямартай ч туслахаар шийджээ. КП сэтгүүлд дурдсанаар тамирчин залуу мөнгөн медалиа дуудлага худалдаагаар 126 мянган ам.доллараар зарж хүүхдийн эмчилгээнд өгсөн байна.
Тусламж хэрэгтэй хүмүүст боломжоороо тусалж байхыг Петр мөн бусдад уриалжээ.
“Дуудлага худалдаанд оролцсон хүмүүст бүгдэд нь талархаж байна. Бид бүгд хамтын хүчээр гайхамшгийг бүтээж чадна гэдгийг харууллаа. Миний мөнгөн медаль долоо хоногийн өмнө байсан үнэ цэнээсээ хэд дахин давж чадлаа. Медаль бяцхан хүүхдийн амь амьдрал, эрүүл мэндийг аврахад тусалж байгаад би баяртай байна” гэж Малаховский өөрийн Facebook хуудсандаа бичжээ.
Хөөрхөн
Бахархмаар
Буруу
Гоё
Ха Ха
Гайхмаар
Харамсалтай
Тэнэглэл
