Туршлагатай гэрийн эзэгтэй болгон шарсан төмснийхөө жороо гайхуулдаг. Олон гэр бүлийн хувьд идэх дуртай амттай хоолны нэг болно. Аргагүй дээ. Хийхэд амар, төмсөндөө мөөг нэмлээ гэхэд улам л сайхан амттай болно уу гэхээс амтыг нь дордуулахгүй.
Мөөгтэй шарсан төмс
Өнөөдөр та бүхэндээ энгийн хэрнээ шим тэжээлтэй нэгэн жорыг танилцуулах гэж байна. Шарсан төмсөнд дуртай хүмүүст хэрэгтэй бас нэгэн лайфхак ч болж чадна. Харин хоол хийж сурч байгаа хүмүүсийн хувьд томоохон нээлт болох юм шүү.
Миний хоол хийх туршлага сулхан байхад юу эсийг л оролдох вэ дээ. Жишээ нь, хөрш бүсгүй төмсөө шарахаас нь өмнө хөлдөөгөөрэй гэлээ, үнэндээ олигтой юм болоогүй. Энэ төрлийн хоол хийхэд дараах нийтлэг асуудалтай тулгардаг: төмс нь бүр нялцайна эсвэл огт шаржигнахгүй. Харин өнөөдрийн танилцуулах нууц жороор та гайхалтай шарсан төмс идэх болно. За, эхэлцгээе.
Орц:
- 7 том төмс
- 1 сонгино
- 4 хумс сармис
- 200 г цагаан мөөг
- Давс, перц
- Ургамлын тос
- Гурил
Хийх арга:
1. Төмсөө сайтар угаагаад хальсална. Дараа нь хэрчинэ. Би уртаар нь хэрчих дуртай, харин ээж минь нимгэн хавтгай хэрчдэг. Одоо хамгийн чухал зүйл: хэрчсэн төмсөндөө хуурай гурил цацаад сайтар холино. Гурилын ачаар шарсан төмс няцарч бутрахгүй бүтнээрээ болох юм.
2. Тос хийсэн хайруулын тавгаа сайтар халаагаад төмсөө хийнэ. Шарж байхдаа ч бага зэрэг гурил хийж болно.
3. Одоо мөөг, сонгиноо хэрчинэ. Шарж байгаа төмсөндөө хийгээд давс, перцээр амтална.
4. Үе үе хутгана. Шарсан төмс үйрэхгүй, бяцрахгүй, гадуураа шаржигнуур шаргал өнгөтэй, тэгээд амттай болно. Сайхан хооллоорой.
Та төмсөө яаж шардаг вэ? Танд бусадтай хуваалцах шалгарсан жор бий юу?
Туяа Нацаг
2020/12/13 at 11:56
Kocho Shinobu
Зочин
2020/12/13 at 16:50
Таргалуулдаг хоол
Отгонбаяр Пүрэвжав
2020/12/15 at 08:05
Шарсан төмс хортой шүү
Bayr Batsukh
2020/12/15 at 12:32
Та их сайхан хоол хийх юм .гайхалтай👌👌