Хэрэв та энэ салатыг нэг хийж идсэн л бол маргааш нь дахиад 3 дахин их порцоор хийж идэхийг хүсэх болно

Шарсан мөөг, тахианы махтай салат – баярын тансаг ширээ засахад хамгийн тохиромжтой жор болов уу? Уг салат ямар ч баярын ширээг чимж чадна.

Хэрвээ бидэнд эргэлзээд байвал эхлээд уг салаттай төстэй салатыг өдрийн хоолондоо идэж үзээрэй. Нэгэнт амтыг нь авснаас хойш ирэх зочдоо чухам энэ л салатаар дайлахыг хүснэ.

Шарсан мөөг, тахианы махтай салат

Орц:

• 350 г тахианы ясгүй мах
• 220 г даршилсан мөөг
• 4 өндөг
• 150 г хатуу бяслаг
• 1 том сонгино
• 200 г эрдэнэ шиш
• 100 г даршилсан өргөст хэмх
• Майонез – өөрийн амтанд тохируулна
• Хар перец – өөрийн амтанд тохируулна
• Амтат паприка – өөрийн амтанд тохируулна
• 70 мл наранцэцэгийн тос

Хийх арга:

1. Юуны түрүүнд тахианы махаа угаагаад цаасан алчууранд хатаана. Дараа нь давс, перцээр амтлаад 30 минут амраагаарай.

2. Энэ үеэр бусад орцуудаа бэлдье. Өндгөө дунд зэргийн саванд хийж усаар дүүргээд дунд зэргийн гал дээр болгоно. Дараа нь сонгиноо хальсалж цэвэрлээд жижигхэн дөрвөлжин хэрчээрэй.

Дараа нь сонгиноо хэрчиж халаасан хайруулын тавганд шаргал өнгөтэй болтол нь шарна, бага зэргийн ургамлын тос хийгээрэй. Шарсан сонгино дээрээ мөөгөө хийгээд зөөлөн гал дээр дахин 10 – 15 минут шарна.

3. Энэ үед өндөг болчихно, галаас аваад усыг нь асгасны дараа хөргөхөөр цааш тавина. Одоо амталж орхисон тахианы махаа шаръя. Дунд зэргийн гал дээр бүрэн шарахад ойролцоогоор 20 минут болно.

Махаа шарж дуусангуут цаасан алчуур дэвссэн тавган дээр гаргаарай. Илүүдэл тосыг цаасанд шингээж аваад махыг хөргөхөөр орхино (яг иймэрхүү аргаар мөн шарсан мөөгийг хөргөнө). Дараа нь тахианы махаа жижиглэж хэрчээд салат зуурах савандаа хийнэ.

4. Одоо өндөг, бяслаг, даршилсан өргөст хэмхээ л хэрчих үлдлээ. Бүх орцуудыг салатны саванд хийнэ.

5. Хамгийн сүүлд нь майонез, амтлагчуудаа хийгээд сайтар хутгаарай.

Энгийн бөгөөд амттай салатны жор ингээд л боллоо. Танд болон таны ойр дотнын хүмүүст уг салат таалагдана гэж найдаж байна. Коммент хэсгээр сэтгэгдлээ үлдээвэл бид их баярлана шүү. Таны хувьд энэ жорд ямар нэгэн өөрчлөлт хиймээр санагдсан ч юм билүү? Ичиж зоволгүй саналаа бичээрэй.

Сайхан хооллож, өдрийг зугаатай өнгөрүүлэхийг хүсье.

12

Бахархмаар

2

Ха Ха

1

Харамсалтай

1

Буруу

1

Гайхмаар

1

Хөөрхөн

1

Гоё

0

Тэнэглэл

Баярлалаа!