Ухаалаг гар утасны зах зээлд “Xiaomi” компани “Apple”-ийг гүйцэж, дэлхийн 3 дахь том ухаалаг гар утас үйлдвэрлэгч боллоо

0
0
46,043

“Huawei” компанийн асуудал “Xiaomi”-ийн амжилтад хүрсэн гол шалтгаан болов.

Ухаалаг гар утасны зах зээлд “Xiaomi” компани “Apple”-ийг гүйцэж, түүхийн хуудсыг шинээр бичлээ. Хятадын гар утасны бренд саяхан дэлхий дээрх 3 дахь хамгийн том ухаалаг гар утас үйлдвэрлэгч болсон бөгөөд үүнийг судалгааны 3 том эх сурвалж баталлаа – “Counterpart”, “Canalys” болон “International Data Corporation”.

Энэ бол “Xiaomi” компанийн хувьд анх удаагаа ийм статустай болж буй нь юм. 9-р сарын сүүл хүртэлх 3 сарын рекорд тогтоосон борлуулалтын үр дүн гэж хэлж болно.

Тоон үзүүлэлтээс харвал, уг компанийн борлуулалт 40% буюу 46-47.1 саяар нэмэгджээ.

Ойрын өрсөлдөгч “Apple”-ийн хувьд 4-р байрт орсон байна. Жилийн 3-р хагаст iPhone гар утасны борлуулалт 41.6 сая байв. Өнгөрсөн жилтэй харьцуулахад энэ нь 10% буурсан үзүүлэлт юм.

“Huawei” компанийн асуудал “Xiaomi”-гийн амжилтад хүрсэн шалтгаан болов. “Huawei” компани дэлхийн хамгийн том ухаалаг гар утас үйлдвэрлэгч гэсэн өрсөлдөөнд “Samsung” компанид ялагдал хүлээсэн байна.

Солонгосын гар утас үйлдвэрлэгч компанийн борлуулалт жилийн 3-р хагаст 80 сая байсан бол, “Huawei”-ийнх дөнгөж 30 сая байв.

Зарим аналистуудын мэдээлснээр “Huawei” ихэнх үйлчлүүлэгчдээ “Xiaomi”-д алдсан гэнэ. “Canalys” эх сурвалжийн аналист Mo Jia хэлэхдээ “Xiaomi гадаад дахь борлуулалтаараа Huawei-г цөм цохисон” гэжээ.

“Жилийн 3-р хагаст Xiaomi борлуулалтаа 14.5 саяар нэмсэн бол, Huawei 15.1 саяар буурсан. Европт гол өрсөлдөөн явагдсан бөгөөд Huawei-ийн нийт борлуулалт энэ тивд 25% байсан бол, Xiaomi-ийнх 88% байв.”

“Huawei”-ийн асуудал АНУ-ын Засгийн газрын шийдвэртэй шууд холбоотой. Ерөнхийлөгч асан Trump Америкийн компаниудыг “Huawei”-тай бизнес хийхийг нь хориглосон. Ингэснээр “Huawei”-ийн ухаалаг гар утаснууд “Google Android” үйлдлийн системийг ашиглах боломжгүй болсон юм.

АНУ-ын Засгийн газрын шийдвэр “Huawei”-ийн гадаад дахь борлуулалтад хүчтэй нөлөөлсөн нь энэ. АНУ-ын програм хангамж болон технологийг ашигладаг гадаадын үйлдвэрлэгчид “Huawei”-тай хамтран ажиллаж, худалдаа хийхийн тулд тусгай лицензийн зөвшөөрөлтэй байх шаардлагатай болсон билээ.

3
ХөөрхөнХөөрхөн
1
ТэнэглэлТэнэглэл
1
ГоёГоё
0
Ха ХаХа Ха
0
ГайхмаарГайхмаар
0
БахархмаарБахархмаар
0
ХарамсалтайХарамсалтай
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.