Анхаараарай, анхаараарай! Сууж буй газраасаа хөдлөлгүйгээр дэлхий даяар аялах аялал маань эхлэхэд бэлэн боллоо. Бидний аялалын гол зорилго эх дэлхийн маань хаа нэгтээд 1 доллараар юу хийж болох талаар байх болно. Манай сайт уншигч танд дэлхийн олон оронд 1 доллараар юу хийж болох тухай нэгэн сонирхолтой мэдээллийг бэлдлээ. Тэдний зарим нь таны гайхшралыг төрүүлнэ гэдэгт итгэлтэй байна!
1. Филиппин
Филиппин хүрэх урт аялал таныг чилээсэн бол танд хамгийн хэрэгтэй зүйл бол хөлний иллэг билээ. 20 минутын турш иллэг хийлгэсний дараагаар бие тань сэргэнэ гэдэгт итгэлтэй байна.
2. Истанбул
Хэрэв та Истанбул хотыг зорьж буй бол турк уламжлалт цайг амталж үзээрэй. Энэ цай нь Турк улсад хамгийн эрэлттэй ундаа бөгөөд 1 долларт та олон төрлийн цайнаас сонгож амтлах боломжтой.
3. Вьетнам
“Nón lá” хэмээн алдаршсан энэхүү конус хэлбэртэй малгайг сүрэл эсвэл чийрсээр урладаг. Та энэ малгайг сувинер болгон гэрээ чимэглэхэд зориулж эсвэл бэлэг дурсгалын зорилгоор худалдан авч болох юм.
4. Герман
Европ тивд 1 долларт худалдан авалт хийнэ гэдэг хэцүү сорилт байх болно. Магадгүй гэрт тань чихний хөвөн байхгүй байгаа бол та 1 долларт 400 ширхэгийг худалдан авч болно.
5. Малайз
Тээшиндээ зай хэмнэх хамгийн сайн арга бол угаалгын үйлчилгээтэй ойр газар буудаллаж, бага хэмжээний хувцас авч явах явдал юм. Куала Лумпур хотод та 1 долларт 2 кг хувцас угаалгах боломжтой.
6. Энэтхэг
Эдийн засагт маш хэмнэлттэй байдлаар газар үзэх боломжийг нийтийн тээвэр олгодог. Тэгвэл Энэтхэг улсад та нэг чиглэлийн метроны тасалбарыг та 10 рупи буюу 13 центээр авах боломжтой. Тиймээс газар үзэхээр шийдсэн бол метро хамгийн хямдхан сонголт байх болно.
7. Венесуэл
Венесуэл улсаас та дэлхийн хамгийн хямд шатахууныг олох болно. Энд 1 литр шатахуун 20 центээр хэмжигддэг. Хэрэв та автомашинаар аялах гэж байгаа бол 1 долларт 5 литр шатахуун авах боломжтой.
8. Өмнөд Солонгос
Караоке бол Өмнөд Солонгос улсад маш алдартай. Иймээс солонгос соёлыг мэдэрч, хэсэгхэн хугацааг дуулж өнгөрүүлж яагаад болохгүй гэж? Зоосоор үйлчилдэг караокед та 1 доллараар 2 дууг захиалан дуулах боломжтой.
9. Португал
Португалчууд болон кофены холбоо тэртээ XVIII зуунаас үүдэлтэй. Португалын гудамжаар алхахад энэхүү тансаг зүйлсийг ууж буй хүмүүс хаа сайгүй харагдана. Хэрэв таны замд кафе харагдвал эргэлзэлгүй халуун уух зүйл захиалаарай.
10. Хорват
Дэлхийн хамгийн сайн зайрмаг Хорват улсад байдаг гэдгийг та мэдэх үү? Та энэ улсад нэг ширхэг зайрмагийг 6 куна буюу 94 центээр худалдаж авах боломжтой.
11. Унгар
Хямдхан үнэтэй машины зогсоол олно гэдэг амаргүй. Харин Будапешт хот мөнгө ихээр заралгүй 4 цагийн турш машинаа зогсоолд байршуулах бүрэн боломжтой гэдгээрээ онцлог ажээ.
12. Сингапур
26 хэмээс доош үл буух халуун цаг агаарт нийтийн усан сан зорих нь хамгийн сайхан санаа байх болно гэдэгт итгэлтэй байна. Сингапурт хямд төсөр нийтийн усан сангууд олон бий.
13. Швейцар
Швейцар улсын амжиргааны өртөг маш өндөр. Хэрэв та энэ улсад аялж яваад цангасан тохиолдолд 1 доллараар 1.5 литр ус худалдан авах боломжтой гэнэ.
14. Бразил
Хэрэв та Бразилд цүнх үүрч алхахыг хүсэхгүй байгаа бол автобусны буудлын тээш хадгалах хэсэг танд туслах болно. Та цүнх дүүрэн хүнд ачаагаа энд өдрийн турш үлдээгээд далайн эрэг дээгүүр шуувуу мэт чөлөөтэй гүйх боломжтой.
15. Тайланд
Аялж явахад урьдчилсан төлбөрт дугаарыг сонгож авч явах нь хамгийн зөв сонголт байдаг. Тэгвэл Тайланд улсад үүрэн телефоны үйлчилгээ маш хямд байдаг ажээ. Яаралтай дуудлага хийх хэрэгтэй болсон нөхцөлд та 16 минутын турш үнэгүй ярих ч боломжийг эдэлнэ.
Таны амьдарч буй улсад 1 доллараар юу хийж болох вэ?