Батганы сорвийг бүдгэрүүлж, арилгахад туслах 7 эрүүл хоол хүнс

0
0
22,565

Хэдийгээр батга алга болдог ч тэрээр арьсны эд эсийг маш ихээр гэмтээж үлдээдэг. Харин бие махбод тэрхүү гэмтлийг эмчлэхийн тулд өөрөөсөө коллаген ялгаруулж байдаг. Хэрэв бие хэтэрхий бага эсвэл хэт их коллаген ялгаруулж эхэлбэл сорви тодордог гэсэн үг. Гоо сайхны бүтээгдэхүүн үйлдвэрлэгчид батганы сорвитой тэмцэх хэдэн сая бүтээгдэхүүн санал болгодог ч хамгийн эрүүл бөгөөд үр дүнтэй арга бол эрүүл зөв хооллолт юм. Ингээд батганы сорвийг бүдгэрүүлж, арилгахад тусалдаг эрүүл хоол хүнсийг санал болгож байна.

1. Хулуу

© Depositphotos.com, © Karalina S. / Unsplash

Тустай эрдсийн агууламж: Хулуу нь ниацин, фолат, “А”, “В” витамин болон цайрын маш сайн эх үүсвэр юм.

Үзүүлэх нөлөө: Ниацин болон фолат нь цусны эргэлтийг нэмэгдүүлж, эсийн шинэчлэлтийг сайжруулдаг учир батга эмчилгээнд хэрэглэхэд тохиромжтой байдаг. Хулууны үр нь цайр агуулдаг бөгөөд энэ нь дааврын хэмжээ, тосны ялгарлыг хянах, арьсыг эдгээхэд тусалдаг. Харин “А” аминдэм нь батганы сорвийг багасгахад тусалдаг.

 

2. Буржгар байцай

© Shutterstock.com, © Ronit Shaked / Unsplash

Тустай эрдсийн агууламж: Кале нь “C”, “K” витаминаар баялаг бөгөөд зэс, төмрийн эх үүсвэр юм.

Үзүүлэх нөлөө: Буржгар байцайн дахь витамин, эрдэс бодис, антиоксидантууд нь гиперпигментацийг бууруулж, арьсны өнгийг зөөлрүүлж өгдөг. Витамин К нь арьсан дээрх нөсөө толбыг багасгах үйлчилгээтэй. Төмөр нь шарх, сорви, түүний дотор батганы сорви зэргийг эдгэрэх явцыг хурдасгадаг байна.

 

3. Нимбэг

© Shutterstock.com, © Sarah Gualtieri / Unsplash

Тустай эрдсийн агууламж: Нимбэг бол байгалийн гаралтай цайруулагч төдийгүй сорвины эмч юм. Арьс чангалж, батга гарахаас сэргийлнэ.

Үзүүлэх нөлөө: Нимбэгний хальс нь арьсанд хамгаалалтын болон антикарцин үүсгэдэг флавоноид агуулдаг. Тиймээс өдөрт уудаг усандаа нимбэг хийх юм уу идэж буй салатны соусандаа нимбэг ашиглаж байгаарай.

 

4. Чихэрлэг төмс

© Nastasya Day / Pexels, © Depositphotos.com

Тустай эрдсийн агууламж: Чихэрлэг төмс нь ретинол болон бета-каротин агуулдаг.

Үзүүлэх нөлөө: Таны бие бета-каротиныг “А” аминдэм болгон хувиргадаг. Энэ витамин нь чөлөөт радикалуудаас болж үүссэн арьсны өнгө алдалт, үрэвсэл, нүх бохирдох зэргийг саатуулж байдаг байна. Ретинол нь гоо сайхны бүтээгдэхүүний чухал бүрэлдэхүүн хэсэг бөгөөд гиперпигментаци, батга, нарийн үрчлээ, сорвижилтын эсрэг үр үнтэй нөлөө үзүүлдэг. Тиймээс үнэтэй тос худалдаж авахын оронд хоолондоо чихэрлэг төмс тогтмол хэрэглэдэг болох хэрэгтэй.

 

5. Папая жимс

© Diana Oborska / Unsplash, © Shutterstock.com

Тустай эрдсийн агууламж: Папая жимс нь папаин хэмээх хоол боловсруулах ферментээр баялаг байдаг.

Үзүүлэх нөлөө: Папая нь үхэжсэн арьсны эсийг гуужуулж, нүх сүвийг цэвэрлэн, батга арилгах үйлчилгээтэй. Мөн таны арьсыг чийгшүүлж, гэмтлээс урьдчилан сэргийлнэ.

 

6. Цэцэгт байцай

© Eric Prouzet / Unsplash

Тустай эрдсийн агууламж: Цэцэгт байцаа нь “С” аминдэмийн маш сайн эх үүсвэр бөгөөд гистидин хэмээх маш хүчтэй амин хүчил юм.

Үзүүлэх нөлөө: Гистидин нь арьсанд нөсөө толбо үүсгэдэг хэт ягаан туяанаас хамгаалагч юм. Витамин “С” нь чөлөөт радикалуудаас үүсэх аливаа гэмтэлтэй тэмцэж, биеийн төмрийн ялгарлыг нэмэгдүүлэн шарх, сорви хурдан эдгэхэд тусалдаг.

 

7. Квиноа

© Dan Dennis / Unsplash, © Depositphotos.com

Тустай эрдсийн агууламж: Квиноа нь “B3” витамин агуулдаг.

Үзүүлэх нөлөө: Ницинамид гэгддэг витамин “В3” нь батга болон экземийн улмаас цочирч, үрэвссэн арьсыг тайвшруулахад тусалдаг. Квиноагаас олдсон суурь элемент болох “Ecdysteroids” нь батганы улмаас үүссэн сорвийг арилгахад тусалдаг. Энэ нь арьсыг нөхөн сэргээж, цочролыг багасгадаг байна.

7
ГоёГоё
4
ГайхмаарГайхмаар
2
БахархмаарБахархмаар
2
ХөөрхөнХөөрхөн
2
Ха ХаХа Ха
1
ТэнэглэлТэнэглэл
0
ХарамсалтайХарамсалтай
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.