Гэртээ ургамал тарьж ургуулах нь хүнийг аз жаргалтай болгож байдаг хэмээн нотлогдсон байдаг. Хэдийгээр нарийн судалсан судалгааны ажил байхгүй ч тодорхой төрлийн ургамал тарьж ургуулах нь бидний эрүүл мэндэд эерэгээр нөлөөлж, сэтгэл санааг амирлуулж байдаг гэж бид итгэдэг шүү дээ.
Манай сайт уншигч танд энэ нийтлэлээрээ шүүслэг ургамал гэж нэрлэгддэг энэхүү цэцэгний төрөл танд ямар ач тус үзүүлж болох талаар бэлдлээ.
1. Тэд агаарыг цэвэршүүлж байдаг
Судалгаагаар тасалгааны ургамал нь агаарыг элдэв химийн нэгдэл болон хорт зүйлсээс цэвэрлэж байдаг гэжээ. Мөн тэд илүү их хүчилтөрөгч ялгаруулж, агаарын чийгшлийг тэнцвэржүүлж байдаг.
2. Таны үр бүтээмжтэй байдлыг нэмэгдүүлнэ
Тарьсан ургамлууд тань таныг илүү үр бүтээмжтэй нэгэн болгодог гэдгийг судалгаагаар тогтоожээ. Гэсэн хэдий ч өөрийгөө хэтэрхий олон ургамлаар хүрээлүүлж болохгүй гэнэ. Учир нь тасалгааны ургамал хэт олон болсноор таны үр бүтээмж буурах хандлагатай байдаг ажээ.
3. Тэд таны сэтгэл санааг дэмжинэ
Тасалгааны ургамал нь таны сэтгэлзүйд онцгой сайнаар нөлөөлдөг ба өөртөө итгэх итгэлийг ч мөн нэмэгдүүлдэг тухай судалгаа бий.
4. Тэднийг анагаах зориулалтаар хэрэглэж болно
Ерөнхийдөө шүүслэг ургамал нь таныг амраах болон сэтгэлийн дарамтнаас ангижруулах ид шидтэй гэдэг. Мөн зуун наст тэргүүтэй ургамлууд нь зүссэн шарх, хоёрдугаар зэргийн түлэгдэлт зэрэг шархнуудыг анагаах чадвартай байдаг.
5. Тэднийг ургуулахад маш хялбар
Шүүслэг ургамлууд нь ямар ч нөхцөлд ургах чадамжтай гэдгээрээ онцлогтой. Тэд уулархаг газарт ч, чийглэг халуун орны ойд ч, таны унтлагын өрөөнд ч нэгэн хэвийн ургадаг. Өөрөөр хэлбэл тэдэнд ус болон гэрэл байхад л хангалттай. Мөн чөлөөт цагаараа тасалгааны ургамлаа арчлах нь стресс бууруулах нэгэн арга мөн гэдгийг судалгаагаар баталсан байдаг.
6. Тэд сэтгэл татам
Магадгүй шүүслэг ургамал тарих хамгийн бодит үндэслэл бол тэдний харагдах байдал билээ. Манай гараг дээр хэдэн сая төрлийн, өөр өөр хэлбэр дүрс, хэмжээтэй шүүслэг ургамлууд бий. Тиймээс ч таны сэтгэлийг татаж, гэрт тань ая тухтай байдлыг бүрдүүлэх цэцэг маш олон бий гэдэгт итгэлтэй байж болно.
Та гэртээ цэцэг ургуулдаг уу? Таны цэцэг танд ямар нэгэн байдлаар нөлөөлж буйг та мэдэрч байсан уу? Сэтгэгдэл хэсэгт бидэнтэй хуваалцаарай.
Хөөрхөн
Гайхмаар
Гоё
Ха Ха
Бахархмаар
Харамсалтай
Тэнэглэл
Буруу
Номинсолонго Ууганхүү
2020/08/02 at 22:08
🦋
Zuunaa Bat
2020/08/02 at 23:46
🐌🐝🐣🐚🐬💐