Чанартай кино үзэх болгонд л урьд нь огт анзаарч байгаагүй нэг шинэ зүйл олж хардаг. Үнэндээ, тэдгээр зүйл нь ихэд нууцлагдмал, магадгүй кино дэлгэцнээ гарснаас хойш хэдэн жилийн дараа ч анзаарч болно.
Киноны үнэнч шүтэн бишрэгчид ч анзаараагүй байж болох зарим нэг киноны нууц зүйлсийг танд танилцуулахаар бэлдлээ.
- “Kill Bill” киноны О-Рен Ишии Сүйт бүсгүйтэй тулалдахаас өмнө түүнийг 5 минут ч тэсэж чадахгүй гэж хэлдэг. Хамгийн сонирхолтой нь уг тулаан яг 4 минут 59 секунд үргэлжилдэг юм.
- “Whiplash” (2014) киноны гол дүрийн баатар аугаа болох хүсэлдээ улам автдаг бөгөөд хүн төрөлхтнөөс тасарч эхэлдэг. Түүний энэхүү өөрчлөлтийг хувцсаар нь илэрхийлжээ. Киноны эхэнд залуугийн хувцас цагаан байсан бол төгсгөл гэхэд багш шигээ хар болж өөрчлөгджээ.
- “Avatar” кинонд гарах том танхимын цонх яг л Америкийн далбааг санагдуулам. Далбааны од байх ёстой хэсгийг сайтар ажиглаж харвал 50-ын тоо үзэгдэнэ. Жинхэнэ далбаан дээр яг л энэ тооны од байдаг.
- “The Grand Budapest Hotel” киноны эхэнд Зеро өөртөө сахал зурдаг, мундаг болж харагдах гэж байгаа нь тэр. Киноны төгсгөлд залуу том болжээ, сахал нь ч өөрөө ургачихаж.
- “American Psycho” киноны Патрик Бейтмен Rolex брэндийн цаг зүүдэг. Энэ тухай эх романд 26 удаа дурдагддаг юм, харин кинонд ганц ч удаа хэлдэггүй. Цаг үйлдвэрлэгчид сэтгэл зүйн өвчтэй амьтнаар өөрийн брэндийн нэрийг хэлүүлэхийг зүгээр л хүсээгүй бололтой.
- “Star Wars: The Rise of Skywalker” (2019) киноны C-3PO андроид өвөг дээдсийн их наадам Пасаана гариг дээр 42 жил тутамд зохиогддог гэж хэлдэг. Киноны эхний анги яг 42 жилийн өмнө буюу 1977 онд гарсан.
- “The Terminator” киноны эхний хэсэг дээр Сара Коннор нохойтой болсныг харж болно. Кайл Риз түүнд нохой терминаторыг ялгаж таньдаг гэж хэлснийг санаж байна уу?
- “Thor” киноны алх элсэрхэг газар шигдсэн байдаг, эргэн тойрон байгаа элс нь яг л шилийг санагдуулам харагдана. Халуун хэмд байгаа элс үнэхээр шил болж хувирдаг ажээ.
- “Blade Runner 2049” кинонд Харрисон Форд үнэхээр Райан Гослингийн нүүрийг цохидог. Анхааралтай үзэгч үүнийг тэдний нүүрний хувирлаар нь мэдэж болохоор байсан. Райан өөрийгөө цохиулна гэж огт төсөөлөөгүй, харин Харрисон хүн цохисондоо айгаад гараа барьж авдаг. Тэд хамтын ярилцлагаараа үүнийг үгүйсгээгүй. Зураг авалтын дараа Форд уучлалт гуйж Гослингийг бааранд урьжээ.
- “The Shawshank Redemption” киноны Рэд (Red — «улаан»)-ээс түүнийг яагаад ингэж дуудах болсон тухай асуухад тэрээр хошигнож: “Ирланд хүн болохоор л тэгсэн байх даа?” гэж хариулдаг. Үнэндээ, Стивен Кингийн ном дээр шаргал үст ирланд хүн гэж гардаг юм.
- “Devil’s Advocate” киноны дүр бүтээхэд Киану Ривз цагт 400 доллар авдаг байжээ. Энэ дүнг зүгээр ч нэг сонгоогүй юм: тооцоог 1 минутаар гаргавал 6,66 доллар гарна. Тэгэхээр хэнтэй харьцаж байгаагаа санаж яваг.
- “Seven” киноны Жон Доугийн нүүрийг 7 хэсэг хуваасан байдаг. Энэ хэсгийн харилцан яриа бараг 2 минут гаран үргэлжилнэ, гэхдээ л гол дүрийн баатар нүүрээ 7 хэсэг хуваагдсан байрлалаа хадгалсаар л.
- Сэмюэль Л.Жексоны бүтээсэн дүрүүдэд нил ягаан өнгө үе үе үзэгддэг. Энэ бол жүжигчний дуртай өнгө, заримдаа жүжигчин өөрөө энэ өнгийг дүрдээ ашиглахыг найруулагчаасаа гуйдаг ажээ.
- “Millennium Falcon” хөлөг онгоцны Чубаккагийн суудал Хана Сологийнхоос хамаагүй бохир харагддаг, энэ нь ч ямар нэгэн тайлбаргүйгээр үзэгч олонд ойлгомжтой биз ээ.
- “The Truman Show” киноны гол дүрийн баатрын хуримын бөгж нь түүнийг хянах нэмэлт камер юм.
Энэ бүгдийг мэдснээс хойш та эдгээр киног дахин үзэхдээ өөрийн эрхгүй анзаарах болов уу. Та өөр бусад кинон дээрээс иймэрхүү нууц зүйл олж харж байсан уу?