Үсээ хатаалгүй орондоо орох нь хэд хэдэн үр дагавартай байдаг. Хэрэв та оройн цагаар усанд ордог хүн бол эдгээр үр дагавраас болоод дараагийн удаа үсээ хатаах цаг өөртөө гаргаад зогсохгүй үс арчилгааны тогтсон хуваарьтаа өөрчлөлт оруулах тухай бодох буй за. Ингээд яагаад нойтон үстэй унтаж болохгүй шалтгаануудыг хүргэж байна.
1. Хуйхыг цочроож магадгүй
Хуйх загатнасан, цочирсон мэдрэмж авч байсан уу? Бид ихэвчлэн ийм үед бүх бурууг шампунь руугаа тохдог. Гэвч тэрхүү таагүй мэдрэмж нь нойтон үстэйгээ орондоо орсноос болж үүсдэг байна. Хагтах, хуйх үрэвсэх зэрэг нь чийг даасан дэрний уутан дээр унтсанаас болж үүсдэг гэсэн үг. Үс нойтон байхад унтах үед эргэн тойронд үүссэн дулаан орчин хуйханд бактери үүсэх нөхцөл бүрдүүлдэг байна.
2. Үс ширэлдүүлдэг
Нойтон үс маш эмзэг байдаг. Үсээ хатаалгүй орондоо орвол унтаж байх үед орооцолдож, ширэлддэг. Ингээд өглөө сэрэхэд үсний тань орооцолдоон гарахгүй таныг стресстүүлж магадгүй.
3. Толгой өвтгөдөг
Нойтон үстэй унтвал өглөө толгой өвдөж сэрэх магадлал нэмэгддэг. Энэ талаар зарим үс арчилгааны мэргэжилтнүүдийн хэлж буйгаар нойтон үстэй унтах нь хүний биеийн температурыг буулгадаг бөгөөд бие өөрийгөө дулаацуулах оролдлого хийснээр толгойд өвдөлт өгдөг гэжээ. Бусад мэргэжилтнүүд үсээ алчуураар ороосон чигтээ орондоо орох нь өвдөлт үүсгэдэг бөгөөд тэр ч байтугай таны нойрыг тасалдуулж болзошгүй гэж үзжээ.
4. Үс ширүүн болдог
Нойтон үстэй унтах нь хүний эрүүл мэндэд ноцтой хохирол учруулахгүй ч үсний харагдах байдалд нөлөөлж чадна. Чийгтэй үс нь дэрний ууттай хүчтэй үрэлцсэнээр үсний ширхэг гэмтэж ширүүн болдог. Тиймээс үсээ эмчлэх гэж мөнгө үрэхийн оронд унтахаасаа өмнө үсээ хатаах цаг гаргаж байгаарай.
5. Үс шалчийлгадаг
Нарийн ширхэгтэй үстэй хүмүүс маш шингэхэн үстэй мэт харагддаг. Харин нойтон үстэй унтах нь ялангуяа тийм төрлийн үстэй хүмүүст ихээхэн халтай. Эргээд хөвсийлгөхөд маш хэцүү байдаг. Тиймээс л нойтон үстэй унтчихаад босоод ирэхэд үс шингэхэн болсон мэт мэдрэмж төрдөг байна.
6. Үс салаалах шалтгаан болдог
Үснийхээ салааг түүлгэхээр ойр ойрхон үсчин орсоор л байна уу? Шалтгаан нь үсээ хатаахгүйгээр унтсанаас болж үс гэмтсэнтэй холбоотой юм. Нойтон үс нь маш мэдрэмтгий байдаг бөгөөд эргэх, хөрвөөх бүрд үрэгдсэнээр үзүүр нь салаалдаг байна.
7. Арьсыг цочроодог
Нойтон үстэй унтах нь зөвхөн хуйханд нөлөөлөөд зогсохгүй арьсанд ч бас нөлөөлдөг. Хэрэв та унтаж байхдаа хөрвөөвөл нойтон үс нүүрэнд тань хүрч орчны халуун агаартай нэгдэн арьсны бактери үржих нөхцөлийг бүрдүүлж өгдөг байна.
Та өглөө ажилдаа явахаасаа өмнө үсээ угаадаг уу эсвэл унтахаасаа өмнө угаадаг уу? Нойтон үстэй унтсанаас болж өөр ямар нэгэн шинж тэмдэг ажиглагдаж байсан уу?
Гайхмаар
Харамсалтай
Буруу
Гоё
Бахархмаар
Ха Ха
Хөөрхөн
Тэнэглэл
