Дэлхийн бараг бүх улс орон аюулт вирусын халдварын эсрэг чадах чинээгээрээ урьдчилан сэргийлэлт, арга хэмжээг авч байна. Улс орнуудын Засгийн газрууд хилийн чанадаас ирж буй ард иргэдээ вирусын халдвар тараах эрсдэлийг тооцоолон тодорхой хугацаагаар тусгаарлах шийдвэрийг гаргасан.
Тайландад амьдардаг нэгэн эр саяхан Италиас аялаад ирсэн хүүгээ тосож авахаар явсан бөгөөд тэр хүүгээ вирусын халдвар авсан байж болзошгүй хэмээн үзэж, машин дотроо тусгайлан зай гаргаж, өөрийгөө тусгаарлах хэсгийг хийжээ. “Sinchew” эх сурвалжийн мэдээлж буйгаар энэ эр хүүгээ тосож авахаар явахынхаа өмнө эмнэлгийн ажилтнууд болон Засгийн газрын холбогдох албаныхантай холбоо барьсан гэнэ.
Тэр хүүхдээ хэрхэн аюулгүй байдлаар, мөн бусдад вирус халдаалгүй гэрт нь авчрах талаар асууж, зөвлөгөө өгөхийг хүсжээ. Хариуцлага өндөртэй энэ аав өөрийнхөө машинд хуванцар хоолой болон гялгар уут суурилуулжээ. Эдгээр зургуудаас харахад тэр урд болон хойд суудлуудыг янз бүрийн төхөөрөмжөөр тусгаарлаж, тэр ч бүү хэл хүүгээ агаарын дутагдалд оруулахгүйн тулд хоолойг агааржуулагчтай холбожээ. Үнэхээр гайхалтай!
Тэр хүүгээ нисэх онгоцны буудлаас гэртээ шууд авчирсан бөгөөд энэ хугацаанд ямар ч дэлгүүр эсвэл олон хүнтэй газруудад огтхон ч очоогүй талаараа хэлжээ. Тэд гэртээ ирэх үед аав нь хүүгээ өрөөнд нь оруулж, тусгаарласан байна.
Тусгаарлалтын өрөөг нь утасгүй интернет болон бусад олон төрлийн цахилгаан төхөөрөмжийн хамт тоноглосон бөгөөд өөрийгөө хөл хорионд оруулах үед нь хүүдээ тав тухтай орчинг бүрдүүлж өгөхийг хүссэн гэнэ. Энэ хүү 3-р сарын 10-ны өдөр гэртээ ирсэн цагаасаа хойш өнөөдрийг хүртэл өөрийгөө тусгаарласаар байгаа бөгөөд аавынхаа дэмжлэгт талархаж буйгаа илэрхийлжээ.
Эмч нар аавынх нь хүүхдээ вирусын халдвар цааш нь тараахаас ингэтлээ сэргийлж байгааг хараад маш их бахархаж байгаа уламжилсан байна. Мөн энэ эр вирусын халдвараас сэргийлж, машин дотроо гар ариутгагч болон зориулалтын масктай явдаг гэнэ. Түүний хүү нь вирусыг бусдад тараахгүй гэсэн баталгаа байхгүй ч, энэ аав өөрийн чадах чинээгээрээ эрсдэлээс сэргийлж байгаа нь энэ юм.
Өөрийнхөө болон эргэн тойрныхоо хүмүүсийн төлөө хувийн ариун цэврээ сайтар сахиж, Засгийн газар болон Эрүүл Мэндийн Яамны заавар зөвлөгөөг хэрэгжүүлээрэй гэж таниас хүсье!
Tseegi Od
2020/03/20 at 08:08
Ner ustai bicheech
Bayarmaa Dashnyam
2020/03/22 at 00:25
Mundag
Байгаль Эрдэнэ-Очир
2020/03/22 at 22:31
Nergui Neegii
2020/03/23 at 09:35
mundag setgeltei uhaalag aav ym daa
Oyungerel Oyunaa
2020/03/23 at 11:43
Mundag aawd bayarlalaa huu ni ervvl baih boltugai