Саяхан гэрэл зураг сонирхогч Anil Prabhakar нэгэн гайхалтай гэж хэлж болох дүр зургийг Борнео дахь ширэнгэн ойд олж харжээ. Найзуудтайгаа хамт ширэнгэн ойгоор явж байх үедээ орангутан сармагчны зургийг авах гэж байсан боловч, харамсалтайгаар тэдний нэг нь намагт шигдчихжээ. Тэгтэл орангутан сармагчин түүн рүү очиж, гараа сунган тусалсан байна. Хэсэгхэн хугацаанд болоод өнгөрсөн энэ үйл явдлыг гэрэл зургийн хальсанд буулгаж амжсан бөгөөд удалгүй олон нийтийн анхаарлын төвд орж, хүмүүс орангутан сармагчны сайхан сэтгэлийг шагшин магтацгаах болжээ.
Намаг шигдсэн хүнийг гарахад нь туслахаар гараа сунгаж буй орангутан сармагчны фото зураг олон нийтийн анхаарлыг татжээ
“Хэн нэг нь тэнд могой байна гэж хэлсэн. Харин тэгтэл тэр санамсаргүй унаж, намагт шигдчихсэн. Орангутан сармагчин юу хийж байгааг нь ажиглаж сууж байгаад хүрч ирж, гараа сунгасан.” хэмээн Prabhakar хэлжээ.
Гэрэл зурагчны хэлж буйгаар намагт шигдсэн хүн орангутаны гарнаас бариагүй бөгөөд учир нь зэрлэг амьтанд хүрэх хэрэггүй гэж бодсон гэнэ. Намгаас гарсныхаа дараагаар, тэрээр яагаад сармагчны гарт хүрээгүй талаараа ингэж хэлжээ: “Тэр чинь зэрлэг амьтан шүү дээ. Яаж ч мэднэ. Гэхдээ тэр надад туслахыг үнэхээр хүссэн.”
Намагт шигдсэн хүний хувьд уг ширэнгэн ойг хариуцдаг нэгэн бөгөөд “Борнео Орангутан Амьтан Хамгааллын Сан”-гийн тэргүүн юм байна. Тэрээр өөрийн 400 гаруй ажилтнуудынхаа хамтаар орангутан сармагчны тоо толгойг өсгөхөд анхаарч, аюул заналхийллээс хамгаалдаг ажээ.
Энэ сан анх 1991 онд байгуулагдсан цагаасаа хойш 650 орангутаныг асарч хамгаалсаар иржээ. “Орангутан сармагчныг хамгаална гэдэг маш чухал ажил. Ой мод хүн төрөлхтөнд ямар чухал билээ. Тэгвэл энэ ой модод дунд тэд амьдардаг юм.” гэж тэрээр хэлсэн байна.
Борнео ширэнгэн ойд мөн 160 гаруй төрлийн могойнууд байдаг бөгөөд эдгээр нь орангутан сармагчингуудын аюулт дайсан юм. Эдгээр могойнуудаас сармагчингуудыг хамгаалахын тулд ажилтнууд могойнуудыг голын уснаас холдуулж, орангутан сармагчингуудад могой гэдэг амьтан аюултай болохыг давхар зааж сургадаг гэнэ.
Үүний үр дүнд орангутан сармагчингууд могойг аюултай амьтан болохыг мэддэг болжээ. Тэдэнд хэрхэн зааж сургаж буй бичлэгийг үзээрэй:
Хөөрхөн
Тэнэглэл
Бахархмаар
Гайхмаар
Гоё
Ха Ха
Харамсалтай
Буруу
Baatar Otgon
2020/02/09 at 09:02
Hun uuruu iim muuhai
Төмөрөө Бэгзээ
2020/02/09 at 11:09
Хөөрхөн юм бэ хайр хүрчихлээ
Lyolya Besud
2020/02/09 at 13:28
Энэ сармагчингаас дор Ухаан мулгуу хумуус манай торд олноороо бна шуу
Crystal Sky
2020/02/09 at 20:52
үхэхээ шахчаад бас хөгийн муу санаатай
Tsogbadpah Dawaadopj
2020/02/09 at 22:24
76 malaas deer bna
Jin Bolor
2020/02/10 at 01:54
Yag unen manai ene heden eh ornoo heden haltar zoosoor harj hudaldagsad hujaagiin …snuudees dor bh gej
Одко Ц.
2020/02/10 at 11:40
Ene zurgin tgd hen avsinbe😂🤣🤔
Санжаа Баярмаа
2020/02/11 at 12:26
Муу хүнээс ч ухаантай юм даа
Eegii Eegii
2020/02/12 at 01:36
Animal is amazing