Доктор Robert Parry бол зүгээр ч нэг мэс заслын эмч биш юм. Тэр бол жинхэнэ хүн чанартай нэгэн. Охайо дахь Хүүхдийн эмнэлгийн мэс заслын ахлах эмчийн бяцхан өвчтөнүүдийн айх айдсыг багасгах үүднээс авч хэрэгжүүлж буй арга олон нийтийн анхаарлыг татах болжээ. Мэс ажилбарыг дуусгасны дараа Parry оёдлыг нуухын тулд төрөл бүрийн хүүхэлдэйн киноны баатруудыг зурж, бяцхан өвчтөний оёдол дээр тавьдаг байна.
Акроны Хүүхдийн эмнэлгийн зүгээс Parry-гийн бүтээлүүдийг харуулсан зургуудийг интернетэд байршуулсны дараагаар, олон нийтийн анхаарлыг богино хугацаанд татжээ
Доктор Parry-гийн өвчтөн байсан нэгэн охины ээж түүний зургууд эмнэлгийн салбарт шинэ дэвшил авчирсан гэж хэлсэн байна. “Хүүхэд өвдөх үед эцэг эх бүрт маш их хэмжээний стресс үүсдэг. Мэс ажилбар хийлгэх өдөр ирэхэд, эцэг эхчүүд санхүүгийн асуудал, ямар нэгэн зүйл буруугаар эргэх вий гэх мэт асуудлуудаас болж айдаг ч, энэ мэдрэмжээ ил гаргадаггүй” хэмээн Christina Potts Whipkey гэх эмэгтэй “CNN”-д ярилцлага өгчээ.
Эмч Kennedy охин болон түүний гэр бүлийнхэнд мэс ажилбар дууссаны дараа хөөрхөн эрвээхэй зурж өгөхөө амласан байна. Мэс ажилбар дуусаж, Kennedy гарч ирэхэд бүх хүн гайхширчээ. Учир нь охин оёдол, мэс ажилбараас үлдсэн сорвиндоо огтхон ч санаа зовохгүй, харин ч хөөрхөн эрвээхэйтэй боолт хийлгүүлсэндээ баяртай байжээ.
Доктор Parry 2011 оноос хойш уг эмнэлэгт ажиллаж байгаа бөгөөд 2017 он гэхэд нийтдээ 10,000 гаруй мэс ажилбарыг амжилттай хийсэн байна.
“Хүн бүрт энэ арга барил өвөрмөц санагддаг. Надад бол зугаатай ажил шүү. Эцэг эхчүүд болон хүүхдүүдэд ингэх нь маш их таалагддаг бөгөөд эмнэлгийн ажилтнууд ч гэсэн ам сайтай байдаг. Мэс ажилбар дууссаны дараа өрөөнд орж ирэх сувилагч нар хүртэл ямар хүүхэлдэйн киноны баатар зурах бол гэж сонирхож асуудаг. Тэгэхээр хүн бүрт таалагддаг байх.” хэмээн доктор Parry “CNN”-д ярилцлага өгөхдөө хэлжээ.
Бичлэг үзэх:
Although the pen may not be mightier than the scalpel, pediatric surgeon Robert Parry always takes a moment to make sure a scar isn't the only lasting memory of a child's surgical procedure. Dr. Parry estimates he has created dressing drawings for more than 10,000 patients.
Posted by Akron Children's Hospital on Saturday, January 21, 2017
Доктор Parry-гээр мэс ажилбар хийлгүүлсэн хүүхдүүдийн эцэг эхчүүд түүний өвөрмөц үйлчилгээг харуулсан фото зургуудыг интернетэд тавьжээ
Танд энэ эмчийн арга барил ямар санагдаж байна? Та өөрийн мэддэг сайн хүүхдийн эмчээ MENTION хийж баярлаж талархаж явдгаа илэрхийлээрэй.
Гоё
Бахархмаар
Хөөрхөн
Тэнэглэл
Гайхмаар
Харамсалтай
Ха Ха
Буруу
Burmaa Sanjaa
2020/01/26 at 10:10
Сайхан сэтгэлтэй жинхэнэ эмч байна даа.
Anuu Anu
2020/01/27 at 01:49
Mundag yma hed hongiin omno hvv mani halgaand opood oydloo haraal uilad bssan mongold Iim bol
Амина Амина
2020/01/27 at 16:48