Сүүлийн хэдэн жилийн хугацаанд дэлхийн гэр бүл салалтын үзүүлэлт 251.8%-иар нэмэгдсэн байна. Тухайлбал Малдив улсын эмэгтэйчүүд дундаж гэр бүл салалтын үзүүлэлтээр тэргүүлж байгаа ба тэд 30 нас хүрэх хүртлээ 3 удаа гэр бүлээ цуцлуулж байгаа ажээ. Энэ статистикыг харахад зүрх шимшрүүлэм байгаагаас гадна, үүнд нөлөөлж буй гол буруутай хүчин зүйлийг Харвардын Их сургуулийн хийсэн судалгаагаар олж тогтоосон байна.
Бид та бүхэнд энэхүү супер-сонирхолтой судалгааны талаар хүргэхээр бэлтгэлээ.
Судлаачид 45+ жилийн өмнөх өгөгдлийг судалсан ба үүнээс юу олж мэдсэн бэ?
Харвардын профессор 1970-аад оны үед хамтын амьдрал зохиосон 6300 гаруй хосуудын өгөгдлийг нарийвчлан судалжээ. Өгөгдлийг судалж үзсэний дараагаар, хосууд хэрүүл маргаан болон өөр бусад олон шалтгаануудын улмаас хоёр тийш болж байсан боловч, нийт хосуудын 30% нь эрэгтэй нь ажил эрхэлдэггүй байснаас болж салж байсныг олж тогтоожээ.
Цагийн ажил хийдэг эсвэл ажил хийдэггүй эрчүүд илүү их салдаг
Ганц үүгээр ч зогсохгүй. Цагийн ажил хийдэг эрчүүд салах эрсдэл өндөр байдаг байна. Үүнийг тайлбарлавал, судалгаагаар бага цалинтай ажил хийдэг эсвэл ажилгүй эрчүүд эхнэртэйгээ илүү их хэрүүл маргаан үүсгэж, гэрлэлтээ асуудалд оруулдаг гэж ойлгож болох ажээ.
Эсрэгээрээ ажилгүй эмэгтэйчүүд салдаггүй
Одоо цагт дийлэнх эмэгтэйчүүд ажил болон амьдралынхаа балансыг хангахын тулд завгүй байдаг болсон, судалгаанаас харахад эмэгтэй хүний ажил эрхэлдэг эсэх байдал гэр бүл салалтад нөлөө үзүүлдэггүй гэж үзжээ. Хосуудын өгөгдлийг нарийвчлан судлах үеэр эмэгтэй хүний санхүүгийн статусаас болж, гэр бүлээ цуцалсан тохиолдол байгаагүй гэнэ.
Гэсэн хэдий ч өөр олон хүчин зүйлс нөлөөлдөг
Хосууд бүр өөр ба уг судалгааны үр дүнг хүн бүрт хамааруулж ойлгох нь өрөөсгөл юм. Дээрээс нь судалгаагаар ижил хүйсийн хосууд эсвэл эрэгтэй нь гэртээ гэр орны ажил хийдэг байхад, эмэгтэй нь ажил эрхэлдэг хосуудыг хамруулаагүй ажээ. Нөгөө талаас харахад, эмэгтэйчүүдийн санхүүгийн биеэ даасан байдал өсөн нэмэгдэх нь гэр бүл салах үндэс гэж үзэж болох ч, үүнийг баталж, нотолсон зүйл хараахан байхгүй байгаа юм.
Болзохоор хичээж буй ганц бие хүмүүсийн хувьд ажилтай байх нь чухал
Санал асуулгаас харахад, санхүүгийн хувьд биеэ даасан байдалтай байх нь сэтгэл татам, харин өр зээлтэй хүмүүс бусдад таалагддаггүй болох нь тогтоогдсон байна. Эрчүүд болон эмэгтэйчүүд эсрэг хүйсийнх нь хүмүүсийн зургийг үзүүлж, санал асуулгад хамруулжээ. Мөн тэдний өр зээлийн хэмжээг ил харагдахаар тавьсан ба аль аль хүйсийн хувьд, өр зээлтэй хүмүүс дээрх бусдын сонирхол огцом буурч байгаа нь ажиглагджээ. Гэсэн хэдий ч өр зээлтэй эмэгтэйчүүдийн хувьд өөрчлөлт бага байв. Харин эрчүүдийн хувьд, тэднийг үнэлэх үнэлгээ огцом буюу 75% буурчээ. Өөрөөр хэлбэл эмэгтэйчүүд өр зээлтэй, санхүүгийн хувьд хараат эртэй болзохгүй гэсэн санал дээр нэгдсэн байна.
Та санхүүгийг тогтвортой байдал гэрлэлтэд чухал нөлөөтэй гэдэгтээ санал нийлэх үү? Эсвэл та бие биедээ хайртай л бол мөнгө чухал биш гэж боддог уу?
Baynaa Smile
2020/01/22 at 08:30
Bayar Baasanjav
Гэгээ Б.Б
2020/01/23 at 12:32
Mendbayr Bahimbor
Tsetseg Tsetseg
2020/01/23 at 14:51
Үнэн
Nandintsetseg Batsuuri
2020/01/24 at 13:26
Эрдэнэбаатар М.