Амьдрах явцад бидний эрүүл мэндэд олон асуудал тулгардаг бөгөөд нэгэнт нүүр тулгарсан бол, эргэж буцах аргагүй байдаг. Жишээ нь, хамгийн түгээмэл тохиолддог өвчин бол нуруу өвдөх явдал юм. Хүмүүс нуруу нь өвдөх үедээ ихэнхдээ эмчид үзүүлэх эсвэл эмнэлэгт хэвтдэг боловч, энэ өвчнөөс урьдчилан сэргийлэх болон гэрийн нөхцөлд эмчлэх бүрэн боломжтой байдаг байна.
Нурууны өвчинд дараах хүчин зүйлс нөлөөлдөг:
- Насжилт
- Өвчнүүд
- Биеийн идэвхтэй хөдөлгөөн дутагдах
- Эд зүйл буруу өргөх
- Тамхи татах
- Сэтгэл санааны асуудлууд
Аз болоход хүн бүр тогтмол дасгал хийж, үүнээс урьдчилан сэргийлэх боломжтой юм – эрүүл жинтэй байх, тамхи татахгүй байх болон нуруугаа уян хатан байлгах тал дээр анхаарах, булчингаа хөгжүүлэх гэх мэт.
Нурууны баруун доод хэсэгт өвдөх
Заримдаа бидний нуруу зөвхөн таллаж өвдөх нь бий. Энэ нь ямар учиртай вэ? Яагаад ингэж өвддөг вэ?
Үүнийг дараах учир шалтгаануудтай холбоотой гэж үзэж байна:
- Дотоод эрхтнүүд, тэр дундаа бөөр, умай, бүдүүн гэдэс, нойр булчирхайн асуудлууд. Мөн аппендицит, жирэмслэлт болон эмэгтэйчүүдэд илэрдэг асуудлууд байж болно.
- Эдийн гэмтлүүд. Автомашины осол эсвэл спортын гэмтлийн дараа, булчин, үе, нурууны диск орчмоор өвдөнө.
- Ясны асуудлууд. Эмчид үзүүлж оношлогдоно. Үе мөчний өвчин, нурууны стеноз болон ясны шөрмөс гэх мэт.
Мөн нурууны баруун доод хэсгээр өвдөх нь элэгний асуудал болон давсагны үрэвсэлтэй холбоотой байдаг. Гэхдээ ийм байх тохиолдолд харьцангуй бага байна.
Хэзээ эмчид үзүүлэх ёстой вэ?
Нурууны өвчинд 7 хоногийн 24 цагийн турш стресстэх хэрэггүй боловч, нуруу таллаж өвдөх үед нөлөөлөх хүчин зүйлс, илрэх шинж тэмдгүүдийг сайтар анхаарч, эрсдэлийг урьдчилан тооцоолох нь чухал юм.
Дараах нөхцөл байдалд эмчид үзүүлэх хэрэгтэй:
- Өдөр тутмын идэвхтэй хөдөлгөөн хийх үед нуруу өвдөж зовиурлах
- Бөөлжих, халуурах үед нуруугаар өвдөх
- Шээх үед өвдөх
- Гэнэт үе үе нуруугаар өвдөх
Эрүүл мэнд бол хүний хамгийн үнэт зүйл билээ. Бид үргэлж эрүүл мэнддээ анхаарч байх ёстой. Нуруунд ямар нэгэн өвчин зовиур илрэх үед өөрөө дур мэдэн эмчлэхгүй байх эсвэл интернетээс буруу ташаа мэдээлэл авахгүй байх тал дээр анхаараарай.
Хэрэв таны нуруунд ноцтой зовиур илрэх эсвэл бусад шинж тэмдгүүд ажиглагдвал, эргэлзэлгүй мэргэжлийн эмчид хандаарай гэж зөвлөе.
Гоё
Бахархмаар
Буруу
Тэнэглэл
Гайхмаар
Ха Ха
Хөөрхөн
Харамсалтай
