Хакерууд ухаалаг ТВ-ээр дамжуулан таныг ажиглаж байхыг үгүйсгэхгүй. Энэ нь тэдэнд танай гэрт нэвтрэх боломжийг олгодог байна!

0
0
17,996

Камер болон микрофонтой холбогдсон телевизор хакеруудад таныг болон танай гэрийг тагнах, чагнах боломжийг олгодог болохыг Холбооны мөрдөх товчооноос анхааруулж байна!

Хакерууд хамгаалалтгүй ухаалаг ТВ-ийг ашиглан танай гэрийн интернэт сүлжээ рүү нэвтэрч, улмаар компьютер эсвэл ухаалаг гар утсыг чинь ч хакердах боломжтой гэнэ. Үүнээс сэргийлэхийн тулд ТВ-ийнхээ нууцлалын тохиргоо болон аюулгүй байдалд анхаарч, энгийн тохиргоонд найдах хэрэггүй болохыг зөвлөж байна. Мөн камерыг ямар нэгэн зүйлээр хааж далдлах хэрэгтэйг сануулжээ.

Ухаалаг ТВ-үүд интернетэд холбогдох боломжтой байдаг бөгөөд олон төрлийн аппликейшн болон стримингийн үйлчилгээг ашиглаж болдог.

Дээрээс нь нэмж хэлэхэд, өндөр-технологи бүхий төхөөрөмжүүд камер болон микрофонтой хоршиж ажилладаг – хэрэглэгчийн дууны хяналт болон видео чатыг удирдах боломжийг давхар олгох юм.

Зарим моделиуд нүүр таних технологитой болсноор ТВ-ийг хэн үзэж байгааг мэдэх боломжтой болсон. Түүнчлэн програмистууд хэн, хэзээ ТВ үзсэн түүх бүхий мэдээллийн санг бүрдүүлэх шаардлага гарсан.

Эдгээрээс болж хакерууд таныг болон танай гэрийг тагнах, чагнах боломж улам бүр нэмэгдсэн гэж хэлэхэд буруудахгүй.

Портланд, Орегон дахь Холбооны мөрдөх товчооны зүгээс албан ёсны веб сайтаараа дамжуулан:

“ТВ үйлдвэрлэгчид болон аппликейшн хөгжүүлэгчид таныг магадгүй сонсож, бас харж ч байж мэднэ. ТВ бол хакерууд танай гэрт орж ирэх боломжийг олгох гол хэрэгсэл юм.”

“Магадгүй кибер гэмт хэрэгтэн таны цоожтой компьютер руу хүртэл шууд нэвтэрч чадна.”

“Таны аюулгүйн хамгаалалтгүй ТВ хакерт хүлээн авагчаар дамжуулан, танай гэрийн үүдэнд ирэх боломжийг олгоно.”

Мөн Холбооны мөрдөх товчооноос аюулгүйн хамгаалалтгүй ухаалаг ТВ-ийг хакерууд бүрэн хяналтандаа авах боломжтойг анхааруулжээ:

“Хамгийн бага эрсдэлийг тооцож үзсэн ч тэр, тэд танай ТВ-ийн сувгийг сольж, дууг нэмж, хасахаас гадна танай хүүхдэд хориотой бичлэг үзүүлэх боломжтой.”

“Хамгийн их эрсдэл гэвэл, тэд танай гэрийн камер болон микрофоныг асааж, та болон танай гэр бүлийнхнийг кибер гэмт хэргийн золиос болгох боломжтой юм.”

Та энэ талаар юу гэж бодож байна? Та урьд өмнө хакеруудын хохирогч болж байсан уу?

5
БурууБуруу
1
ГайхмаарГайхмаар
0
ГоёГоё
0
Ха ХаХа Ха
0
ХөөрхөнХөөрхөн
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.