Хамгийн өргөн тархсан 12 төрлийн иллэг. Таны биед аль нь илүү тохирохыг эндээс мэдэж аваарай

0
0
7,372

Хамгийн анхны иллэг тэртээ 4000 жилийн өмнө Хятад улсад хийгдэж байжээ. Тэр үетэй харьцуулахад одоо үед олон төрлийн иллэгийн хэлбэрүүд бий болж хөгжжээ. Эдгээр олон хэлбэрүүдээс аль нь танд хамгийн тохиромжтой болохыг мэдэж байх нь танд ихээхэн ач тустай билээ.

Бид та бүхэндээ хамгийн өргөн тархсан иллэгийн хэлбэрүүдийг танилцуулах бөгөөд ямар хүмүүст хамгийн тохиромжтой болох талаар мэдээлэл хүргэхээр бэлтгэлээ.

1. Анхилуун үнэрт эмчилгээний иллэг

Энэ иллэгийг анхилуун үнэрт тос болох лаванда цэцэг, эвкалипт гэх зэрэг анхилуун үнэртэй тосоор хийнэ. Энэхүү иллэгийг хийхдээ тосоо арьсанд шууд түрхэж хэрэглэж болох ба иллэг хийлгэж буй өрөөнд үнэртүүлэгч болгон хэрэглэж болдог. ‘National Cancer Institute’-ийн зөвлөснөөр сэтгэл гутралтай, айдас ихтэй, нойргүйдэлд өртсөн, дотор муухайрдаг болон бусад өвдөлт ихтэй хүмүүс энэхүү иллэгийг хийлгэх нь тохиромжтой.

© depositphotos.com © depositphotos.com © depositphotos.com © depositphotos.com

 

2. Халуун чулуун иллэг

Энэхүү иллэг нь хавтгай, гөлгөр, халуун чулуу ашиглан биеийн тодорхой хэсгүүдэд тавьж хийгддэг иллэгийн төрөл юм. Энэхүү чулуу нь галт уулын чулуугаар хийгдсэн байх ба дулаан хадгалах чадвартай, 55-60 градусын хэмд хүртэл халах чадвартай. Хэрэв танд булчин чангарах, өвдөх, стресс, нойргүйдэх шинж тэмдэг илэрч байвал та энэхүү иллэгийг хийлгэх нэн тохиромжтой. Түүнчлэн судалгаагаар энэ төрлийн иллэг үений хэрх өвчтэй хүмүүст нэн тустай хэмээн үзсэн байна.

© depositphotos.com © depositphotos.com

 

3. Цэгэн иллэг

Энэ төрлийн иллэг хуян тайлах, нурууны зангирсан булчинг суллахад нэн тохиромжтой. Иллэг хийж буй хүн биеийн тодорхой цэгүүдэд даралт өгснөөр чангарсан булчинг суллаж өвдөлтийг багасгадаг байна.

© depositphotos.com © depositphotos.com

 

4. Тай иллэг

Энэ төрлийн иллэг хүнээс идэвхтэй оролцох оролцоог шаарддаг. Учир нь тай иллэг иогийн сунгалтын дасгал хийхтэй төстэй маягийн хөдөлгөөн хийлгэдэг ажээ. Энэхүү иллэг тамирчдад, ялангуяа хөнгөн атлетикийн тамирчдад илүү тохиромжтой. Тай иллэг хийлгүүлснээр стресс бууруулах, энерги нөхөх, толгойн өвчнийг намдааж, цусны эргэлтийг сайжруулдаг байна.

© Bhattharasinthorn Kosawan & Chot-Anan Kittiraweechot / Wikimedia Commons

 

5. Жирэмсний үеийн иллэг

Энэ төрлийн иллэгийг жирэмсний аль ч үед хийлгэж болдог. Жирэмсэн үедээ иллэг хийлгүүлэх нь таны дааврын ялгаралтыг дэмжиж, өвдөх, хавагнах үйл явцыг бууруулан, стресс, айдас, санаа зовнил зэргээс сэргийлнэ.

© depositphotos.com © depositphotos.com

 

6. Хосын иллэг

Энэ төрлийн иллэгт та хосоороо, найзтайгаа, гэр бүлийн хүнтэй зэрэг хүмүүстэй цуг нэг өрөөнд орж иллэг хийлгэх боломжтой. Ерөнхийдөө энэ төрлийн иллэгт ямар ч төрлийн иллэг хийлгүүлж болно. Саунд орох, биеэ гуужуулах, педикур хийлгүүлэх зэрэг ямар ч үйлчилгээ авч болно. Гол зорилго нь та хайртай хүмүүстэйгээ хамтдаа нэг өрөөнд иллэг хийлгэж амрах боломжийг олгож байгаад оршиж байгаа юм. Тийм учраас энэ төрлийн иллэг харилцаагаа сайжруулахыг хүсэж буй хосуудад нэн тохиромжтой байдаг.

© depositphotos.com © Twemoji github / Wikimedia Commons

 

7. Эмчилгээний усан иллэг

Энэ төрлийн иллэгийг өөрөөр ‘вацу’ хэмээн нэрлэдэг. Энэ иллэг усан дотор хүний биеийг зөөлөн хөдөлгөж тайвшруулах ач холбогдолтой. Мөн биеийн чангарсан булчинг суллах, хөдөлгөөнийг сайжруулахад туслана. Иймд энэ төрлийн иллэг бие нь хөшсөн, булчин нь чангарч өвдсөн хүмүүст нэн тохиромжтой.

© depositphotos.com

 

8. Швед иллэг

Швед иллэг нь иллэгүүд дотроос хамгийн өргөн тархсан иллэг бөгөөд хүний биеийг тайвшруулж, энерги нөхөх ач тустай. Энэ төрлийн иллэг нь янз бүрийн татлага, иллэгийг биеийн тодорхой хэсгүүдэд хийгддэг бөгөөд булчин чангарсан, хөшсөн, тайвшрах хүсэлтэй хүмүүст нэн тохиромжтой.

Illustrated by Ekaterina Gapanovich

 

9. Гүн иллэг

Энэ төрлийн иллэг нь хүчтэй даралтаар булчингийн дотор гадарга хүртэл нөлөөлөхөөр хийгддэгээрээ онцлог ажээ. Энэхүү иллэгийг хийлгэхэд хүний биеийн булчингийн өвдөлт, хөшилт зэргийг намдаана. Иймд гэмтсэн, булчингийн архаг өвдөлттэй, хөдөлгөөн дээд зэргээр хэрэгтэй хүмүүст тохиромжтой.

© depositphotos.com © depositphotos.com

 

10. Ашиацү иллэг

Ашиацу иллэг гүн иллэг боловч энэ иллэгийг гараараа биш хөлөөрөө хийдгээрээ онцлог билээ. Иллэг хийж буй хүн таны нуруун дээр нүцгэн хөлөөрөө гаран алхдаг. Ингэснээр таны биед илүү ихээр даралт өгч энэ нь стресст өртсөн, өвдөлт намдаах, биеийн уян хатан чанарыг нэмэгдүүлэх хүсэлтэй хүмүүст нэн тохиромжтой.

© U.S. Army Corps of Engineers Europe District / Wikimedia Commons © shutterstock.com

 

11. Идэвхтэй зөөллөх иллэг

Энэ төрлийн иллэгийг өөрөөр ‘ART’ хэмээн нэрлэдэг бөгөөд энэ нь биеийн тодорхой хэсгүүдэд зөөлөн эдэд нөлөөлж хийгддэг. Тухайлбал энэ төрлийн иллэг зөөлөн эдийн гэмтэлтэй хүмүүст нэн тохиромжтой. Мөн булчин суллах, хөшүүн арилгах зэрэг ач холбогдолтой.

© depositphotos.com © depositphotos.com

 

12. Сандалтай иллэг

Энэ төрлийн иллэг нь тусгайлан зориулж хийгдсэн сандлыг ашиглан хийгдэх бөгөөд иллэг хийлгэж буй хүн хувцастайгаа сандал дээр сууr хийлгэдгээрээ онцлог байдаг. Ихэвчлэн хүзүү, мөр, нуруу, бугалга, гар зэрэг хэсгүүдэд хийгддэг. Энэ төрлийн иллэгний сандал зөөврийн байдаг учраас оффист ажилдаг хүмүүст нэн тохиромжтой бөгөөд ажлын бус цагаар иллэг хийлгэж стресс бууруулах ач холбогдолтой билээ.

© depositphotos.com © depositphotos.com

Танд аль төрлийн иллэг илүү тохиромжтой гэж бодож байна вэ? Та өөрт тохирсон ямар иллэгүүд хийлгэж байсан бэ? Бидэнтэй хуваалцаарай.

5
ГоёГоё
0
Ха ХаХа Ха
0
ХөөрхөнХөөрхөн
0
ГайхмаарГайхмаар
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.