Түрүү булчирхайн хорт хавдар бол эрчүүдэд хамгийн түгээмэл тохиолддог өвчин. Түрүү булчирхайд хавдар өсч, томорч, зөвхөн энэ хэсгийг өвчлүүлж, бусад эд эрxтэнд ямар нэгэн сөрөг нөлөө үзүүлэхгүй байх магадлалтай.
Гэвч хавдар өсч, томрох тусам илүү түрэмгий болж, богино хугацаанд тархдаг ба ингэснээр эрэгтэй хүний эрүүл мэндийг ноцтой хохироодог.
Түрүү булчирхайн хорт хавдрыг эрт үед нь илрүүлэх ёстой. Уг өвчний эхэн үед ямар нэгэн шинж тэмдэг илэрдэггүй. Дараах шинж тэмдгүүд нь хорт хавдартай холбоогүй боловч, өсч томорч буй хавдрын үед илрэх шинж тэмдэг байх боломжтой.
1. Тогтмол шээc хүрэх, тэр тусмаа шөнийн цагаар
2. Шээc эсвэл үpийн шингэн гарах үед өвдөлт болон халуу шатаж буй мэдрэмж төрөх
3. Шээc дундаа тасалдах эсвэл бага гарах
4. Шээж эхлэх эсвэл шээж байхдаа тасалдуулахад, тав тухгүй болон өвдөлт мэдрэгдэх
5. Шээc гоожих, тэр тусмаа шөнө эсвэл инээх, найтаах болон ханиалгах үед
6. Зогсоогоороо шээxэд хүндрэл учрах
7. Шээc эсвэл үpийн шингэнээс цус ялгарах
Эдгээр шинж тэмдгүүд нь мөн шээсний замын үрэвсэл эсвэл хорт хавдрын бус шинжтэй томорсон түрүү булчирхайн үед илэрч болно. Хэрэв танд дээрх шинж тэмгүүдээс илэрч байвал, та яаралтай эмчид хандаж түрүү булчирхайн хорт хавдрын шинжилгээ өгөөрэй.
Өвчнийг эрт үед нь мэдэхийн тулд дараах шинж тэмдгүүдийг сайтар ажиглаарай:
- Гэнэт жин хасах, хоолны дуршил буурах, дотор муухайрах болон бөөлжис хүрэх
- Аарцаг, гуя болон нурууны доод хэсэг болон эдгээр хэсгүүдийн яс орчмоор тогтмол тааламжгүй өвдөлт мэдрэгдэх
- Хөл орчмоор хавагнах, булчин сулрах, хөдлөхөд хүндрэл үүсэх
Эрүүл мэндийн салбар түрүү булчирхайн хорт хавдрыг үүсгэж буй хүчин зүйлийг тайлбарлахын тулд хичээнгүйлэн судалгаа хийсээр байна. Ихэвчлэн илүүдэл жинтэй болон урьд өмнө нь гэр бүлийнх нь аль нэг гишүүн уг өвчнөөр өвчилж байсан түүхтэй эрэгтэй хүн түрүү булчирхайн хорт хавдар тусдаг болохыг баталжээ.
Хорт хавдраас урьдчилан сэргийлэхэд тус болох хэд хэдэн зөвлөмжүүд бий: Эрүүл буюу витамин болон эрдэс бодисоор баялаг хоол хүнс хэрэглэх, тогтмол дасгал сургуулилт хийх, хортой зуршлуудаа хаях болон биеийн жиндээ анхаарах гэх мэт.
Мөн тогтмол шинжилгээ өгч байх нь хорт хавдрыг эхэн үед нь илрүүлэх боломжийг бүрдүүлдэг байна. Энэ өвчинд нарийн оношилгоо хэрэгтэй ба хавдар түрүү булчирхай нь өсч томрох хүртлээ ямар нэгэн байдлаар мэдэгддэггүй гэдгээрээ аюултай юм.
Гэсэн хэдий ч эрчүүдийн хувьд, шээх үед ямар нэгэн байдлаар хүндрэл учрах л юм бол, тэр даруйд нь эмчид хандаж шинжилгээ өгөх ёстой гэдгийг бүү мартаарай!
Бахархмаар
Гайхмаар
Тэнэглэл
Хөөрхөн
Гоё
Ха Ха
Харамсалтай
Буруу
