Гадил бол яах аргагүй эрүүл бас амттай жимс. Түүгээр ч зогсохгүй дэлхий даяар гадилыг өргөнөөр хэрэглэдэг бөгөөд олон талын ач тустай. Гадил нь астма, хорт хавдар, өндөр цусны даралт, чихрийн шижин, зүрх судасны өвчин болон хоол боловсруулах асуудлаас сэргийлнэ. Гадил ойролцоогоор 90 калорийг агуулдаг бөгөөд ихэнх хувийг нь ус болон нүүрс ус бүрдүүлдэг. Бага хэмжээний уураг болон ямар ч тос агуулдаггүй гэдгээрээ онцлогтой.
Ихэнх хүмүүс шөнө унтаж чадахгүй үедээ, янз бүрийн эм бэлдмэл хэрэглэдэг боловч энэ нь сөрөг нөлөөтэй гэдгийг тэр бүр мэддэггүй. Тэгвэл гадилны цай ямар үр дүнтэй вэ? Гадил, тэр тусмаа гадилны хальс найрлагандаа кали болон магни агуулдаг бөгөөд эдгээр нь булчинг амраах, нойр хүргэх ач тустай.
Орондоо орохын өмнө энэ цайг ууснаар ямар ч эм, бэлдмэл хэрэглэснээс илүү эрүүл бөгөөд ямар нэгэн сөрөг нөлөө үзүүлэхгүй.
Дараах жорын тусламжтай гадилны цайг бэлтгэж ууснаар, хальсанд нь агуулагдах кали болон магни биед эерэгээр нөлөөлж, та шөнийн турш бөх гэгч нь унтаж амарна.
Орц:
- 1 ширхэг гадил
- 1 жижиг савтай ус
- Бага зэрэг шанцай
Бэлтгэх болон хэрэглэх заавар:
- Гадилны хоёр үзүүр хэсгийг хэрчиж авна – орой хэсэг болон ёроол
- Гадилыг хальстай чигээр нь шанцайн хамтаар усанд хийж буцалгана. Ойролцоогоор 10 минут буцалгахад болно.
- Гадилны цайг аяганд хийж, орондоо орохоос 1 цагийн өмнө ууна.
Сайн унтаж амрах нь маш чухал зүйл, үүнтэй маргах арга байхгүй. Эрүүл байхын тулд байгалийн гаралтай аргуудыг хэрэглэж, эрүүл мэндийн асуудалтай тэмцэх хэрэгтэй.
Нэг л өдөр таны бие организм хийсэн эрүүл сонголтонд чинь талархах болно!
Хөөрхөн
Гайхмаар
Гоё
Ха Ха
Бахархмаар
Харамсалтай
Тэнэглэл
Буруу
