Хүнсний зориулалттай гялгар уутанд сармистай төмс болгох цорын ганц жор. Та урьд нь ийм амттай төмс идэж үзээгүй дээ?

iladies.ro

Хоол болгох хүнсний уут – хэрэглэхэд амар бөгөөд шарах шүүгээнд ямар ч хоолыг шим тэжээлийг нь алдагдуулахгүйгээр болгоход тусална гэж iLadies-д бичжээ.

Үүнээс гадна шарах шүүгээний хавтан цэвэрхэнээрээ үлдэнэ, ямар ч тос үсэрч бохирдохгүй.

Ийм уутанд хамгийн түгээмэл хийдэг хоол бол жигнэсэн төмс юм. Амттай бас шим тэжээлтэй болно. Загас зэрэг махтай хоолны амттай хачир байхаас гадна өдөр болгон хийж идэхэд ч тохиромжтой.

Уг хоолыг хийхэд танд шаардлагатай зүйл гэвэл:

• 500 г төмс
• 2 хумс сармис
• 2 х.х дижоны гич
• 2 х.х чидун жимсний тос
• 1 х.х хуурай цагаан дарс
• 1 ц.х давс
• Нунтаг хар перец
• Дурын амтлагч ногоо

Бэлдэх арга:

1. Төмсөө сайтар угааж хальсална. Дараа нь дурын хэлбэрээр хэрчээрэй, гэхдээ том хэмжээтэй байхаар хэрчинэ.

2. Том саванд хийж давс цацна.

3. Сармисаа шахагчаар шахна. Ногоон навчит ногоогоо жижиглэн татна.

4. Саванд хийсэн төмсөн дээрээ гич, тос, дарс, татсан ногоо, сармисаа хийгээд сайтар хутгана.

5. Амталсан төмсөө хүнсний гялгар уутандаа хийгээд халаасан шарах шүүгээнд хийнэ.

6. Төмсөө 30-35 минут бүрэн болтол шарна, үе үе хольж байхаа мартаж болохгүй.

7. Төмс гадна талаараа шаргалтаж шаржигнана, харин дотроо зөөлөрсөн байх ёстой.

Та төмсөөр ямар хоол хийж идэх дуртай вэ?

8

Хөөрхөн

3

Бахархмаар

2

Тэнэглэл

2

Гоё

1

Ха Ха

0

Гайхмаар

0

Харамсалтай

0

Буруу

Баярлалаа!