Би одоо нууцыг нь мэддэг болсон: Өнгөрсөн жил миний өргөст хэмх 8-р сард ч гэсэн арвин их ургацаа өгч чадсан шүү

Өндөр үр дүнд хүргэх энгийн жор.

Өнгөрсөн жилийн наймдугаар сар хүртэл би өргөст хэмхийн ургацаа хурааж байсан гэхээр ямар их арвин ургац авсан нь танд ойлгогдох биз ээ. Тийм ээ, өөрсдийнхөө хэрэгцээг бүрэн хангана, даршилна, ах дүүстээ тараана бас зах дээр борлуулсан гээч. Энэ арвин их ургац хураахад нөлөөлсөн зүйл бол ердөө талх. Нэг ёсондоо миний бэлдсэн талхны хөрөнгө л дөө. Та бүхэнтэйгээ жорыг танилцуулахаар шийдлээ. Олон хүнд хэрэг болох байх.

За, би гэдэг хүн хоолноос үлдсэн талхаа хаялгүй бүгдийг нь хадгалсан – хатаагаад даавуун уутанд хийгээд байлаа. Зун нь өргөст хэмхийн бордоо бэлдэх зорилгоор шүү дээ.

Ингэж хийнэ: орой нь хувин усанд 500 г хатаасан талхаа хийнэ. Өглөө нь талх дэвтэж хөөсөн байгааг сайтар холино. Усан дээрээ 10 мл йод хийдэг.

Энэ уусмалыг дараах байдлаар шингэлнэ: 1 л уусмалыг 10 л усанд хийж хутгана. Өргөст хэмхээ уусмалаар шүршээд үлдэгдлээр нь усалдаг. Хоёр долоо хоногт нэг удаа энэ аргаар өргөст хэмхээ намар болтол бордоно.

Надад бас нэг нууц жор бий, өргөст хэмх болон перецийн ургалтыг үргэлжлүүлдэг буюу үрээ өгсөөр байхад тусалдаг юм. Жорыг танилцуулбал: 10 л усанд 2 л шар сүү хийгээд 4 хоолны халбага сахар нэмж сайтар хутгана. Энэ уусмалаар перец, өргөст хэмхээ шүршинэ.

Ингэж бордсоны дараа ургамал дахин сэргээд залуужих шиг болдог, тэгээд л үрээ өгөөд эхэлнэ дээ.

19

Гоё

11

Гайхмаар

5

Тэнэглэл

5

Хөөрхөн

3

Ха Ха

3

Харамсалтай

2

Буруу

2

Бахархмаар

Баярлалаа!