Бяцхан муужгай – үнэхээр хайр татам амьтад, гэхдээ xорлонтой cүйтгэгч нар. Индонез гаралтай нэгэн залуу үүнийг дам яриагаар бус өөрийн биеэр мэдэрчээ. Залууг Харианто Фервирра Рамадини гэх бөгөөд тэр найман сартай хөөрхөн муужгайтай. Муужгай нь хурц шүдтэй, ойр орчмын юм болгоныг л хазаж, мэрэх гэдэг. Гэхдээ хөөрхөн муужгай нь маш өндөр ухамсар соёлтой бололтой, тиймдээ ч энэ хөгжилтэй явдал тохиолджээ.
Индонез залуу Харианто Фервирра Рамадани
8 сартай түүний муужгай
Харин энэ бол муужгайгийн мэрж байгаад тасалсан чихэвч
Чихэвчээ тасарсан байгааг хараад залуу үнэхээр уурласнаа хүлээж зөвшөөрч байгаа юм. Үнэндээ дуртай дуугаа ч сонсож чадахгүй, “Game of Thrones”-ийн ч шинэ ангиа ч үзэж чадахгүй болжээ. Мэдээж эзэн нь муужгайгаа загнажээ, загнуулсан хөөрхий муужгай хаа нэгтээ зугтаагаад алга болсон байна.
Муужгай нь буруу зүйл хийснээ ухамсарлаж оронд нь өөр урт зүйл авчирч өгчээ. Тэр нь могой байв.
Залуу ч алмайрч орхив, тэдний амьдардаг дүүрэгт тэр болгон могой үзэгдээд байдаггүй.
Чихэвч урт нарийхан, могой урт нарийхан, эзэн минь одоо уурлаад байх зүйл байхгүй биз дээ?
Andiahuu Suhdolgor
2019/05/18 at 10:42
Зөв