Дубайн зочид буудлуудын хэв маяг

Нийтлэгч: Жаргал

Огноо: 2014/04/12

Total0
0

Дубай хот нь цөлийн жижигхэн тосгоноос жил бүр хэдэн сая жуулчдыг татдаг том хот болсон. Дубай хот нь хэдэн зуун зочид буудалтай бөгөөд зочид буудлын хоногийн төлбөрөөрөө дэлхийд тэргүүлдэг байна. Тус хотод шинээр зочид буудлууд нэмэгдэж баригдахаар төлөвлөгдсөөр байгаагаас гадна урьд баригдсан зочид буудлын барилгууд нь төсөөлж болмоор загвартай юм.

Орчин үеийн зочид буудлууд нь үнэхээр гайхалтай загвартай ба хорвоогийн хаана ч байсан гэртээ байгаа мэт туйлын тав тухтай байх боломжийг бүрдүүлжээ. Тэнгэр баганадсан өндөр барилгуудын доод давхруудад зочид буудлын унтлагын өрөөнүүд байрладаг бол дээд давхруудад ихэвчлэн нарийн тансаг зоогийн газрууд байрладаг байна.

Dubai Marina – Cayan Tower

Grand Hyatt Dubai

Crowne Plaza Dubai Festival City

JW Marriott Hotel Dubai

Уламжлалт зочид буудлууд нь Араб уламжлалаа хадгалсан Исламын архитектур, чимэглэл бүхий чулуун болон модон барилга, хашаа, үзэсгэлэн төгөлдөр цэцэрлэгтэй. Зарим нь салхин сэнс, усан суваг тэр ч бүү хэл зочид буудлын зочид нутгийн худалдаачидтай худалдаа хийх боломжийг олгосон хаалттай захтай аж.

Bab Al Shams Hotel

Dar Al Masyaf, Madinat Jumeirah

Тансаг зэрэглэлийн зочид буудлууд нь дээд зэргийн тансаг бөгөөд 7 одтой. Өөрийн гэсэн нисдэг тэрэгний буудалтай, өрөө тус бүр үйлчлэгчтэй. Цөлийн дундах энэхүү ордонгуудад тогос шувуу хөлхөж, усан оргилуур оргилно.

Burj Al Arab

Atlantis The Palm

Дубай бол далайн эрэг дээр байгуулагдсан хот бөгөөд тэнгис, загасны завь, завины зогсоол, эргээс алслагдсан арлуудтай олон талаар холбогдсон байдаг. Эргийн дагуух зочид буудлууд нь зочиддоо хувийн үзэсгэлэнт эргээр завь хөлслөн зугаалж, усан санд сэлэх боломж олгодог. Зарим цөөн зочид буудлууд нь усан гулгуурууд бүхий усан паркуудтай.

Jumeirah Beach Hotel

The Westin Dubai Mina Seyahi Beach Resort & Marina

Аль ч хэв маягийн зочид буудал нь дотор талын хувьд үнэхээр гайхалтай тансаг чимэглэлтэй, Европын зочид буудлуудаас харьцангуй уужим цэлгэр өрөөнүүд нь нарны гэрлийн хангалттай нэвтрүүлэх том том цонхнуудтай. Дубайн зочид буудлууд нь нутгийн өнгө үзэсгэлэнг сэтгэл ханамжтай төгс хослуулсан загвартай байдаг байна.