Хөлнийхөө залуу төрхийг удаан хадгалж бас байнга хөнгөн шингэн алхахыг хүсэж байвал тогтмол арчилж байгаарай. Арчлахад танаас их хөдөлмөр, цаг шаардахгүй. Бас мөнгө ч үрэхгүй.
Ул нь хагарсан хөл муухай харагддаг бас явахад өвдөж таагүй мэдрэмж төрнө. Хөлийн ул эхлээд жижиг хэмжээгээр хагарна, аажимдаа томорсоор бүр гүн болох ажээ. Үүгээр зогсохгүй зарим тохиолдолд үрэвсдэг. Тэгэхээр цаг алдаж дэмий суух хэрэггүй. Өнөөдрөөс эхлээд хөлөө арчлаарай.
Эмэгтэй хүний хөлийг залуухан байлгах хэдхэн дүрэм бий. Эдгээр дүрмийг дагаж чадвал таны хөл сайхан бас эрүүл байж чадна.
Хөлөө зөв арчлах нь
Хөлөө 15 минут бүлээн усанд хийж зөөлрүүлж тайвшруулна. Хөлийн арьс зөөлөрснөөр тэжээлийн тосны шим тэжээл бүрэн гүйцэд шингэж арьс чийгшихэд тусалдаг. Хөл дүрэх савтай усыг улам үр дүнтэй болгохыг хүсвэл усандаа бүйлсэн самар, чидун жимс, А болон Е амин дэм, далайн давс, эмийн ургамал зэргийг нэмж болно.
Улны арьс зузаарч арзайсан бол арзгар чулуу ашиглаарай – тойрог байдлаар эргүүлж үрнэ.
Арзгар чулуугаар байнга үрээд байх хэрэггүй, яагаад гэвэл арьс улам эмзэг болдог талтай.
Үхжиж зузаарсан арьсыг гуужуулсны дараа таны хөлийн ул хамаагүй илүү зөөлөн болно. Одоо бас нэг чухал арчилгааг хийнэ.
Хөлөө хатаагаад дараа нь чийгшүүлэгч тос түрхээрэй.
Хөлөндөө тос түрхэхээс гадна мөн гялгар уутаар ороох арчилгааг хийж болно. Гялгар уутанд кокосын тос эсвэл чийгшүүлэх өөр бусад тос хийнэ. Хөлөндөө 10-15 минут углана.
Хөл хатсаны дараа таны хөл хамаагүй эрүүл бас арчилсан байгаа нь харагдана. Зөв гутал өмсөхгүй бол эдгээр арчилгаа үр дүнгээ өгөхгүй. Аль болох бариу бас өндөр өсгийтэй гутал өмсөхөөс зайлсхийнэ.
Хөлийн улыг арчлах ардын уламжлалт арга ч бий. Хөлийн арьс зузаарч арзайсан, хагарсан үед аспирин, архины уусмал сайн үр дүнтэй үйлчилдэг. 10 ширхэг аспириныг 250 мл архитай хольж сайтар хутгана. Бэлдмэлийг харанхуй газар 5 хоног байлгаарай.
Дараа нь бэлдмэлийг марльд хийгээд хөлөө ороож хонуулна. Өглөө нь боолтыг авч хөлөө угаагаад тос түрхэнэ.
Хөлийн арьсыг байнга арчилж чадвал арьс зузаарах, хагарах гэсэн асуудлыг мартаж болно. Тиймээс хөлөө зөв арчилцгаая.
Dora Dorjeva
2019/02/09 at 21:00
50 настай хөл залуу байдаг юм ккк 60,70 гэж бичвэл