Швед улсын талаарх сэтгэл хөдөлгөм 9 баримт: эдгээр зүйлсийг та дэлхийн аль ч улсаас олж харж чадахгүй

Шведүүд биднийг амьдралын хэв маягаараа гайхшруулахаа хэзээ ч зогсохгүй: тэд гадилтай пицца идэж, скандиновын улс орнуудад үйлчилдэг хуулийг дагаж, жил бүр ижилхэн зочид буудал байгуулдаг. Та энэ мэдээг уншихын өмнө, уг улсын талаар багагүй мэдлэгтэй болох хэрэгтэй ба мөн бид танд Шведээс гаралтай алдарт “ABBA” хамтлагийн хит дуунуудаас аль нэгийг нь сонсохыг зөвлөж байна. Спойлер: мэдээний төгсгөлд та эдгээр домогт уран бүтээлчид тоглолтынхоо үеэр яагаад солиотой гэмээр хослол өмсдөг байсан шалтгааныг ч олж мэдэх болно.

Манай хамт олон үргэлж дэлхийн олон улс орнуудын талаарх хамгийн сонирхолтой зүйлсийг та бүхэнд хүргэхийг зорьдог билээ. Өнөөдрийн хувьд бид та бүхэнд Швед улсаар аялахыг санал болгож байна.

9. “Эко” улс

Эко-нөхөрсөг амьдралын хэв маяг гэж чухам юу болохыг мэдэхийг хүсэж байвал та боломжтой үедээ Швед улсыг зорих хэрэгтэй. Швед бол хамгийн анхны газын оронд био түлш хэрэглэж эхэлсэн улс юм. Мөн тэдний ямар ч хаягдалгүй үйлдвэрлэл болон хогийг дахин боловсруулах систем нь үнэхээр гайхалтай ба бусад улс орнуудын хувьд үлгэр жишээ болсон зүйлс юм.

8. Жил бүр барьдаг зочид буудал

Хамгийн анхны мөсөн зочид буудлыг анх Шведээс олж байсан ба энэ улсад 12-4 дүгээр сард мөсөн зочид буудал барьдаг. Зузаан хана, тавилга, мухлаг болон цонх нь хүртэл мөсөөр хийгддэг байна. Мөсөн зочид буудлын өрөөнүүд хоорондоо өөр хэмжээтэй байдаг ба уран барималч болон архитектурчаас шалтгаалж өрөөнүүдийн дизайн жил бүр өөр байдаг.

7. Скандиновын хойгийн улс орнуудын дүрмийг дагадаг

Үүнийг “Жантегийн хууль” гэж нэрлэдэг ба дараах 10 заалттай:

• Та өөрийгөө онцгой гэж бодож болохгүй
• Та өөрийгөө бидэн шиг сайн гэж бодож болохгүй
• Та өөрийгөө биднээс ухаалаг гэж бодож болохгүй
• Та өөрийгөө биднээс илүү гэж төсөөлж болохгүй
• Та өөрийгөө биднээс илүү мэддэг гэж бодож болохгүй
• Та өөрийгөө биднээс илүү чухал гэж бодож болохгүй
• Та өөрийгөө бүхнийг чадагч гэж бодож болохгүй
• Та бидэн рүү инээж болохгүй
• Та хэн нэгэн таныг халамжилна гэж бодож болохгүй
• Та өөрийгөө бидэнд бүхнийг зааж сургана гэж бодож болохгүй

Энэ хууль хэрхэн хэрэгждэгийг харж бас ойлгох нь амар зүйл биш ба та нийгэмд хэн ч биш юм шиг өөрийгөө мэдэрнэ, таны Шведэд байх хугацаандаа хийх ёстой зүйл бол дэлгүүр хэсэх, зоог барих эсвэл амрах. Шведүүд эд хөрөнгө эсвэл эрдэм мэдлэгээ бусдад гайхуулдаггүй, мөн хэзээ ч бусдыг дээрэлхэж, бүдүүлэг авирладаггүй. Энэ бол дээрх хуулийн гол утга учир юм.

6. Самбоенде, сарьбо, ибландбо

Шведэд гэр бүлийн олон төрлийн харилцаа байдаг ба зарим хосууд хамтдаа байгаа боловч гэрлэх гэж яардаггүй байна. Тэд 10-аас илүү жил хамт амьдарч байж мэднэ, бас хүүхэдтэй ч байх боломжтой, гэхдээ одоог хүртэл гэрлээгүй. Энэ нь тэдний сонголт юм:

• Самбоенде: хосууд хамт амьдардаг, дундаа нэг байшинтай.
• Сарьбо: хосууд хамт амьдардаггүй, гэхдээ урт хугацаанд харилцаатай байгаа ба баяр ёслол болон амралтын өдрүүдийг хамтдаа өнгөрүүлдэг.
• Ибландбо: Хосууд цаг хугацаа өнгөрөх тусам хамтдаа байх хугацаа нь нэмэгддэг.

5. Фика

Фика бол өдрийн кофены завсарлагааны цаг. Шведийн амьдралын хэв маягийн хувьд энэ бол маш чухал зүйл. Хэзээ ч Шведүүдэд кофе их уух нь муу гэж хэлж болохгүй: тэд ингэж хэлэхэд итгэхгүй. 18-р зууны хоёрдугаар хагаст, Шведийн Гуравдугаар Густав хаан кофены сөрөг нөлөөг олж мэдэхээр нэгэн туршилтыг эхлүүлж байжээ.

Ихэр ах дүүст цаазын ял сонсгож, тэд амь насаа алдахад хүрчээ. Гэвч хаан ихрүүдийг 3 аяга кофе болон цайг өдөр бүр уухыг зөвшөөрвөл тэдний ялыг шоронд бүх насаараа хоригдох ял болгож өөрчилнө гэжээ – ингээд тэд үлдсэн амьдралынхаа туршид өдөр бүр 3 аяга кофе болон цай ууж, энэ шингэний сөрөг нөлөөг олж мэдэх хэрэгтэй болсон байна.

Ихрүүд кофены сөрөг нөлөөг олж мэдэхээр хичээнгүйлэн зүтгэсэн ч туршилт дуусахаас өмнө амь насаа алдацгаажээ. Гуравдугаар Густав хаан ч гэсэн туршилтын үр дүнг харж чадалгүй үхсэн байна. Ихрүүдээс цай ууж байсан нь 83 насандаа таалал төгссөн бол, кофе ууж байсан нь хэдэн насандаа таалал төгссөнийг хэн ч мэддэггүй ажээ.

4. Хэвийн бус пиццанд дуртай

Шведэд Италийн олон зоогийн газар бий. Гэвч меню нь энгийн газруудынхаас тэс өөр. Жишээ нь, Шведэд хамгийн алдартай зоог бол кебаб пицца ба шорлогны махыг өвөрмөц соусоор амталсан байдаг. Мөн Шведэд та гадилтай пицца ч идэх боломжтой.

3. Хувийн орон зай

Шведүүд бусдын хувийн орон зайд халдахгүйг маш их хичээдэг ба тэд яарч байсан ч гэсэн бусдын эрх ашгийг хөндөх зүйл хийхгүй. Автобусны буудал дээр автобус хүлээж байхдаа хүртэл тэд нэг нэгнээсээ зайтай очерлож зогсдог.

2. Үндэсний энтертайнмент

Хэрэв та өөрийнхөө буудах чадварыг шалгамаар байвал Шведийн олон нийтийн баярт оролцож, май загасыг торх руу шидэж болно. Ялагч нь чихмэл загас шагнал болгож авдаг.

1. Бэлэн мөнгөний шаардлагагүй

Сүүлийн жилүүдэд Шведэд бэлэн мөнгөний урсгал огцом буурсан. Олон нийтийн ариун цэврийн газрууд хүртэл төлбөрөө кредит картаар хийхийг шаарддаг болсон. Олон нийтийн ариун цэврийн өрөөний хаалган дээр LED гэрлүүдийг суулгажээ. Улаан гэрэл асаж байвал хүнтэй, ногоон гэрэл асаж байвал хоосон гэсэн утгыг илэрхийлдэг байна.

Бонус: “ABBA” хамтлагийн гишүүд этгээд хачин хувцас өмсдөг байсан шалтгаан

Алдартай поп хамтлагийн гишүүд хэт өнгөлөг хувцас өмсдөг байсан нь бага татвар төлөх зорилготой байсантай нь холбоотой гэнэ. Шведийн хуулинд тухайн үед, өдөр тутмын хувцас биш бол татвараас чөлөөлөгдөнө гэсэн заалт байдаг байжээ.

Шведүүдийн талаарх аль баримт нь таныг хамгийн ихээр гайхшруулсан бэ?

33

Гайхмаар

16

Бахархмаар

11

Гоё

6

Хөөрхөн

4

Харамсалтай

4

Тэнэглэл

2

Ха Ха

1

Буруу

Баярлалаа!