Эмээ маань надад “ид шидийн үйлчилгээтэй йод”-ын тухай хэлж өгсөн юм. Айдас төрүүлсэн янз бүрийн өвчнийг үүгээр нам дарна

Ид шидийн йод – сармисны хандтай йодыг ийн нэрлэдэг бөгөөд анагаах чадалтай бодис юм. Ардын уламжлалт анагаах ухааныг баримталдаг хүмүүс сармистай йодоор маш олон төрлийн өвчнийг анагааж чадна гэж баталж байна. Судас бүдүүрэх, хумс мөөгөнцөртөх, тэр ч бүү хэл хөх томруулахад ч хэрэглэх ажээ.

Уг ханд нь хөхрөлт, шархыг ч эдгээнэ. Хавагнах, цус шүүрэх байдал нь хэдхэн хоногт л арилдаг. Үе мөчний өвчний хувьд бол өргөн хэрэглээтэй юм.

Үе мөчийг ардын уламжлалт эмчилгээгээр анагаах нь

Сармис болон йодын эмчилгээний нууц юунд оршино вэ? Уламжлалт анагаах ухаанд йодыг бие махбодийг сэргээх болон нөхөн төлжихөд нөлөөлөх бодис гэж авч үздэг. Йодоор тор зурахад үе мөчний хэд хэдэн төрлийн өвчний үед үр дүнтэй байдаг – үений үрэвсэл, тулай, артроз гэх мэт.

Албан ёсны анагаах ухаан йодыг арьсан дээр түрхэх эмчилгээний аргад төдийлөн итгэлтэй байр сууринаас ханддаггүй ч гэлээ хэрэглэсэн хүмүүсийн сэтгэгдэл үнэхээр үр дүнтэй гэдгийг нь нотлоод байгаа юм.

Йод нь арьсанд нөлөөлж өвчний мэдрэмжийг арилгана. Арьсаар нэвтрэн судасны хананд шингэдэг, цаашлаад бие махбодиор тарж хялгасан судсанд бактерийн эсрэг үйлчилгээ үзүүлж эхэлнэ. Спиртийн хандтай йод нь судас тэлэх, үе мөчний үрэвслийг багасгадаг ажээ.

Сармисны хувьд бол уг ногоонд аллицин агуулагддаг тул байгалийн гаралтай антибиотик хэмээгддэг. Сармис нь үрэвсэл дарахаас гадна хортой бичил биетүүдийг устгана.

Ид шидийн йод

Орц:

• 3-4 хумс сармис
• 30 мл йод (ойролцоогоор 3 жижиг шил йод)
• Бэлэн болсон бэлдмэлийг хийх хар шил

Бэлдэх арга:

1. Сармисаа жижиглэн хэрчинэ.

2. Урьдчилан бэлдсэн саванд хэрчсэн сармисаа хийнэ.

3. Йодоо дээрээс нь хийнэ, сармисыг бүрэх ёстой.

4. Сайтар сэгсрээд харанхуй газар долоо хоног амраана.

Сармистай йод зөвхөн гадуур хэрэглэнэ. Үрэвссэн хэсэгтээ гурван долоо хоногоос хэтрэхгүй хугацаанд түрхэнэ. Йод түрхэхээс өмнө арьсаа савантай усаар сайтар угаагаад хаттал нь арчина. Хэтэрхий ихээр, бүдүүн тор зурахгүй, эс бөгөөс арьс цочроох аюултай.

Энэ гайхалтай уусмалаар асуудалтай бүх хэсгийг эмчилж болно: өвдөг, нуруу, үе мөч, дурын шарх, хөхрөлт. Өвчин болон хөхрөлт хурдан арилна. Уг уусмал маш хүртээмжтэй бас хаана ч гэсэн зарагддаг.

Зөвлөгөө

Йодын уусмалаар эмчилгээ эхлэхээс өмнө харшилтай эсэхээ шалгах хэрэгтэй. Арьсны мэдрэг хэсэгт (шууны дотор тал, тохойны дотор тал) 2-3 нарийн зураас йодоор татна. 15 минутын дараа арьсанд ямар нэгэн цочрол бий болсон эсэхийг ажиглаарай. Хэрвээ арьс улайсан, товойсон байвал таны хувьд йод тохирохгүй байна гэж үзнэ.

Анхаар: бамбай булчирхайн өвчлөл, харшлын хариу үйлдэл, өндөр халуун, жирэмслэлтийн үед хориглох заалттай.

Уг уусмалыг туршиж үзээд өвчнөөсөө салж амьдралын сайн сайхныг мэдрээрэй.

34

Гоё

20

Хөөрхөн

18

Гайхмаар

17

Ха Ха

17

Буруу

5

Тэнэглэл

5

Бахархмаар

4

Харамсалтай

Баярлалаа!