Пол Уолкер фэнүүдээ хэтэрхий эрт буюу дөнгөж 40 насандаа орхисон билээ. Алдарт “The Fast and The Furious” франчайзд тэрээр анх тоглож, жүжигчний карьераа эхлүүлж байв. Үүнтэй холбоотой ч гэх үү, түүний хувьд Лос Анжелес хотод автомашины ослоор өөд болсон юм.
12 жилийн турш тасралтгүй жолооны хүрд эргүүлсэн найз нь түүнтэй хамт шинэ загварын “Porsche” машинд сууж явсан бөгөөд машин жолоодлогоо алдаж эхлээд гудамжны гэрлийн шоно мөргөсөн бол дараа нь мод мөргөсөн байна.
Дэлхий даяар олон сая фэнүүд нь түүний амь насаа алдсаныг сонсоод гашуудацгааж байв. Тэр хэдийгээр үгүй болсон ч хэзээ ч мартагдахгүй. Тэр таагүй явдлаас хойш 5 жил өнгөрчээ, гэвч Пол өнөөдөр ч гэсэн хүн бүрийн толгойд байсан хэвээрээ.
Friday marks the 5-year anniversary of our loss, though Paul is always in our hearts and his legacy lives on. We hope you’ll join us in honoring his memory by supporting @PaulWalkerFdn & @ReachOutWWhttps://t.co/nGe5VzjHZnhttps://t.co/ozEW1lJZqf#GivingTuesday #DoGood #TeamPW pic.twitter.com/acpMnkjiIx
— Paul Walker (@RealPaulWalker) November 27, 2018
Түүний гэгээн дурсгалд зориулан саяхан цоо шинэ баримтат кино хийсэн байна
Хэдэн ч жил өнгөрсөн бай, түүнийг алдсан явдал нь олон хүний зүрх сэтгэлийг өвтгөсөн. Түүний залуу үеийн аз жаргалтайгаар инээмсэглэж буй төрх олон хүнд өөрийг нь эргэн дурсах хангалттай үндэс болж байна. Тэр бол Брайн О’Коннорын дүрээс ч илүү хүнлэг нэгэн байсан юм. Тэр эр зоригтой, хүсэл тэмүүлэлтэй, цуцашгүй нэгэн байснаас гадна гэр бүл болон найзуудыгаа гэсэн сэтгэлтэй байсныг онцлон хэлэх хэрэгтэй байх. Пол яах аргагүй хүн төрөлхтөнд зөв үлгэр дуурайлал үзүүлсэн бодит жишээ байсан юм.
Түүний амьдралыг харуулсан “I Am Paul Walker” баримтат киног продюсер Дерик Мюррейн санаачлагаар найруулагч Адриан Буйтенхуй найруулжээ. Уг баримтат кинонд дээрх хоёр эрхэмийн ярилцлага багтсан бөгөөд учир нь тэд жүжигчинтэй хамгийн ойр байсан хүмүүс аж.
Мөн баримтат кино Уолкерын гэр бүл болон найз нөхдийнх нь түүний талаар дурсан ярьж буй халуун дулаан ярилцлагуудыг багтаажээ. Мөн амжилтаар дүүрэн байсан жүжигчнийх нь карьерийн талаар багагүй мэдээллийг оруулж өгсөн байна.
Түүнээс илүүтэй, Полын дүү болох Коди Уолкер ахынхаа гэгээн дурсгалд зориулан инстаграм хуудсаараа дамжуулан доорх зургийг оруулжээ.
Тэр хэзээ ч мартагдахгүй нэгэн
Сошиал медиагаар дамжуулан олон хүмүүс түүний талаар сэтгэгдлээ илэрхийлсээр байгаа бөгөөд түүний фэнүүд нь жүжигчин залууг үүрд хайрлахаас гадна, насан туршдаа санагалзаж явах болно гэдгээ уламжилсан байна.
Мөнхтулга Ганхуяг
2018/12/05 at 22:24
5 jileeee
M Freeze Camera Man
2018/12/06 at 03:52
гүүдэй galzuu hurd 7 киноны зураг авалт дуусаагүй дундуур нь нас барсан тэр чинь 5н жилийн өмнө хийгдсэн yumuu