Таны хөлийн өвчин, ядаргааг хормын дотор арилгах энгийн дасгалууд

4

Хөл хавагнах, өвдөх, ядарч үзээгүй хүн гэж бидний дотор ховор. Энэ зовиур нь удаан хугацаагаар хөл дээрээ зогсож ажилладаг болон суугаа ажилтай хүмүүст ч бас их тохиолдоно. Энэхүү зовиурыг арилгах тусгай дасгалууд байдаг бөгөөд цаг их шаардахгүй, тогтмол хийвэл өндөр үр дүнтэй дасгал юм.

Хамгийн хүнд хэцүү өдрийн дараа ч таны хөлийг амрааж, сайхан болгох хэд хэдэн дасгалыг нэгтгэн хүргэж байна.

1-р дасгал

  • Хөлөө зэрэгцүүлэн цэх зогсоно.
  • Хөлийн өлмий дээр зогсож 30 секунд барих хэрэгтэй
  • Шалан дээр хөлийн бүтэн улаар зогсоно
  • Дасгалыг 5-10 удаа давтан хийнэ

 

2-р дасгал

  • Баруун хөлөөрөө урагш алхаж байгаа мэт тавина
  • Зүүн хөлийн хуруугаар тулах байдлаар 30 сек зогсоно
  • Хөл болгон дээр ийм байдлаар 5 удаа хийнэ

 

3-р дасгал

  • Хананд алгаараа тулж зогсоно
  • Баруун хөлөө арагш тавин хуруугаар тулна
  • Хөлийн улаа шаланд бүтэн хүргэж 30 секунд болно
  • Хөл болгон дээр энэ дасгалыг 3 удаа хийнэ.

 

4-р дасгал

Энэ дасгалыг босоо болон суугаа байдлаар хийж болно.

  • Хөлийн улан дор теннисийн болон тусгай иллэгийн бөмбөг хийнэ
  • Хөлийн хурууны үзүүрээс тавхай хүртэл өнхрүүлнэ
  • Хөл болгон дээр энэ дасгалыг 50 удаа хийнэ

 

5-р дасгал

  • Иллэгийн бөмбөгийг иогт зориулсан дэрэн дээр тавина
  • Бөмбөг яг улны нум доор байхаар хөлөө тааруулна
  • Бөмбөгийг бүх л тал руу 10 секундын турш даран өнхрүүлэх бөгөөд дараа нь бөмбөгөө дэр рүү шахаж гишгэн 3 секунд болно
  • Нөгөө хөлөөрөө энэ дасгалыг хийнэ
  • Дахин хоёр удаа давтана

Энэ дасгалыг хоёр хөлөөрөө зэрэг хийж болно

 

6-р дасгал

  • Шалан дээр сууж нуруугаа тэгшлэн хөлөө урагш жийнэ
  • Хангалттай урттай ямар нэг бөс материалаар хөлийн уланд углаж татна
  • Хөлөө туузаараа татах байдлаар өргөх бөгөөд гараараа 30 секунд орчим татаж байна
  • Энэ дасгалыг хөл болгондоо 5 удаа хийнэ

Энэ дасгалыг хоёр хөлөөрөө зэрэг хийж болно

 

7-р дасгал

  • Нэг хөлийн хуруугаар иогийн дэрэн дээр эсвэл 8 см өндөртэй ямар нэг зүйл дээр гишгэх ба хөлийн тавхай шаланд хүрч байх ёстой
  • Урагшаа тонгойн биеийн жингээ хөлийн хуруунд өгөх ба боломжит хэмжээгээр урагш тонгойгоорой
  • Ийм байдлаа хадгалан 30 секунд болох бөгөөд дараа нь нөгөө хөлөөр хийнэ
  • Хөл болгоноор 5 удаа энэ дасгалыг хийнэ

 

8-р дасгал

Энэ дасгал нь хөл суллах төдийгүй хавангаас ангижруулна.

  • Хөлөөр хана түшин газар хэвтэнэ (доороо зузаан даавуу зөөлөн зүйл хийж болно)
  • Гараа биеэ дагуулан тэгш байлгах хэрэгтэй
  • Хөлөө аль болох дээш тэгш өргөх ба биетэй тэгш өнцөгт хэлбэрээр байх хэрэгтэй
  • Энэ байдлаар 15-20 минут хэвтэнэ
  • Боломжоороо өдөрт 2-3 удаа хийж байгаарай
72
ГоёГоё
12
БахархмаарБахархмаар
12
ХөөрхөнХөөрхөн
12
Ха ХаХа Ха
11
ХарамсалтайХарамсалтай
6
БурууБуруу
3
ГайхмаарГайхмаар
3
ТэнэглэлТэнэглэл
Баярлалаа!

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй. Required fields are marked *