Та эдгээр хоол хүнсийг идэж хэвших үед биеийн илүүдэл өөх аяндаа л шатаж алга болно

Бид бүгд л турахыг хүсдэг. Хэн нэг нь илүү гоолиг харагдахын тулд хэдэн кг хасах, зарим нэг нь 10 кг хасах гэж олон жил бодож яваа гэх мэт. Хавар болоход ийм хүсэлтэй хүн улам бүр олон болох боловч үүний тулд ямар нэг хүч, хичээл зүтгэл гаргах сонирхол тэр болгон төрдөггүй билээ. Энэ нь байдаг л үзэгдэл бөгөөд бид бүгд ийм хүмүүсийн л нэг. Гэхдээ турах сонирхолтой хүний мэдэх ёстой нэг зүйл бий.

Биеийн тамирын зааланд хичээллэснээс дутуугүй өөх шатаах олон янзын хүнс байдаг. Энэ удаа тураах, өөх хайлуулах эдгээр хүнсийг та бүхэнд танилцуулъя.

Өөх шатаах хүнс

1. Овьёос

Энэ бол хамгийн ашигтай, хэрэгтэй үр тарианы нэг юм. Овьёос нь таны биеийг витамин, хүнсний ислэгээр хангана. Мөн энэ нь өөх хайлуулах хүчирхэг ургамал бөгөөд цусан дахь сахарын хэмжээг багасган муу холестериныг гаргахад дэм болно. Овьёос нь хэрэглэж буй калорийн хэмжээг багасган, ходоод гэдэс дэх өөхний болон сахарын молекултой харилцан үйлчлэлд ордог байна. Хамгийн сайн өглөөний хоол гэж зүгээр ч нэг хэлдэггүй билээ.

2. Мөөг

Бага хэмжээний D витамин нь турахад саад болдгийг шинжлэх ухааны судалгаа баталсан байдаг. Тиймээс энэ тухай бодох хэрэгтэй юм. Энэ витамины дутагдлыг мөөг маш сайн нөхдөг билээ. Ямар ч хоолонд нэмж болдог ба шөл, шарсан хоол болон энгийн хачиртай талханд ч хийж болно.

3. Тарвас

Турж байгаа хүний үнэнч туслах. Харамсалтай нь зөвхөн зун л олддог билээ. Тарвас нь бие доторх шингэнийг нэмдэг бөгөөд хортой бодисыг биеэс гаргахад их чухал үүрэгтэйг баталсан байна. Энэ бол турахад маш сайн тохирох хүнс юм. Тиймээс энэ жилийн ургацыг бүү өнгөрөөгөөрэй.

4. Бөөрөлзгөнө

Амттай зүйлд дуртай хүний бас нэг сайн найз. Хэрвээ та амттай юм идмээр бол шоколад идэж байхаар хэдэн ширхэг бөөрөлзгөнө ид. Бөөрөлзгөнө ямар ч байдалдаа ихээхэн хэмжээний ширхэглэг агуулах бөгөөд энэ нь өөхтэй сайн тэмцдэг билээ. Ялангуяа гүзээний өөхтэй.

5. Ногоон өнгөт ногоо

Ногоон өнгөт ногоо нь хэрэгтэй витамин, эрдэс агуулах бөгөөд хамгийн бага калори, хамгийн их ширхэглэг агуулдаг хүнс юм. Янз бүрийн ногоог бүтэн жилийн турш дэлгүүр, захаас шинээр нь авч болох учир сайн хэрэглээрэй. Харин зуны цагт эдгээр нь маш хямдхан байх учир өдөр болгон ид. Ногоогоор хийсэн смузи хамгийн сайн өөх хайлуулагч, шатаагч юм шүү.

6. Өндөг

Хоол хүнсэнд тань байх ёстой бас нэг хүнс. Өндөг нь маш их уураг агуулдаг бөгөөд өндөгнөөс болж гэдэсний өөх зүгээр л хайлдаг гэхэд болно. Өглөө хоёр өндөг иддэг хүн нь өглөө адил хэмжээний калори бүхий гурилан бүтээгдэхүүн иддэг хүнээс 65%-иар их жин, 34%-иар их эзлэхүүн алга болгодог гэсэн судалгааны дүн бий.

7. Бүйлсэн самар

Самар бол турахад хэрэгтэй нэг чухал зүйл юм. Ялангуяа бүйлс, энэ нь моно-ханаагүй болон поли-ханасан өөх, тосоор баялаг учир хэт их идэхээс хамгаалдаг байна. Хэсэг бүйлс нь таны өлсгөлөнг дарж хортой, илүү зүйл идэх хүслийг үгүй болгоно. Мөн их хэмжээний магни агуулдаг учир булчингийн масс нэмэхэд нөлөөтэй.

8. Тослог загас

Загас ашигтай гэдгийг хүн болгон мэдэх бөгөөд бас өөх хайлуулахад их тустай билээ. Хар амар загас, яргай загас, туна загас нь бидний биед хэрэгтэй Омега-3-аар баялаг юм. Мөн тослог загас нь үрэвслийн эсрэг үйлчилгээтэй учир өөх хайлуулахад их дэмтэй байна.

9. Нимбэгтэй ус

Гашуун, исгэлэн хүнс нь хоол боловсруулах үйл ажиллагааг сайжруулах ба турах гэж байгаа хүнд энэ нь их чухал юм. Бие илүү их тэжээл шингээн авах учир биеийн жин хэвийн хэмжээнд байна. Өглөөд аяга нимбэгтэй ус ууж сурвал таны бие хэрхэн өөрчлөгдөхийг удахгүй үзэх болно.

Одоо та ямар хүнс өөх шатааж хайлуулдаг болохыг мэддэг болсон ба хоолондоо хэрэглэх л үлдлээ. Хэдийгээр турах нь хүнд ажил боловч бүх л насны ажил болгож хэрэггүй юм шүү. Үүний төлөө бүх л амьдралаа зориулж хэрэггүй ба хэдхэн сарын дотор хүссэн үр дүндээ хүрч болох ба дараа нь үүнийгээ хадгалах нь чухал.

Тиймээс дээрх жагсаалтад орсон хүнсийг хэрэглэж биеийн ачаалал авахаа бүү март. Хүч тэвчээр гаргаж чадвал та амжилтад заавал хүрнэ.

206

Хөөрхөн

43

Гайхмаар

30

Гоё

28

Буруу

28

Тэнэглэл

15

Бахархмаар

15

Харамсалтай

14

Ха Ха

Баярлалаа!