Сахлаа яаж хурдан ургуулах вэ?

Эдгээр зөвлөгөө таны сахлыг богино хугацаанд өтгөн ургуулна.

Юуны түрүүнд сахал ургуулахаас өмнө нэг зүйлийг анхаарах хэрэгтэй – ид шидийн жор гэж хаана ч байхгүй. Зарим нэг бодис ургалтын явцыг хурдлуулж болно, гэхдээ таны нүүрэн дээр ургах сахлын хурд таны амьдралын хэв маягаас шалтгаалахыг анхаарна уу. Та хэдий хэр эрүүл байна төдий чинээ өтгөн, зөөлөн сахал ургуулж чадна.

Арьсаа байнга арчлаарай

Таны арьс хэдий хэр эрүүл, цэвэрхэн байна төдий чинээ сахал хурдан ургана. Арьсны илүүдэл тос, бохирдлыг өдөрт хоёр удаа цэвэрлэж бай – өглөө, оройдоо. Үхэжсэн арьсыг цэвэрлэх зорилгоор долоо хоногтоо нэг удаа скраб хэрэглэнэ. Үүний зэрэгцээ байнга тэжээлийн тос түрхэж арьсны эрүүл байдлыг хангана. Эдгээр арчилгаа нь эрүүл сахал ургуулахад нөлөөлнө.

В амин дэм хэрэглээрэй

Сахлын ургалтанд В-ийн төрлийн амин дэм нөлөөлнө. Ялангуяа биотон буюу В7. Биотин нь үс, арьс, хумсыг бэхжүүлдэг, өдөр тутам зохих тунгаар уг амин дэмийг хэрэглэж байвал зохилтой. Мэргэжлийн эмч өдөрт 2,5-5 мг уухыг зөвлөж байна.

Биотин хэрэглэж байгаа үед их хэмжээний ус уух ёстойг анхаарна уу. Ингэснээр арьсны үрэвслээс сэргийлж чадна.

Мөн тиамин-В1, рибофлавин-В2, ниацин-В3-ийг ч бас хэрэглэнэ. Эдгээр амин дэм нь сахлын ургалтыг хурдасгадаг ажээ.

Ус уугаарай

Бие махбодид хангалттай шингэн байхад илүү эрч хүчтэй ажилладаг. Хэрвээ ус дутагдвал эс удаан сэргэх, амин дэм, эрдэм бодисын шингэлт удааширна. Үүний үр дүнд сахал удаан ургаж бүдүүн, өнгөгүй болдог байна. Насанд хүрсэн эрчүүд өдөрт 1,9-2,3 литр ус уухыг зөвлөжээ.

Хангалттай унтаарай

Бодисын солилцоо хэвийн явагдахад эрүүл нойрны дэглэм маш чухал. Мэргэжлийн эмчийн үзэж байгаагаар, өдөрт 7-8 цаг унтах ёстой. Биднийг унтаж байхад эсийн хөдөлгөөн хурдасдаг – өөрөөр хэлбэл шөнө нойрсож байхад бие махбодь төлжиж, өсөлт явагддаг.

Хэрвээ та муу амарсан бол цусны эргэлт удааширна, үүний үр дагаварт эрдэс бодис болон амин дэмийн солилцоо удааширна – шингэний дутагдал ч мөн адил үр дагавартайг мартаж болохгүй. Үс нь зохих амин дэм, эрдэс бодисын дутагдалд орж үс удаан ургаж, хэврэг болно. Үүний зэрэгцээ халцрах магадлалтайг ч анхаарах хэрэгтэй.

Эрүүл, тэнцвэрт хоолны дэглэм бариарай

Үсний ургалтанд зөвхөн амин дэм уухаас гадна, эрүүл хоолны дэглэм баримтална. Уургийн агууламж өндөртэй хүнс, ногоо, бүхэл үрийн гурил, бяслаг, тараг идээрэй. Ингэснээр шим тэжээлээ авч үсний ургалтанд сайнаар нөлөөлнө.

А, В, С болон Е амин дэмээр баялаг төдийгүй уургийн өндөр агууламжтай хоол хүнсийг илүү эрхэмлэнэ.

Танд хэрэгтэй зүйлийн жагсаалт ердөө л энэ: өндөг, бүйлсэн самар, бүхэл үрийн гурил, бяслаг, тараг, яргай загас, тахианы мах, навчит ногоо, лууван, шош, авокадо, сонгино, амтат төмс, улаан лооль. Эдгээр жагсаалт дээр өөр бусад шим тэжээлтэй хоол хүнсийг нэмнэ. Ингээд л таны цус шим тэжээлээр дүүрч сахал тань хурдан ургах болно.

25

Тэнэглэл

11

Бахархмаар

6

Ха Ха

5

Гоё

4

Хөөрхөн

3

Харамсалтай

3

Буруу

2

Гайхмаар

Баярлалаа!