Сураггүй болсон онгоцыг олоход яагаад ийм хэцүү байна вэ?

1
0
5,199

Сураггүй болсон онгоцыг олоход яагаад ийм хэцүү байна вэ?7 хоногийн өмнө буюу 2014 оны 3-р сарын 8-ны өдөр Малайзын МН370-р нислэгийн Боинг 777-200 нисэх онгоц ул мөргүй алга болсон. Сүүлийн радио холболтын үеэр нисгэгчид ямар ч асуудал байхгүй байгааг илтгэсэн, онгоц холбоо тасарсан газар орчмоос ямар нэгэн сүйрлийн ул мөр олдоогүйгээс үүдэн онгоцонд явсан 239 хүнд ямар зүйл тохиолдсоныг хэлэхэд тун хэцүү байна. Сураггүй бологсдын ар гэрийнхэн болоод олон нийтийн дунд “Алга болсон зорчигчийн нисэх онгоцыг хайж олох гэж хэр удах бол?” гэсэн асуулт л эргэлдэж байна.

МН370 нислэг холбоо тасарч, сураггүй болсон нь онгоц алга болсон анхны тохиолдол биш аж. 2009 онд Эйр Франсын 447-р нислэг Парисаас Рио де Жанейро хүрэх замдаа Атлантын далайд сүйрсэн. Ослоос 5 хоногийн дараа хайгуулын болон аврах багийнхан онгоцны сэг, хэлтэрхийг олсон ба 2 жилийн дараа онгоцны хар хайрцгийг олж байжээ. Гэхдээ энэ их цаг хугацаа нь тэнгисийн гүнтэй холбоотой байсан байна. Учир нь МН370 нислэгийн хамгийн сүүлд байсан Тайландын булангийн 45 метрийн дундаж гүнтэй харьцуулахад AF447 3900 метрийн гүнд сүйрсэн байжээ. Доорх диаграм харьцуулалтыг харуулж байгаа юм.
Дараагийн диаграм одоогоор хараахан олдоогүй байгаа онгоцны хэмхэрхий, хэлтэрхийг өвлийн далайн ус төсөөлж байгаагаас ч хол аваачсан байж болохыг харуулжээ. Дээд талын диаграм онгоцны живсэн байж болзошгүй усны хэмжээг онгоцтой харьцуулан харуулсан нь онгоцны үлдэгдэл олдохгүй байна гэдэгт итгэхэд хэцүү болгож байх аж. Гурав дахь диаграм онгоцны нисэж байсан зам болон эрлийн газруудын нарийвчилсан газрын зургийг харуулж байгаа юм байна. Гэхдээ одоо хийгдэж буй эрлийн газрын хэмжээ зураг дээр харуулснаас хамаагүй том болсон.
 
Боломжийг нэмэгдүүлэхийн тулд хайгуулчид эрлийн газраа Малайзын хойгийн баруун тал хүртэл тэлсэн. Малайзын радар онгоц баруун тал руу чиглэсэн байж магадгүй гэж үзэж байгаа юм байна.
 
Олон нийт болоод онгоцонд явсан хүмүүсийн ар гэрийнхний хувьд гайхамшиг тохиолдоосой л гэж залбирч байна. Одоогоор 42 хөлөг онгоц, 39 нисэх онгоц бараг долоо хоногийн турш гүехэн усанд хайгуул хийж байгаа. Малайзын армийн радарт орж ирсэн онгоцны хамгийн сүүлийн замаас харахад онгоц нислэгийн замаас хэдэн зуун милийн баруунтайгуур, бага өндөрт нисэж байсан гэжээ. Энэ нь онгоц сүйрсэн байх магадлалыг өсгөж байгаа аж. Хэрвээ нь таамаг үнэн бол усан доор онгоц хайх нь агаарт дэлбэрч хэдэн хэсэг цацагдсан онгоцны үлдэгдлийг олохоос ч төвөгтэй болгож байгаа юм байна.
Хятадын радар МН370-ын сэг байж болзошгүй зүйлийг харууллаа
 
210 фут урттай онгоцыг 160,000 миль хавтгай дөрвөлжин талбайд усан доор хайна гэдэг хэцүү зүйл. Одоогийн зорилго бол усан дээр хөвж байгаа ямар нэгэн зүйлийг олох нь онгоцыг олоход ихээхэн тус болно гэж үзэж байгаа аж. Нисэх онгоцны сүүлийн хөдөлгөөнийг даган усан доорх обьектыг олоход ашигладаг сонар эсвэл хидрограф ашиглан хайгуул хийх нь техникийн мэргэжилтнүүдийн ажил бөгөөд Сингапур улс сонараар тоноглогдсон шумбагчаа эрэлд туслуулахаар илгээгээд байгаа аж.
 
Тайландын буланд олдсон үлдэгдэл нь өөр нисэх онгоцных болж таарсан. Мөн Вьетнамын эргээс 120 милийн зай дахь тосны ул мөр нь онгоцны шатахуун биш болсон. Онгоцны сүүлийг санагдуулам урт хэлбэртэй зүйл олдсон нь багцалсан гуалин мод байсан бол салтай төстэй шар зүйл нь кабель утасны дамарны хөвдөөр хучигдсан таг байжээ. Гол эсвэл газартай харьцуулбал гүн тэнгисийн усанд байгаа зүйлийг харагдах байдал маш муу байдаг нь эрлийг улам төвөгтэй болгож байна.
 
Эрлийн хувьд хамгийн их саад болж байгаа зүйл нь мэдээллийн хомс байдаг бөгөөд нисгэгчийн зүгээс ямар нэгэн аюултай байдал, бүтэлгүйтлийн тухай мэдээлэл ирээгүй явдал аж. Хэрвээ онгоцонд сүйрлийн аюул өндөрт нисэж байх үед тохиолдсон бол энэ нь онгоцны үлдэгдэл илүү том талбайд цацагдаж, эрлийг улам төвөгтэй болгож байгаа юм.
Гэвч энэ бүх тодорхойгүй нөхцөл байдлыг үл харгалзан эрлийн багийнхан өдөр шөнийг харгалзалгүй ажилласаар байгаа аж.
0
ГоёГоё
0
Ха ХаХа Ха
0
ХөөрхөнХөөрхөн
0
ГайхмаарГайхмаар
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

сэтгэгдэл

  1. Зочин

    2014/03/15 at 14:51

    ZariinSan.com

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.