Хайртай эд зүйлсийнхээ насыг уртасгах 22 энгийн арга

Нийтлэгч: Лука

Огноо: 2017/06/03

Биед таарсан даашинз эсвэл биед эвтэйхэн свитер, багтаамжтай цүнх, хөлд эвтэйхэн туфль гээд хүн болгонд л дуртай зүйл байдаг.

Хайртай зүйлийнхээ насыг уртасгах энгийн аргуудыг танилцуулахаар бэлдлээ.

Шкафанд хувцсаа шинэ хэвээр нь хадгалахыг хүсвэл хүнсний сод тавиарай. Эрвээхийнээс хар перецний үр, хатаасан лаванда хамгаална.
Нарийхан төмөр өлгүүрт хувцсаа өлгөх хэрэггүй, мөр гарна. Өлгүүрийг хувцсандаа тохируулж авах хэрэгтэй, өлгүүр томдсон бол хувцасны ханцуй сунаж мөр гарна. Нэхмэл хувцсыг эвхэж хадгална, өлгөвөл доош сунах магадлалтай.

Тод өнгийн хувцас угааж байхдаа чимх давс нэмээрэй. Хар өнгийг гандуулахгүйн тулд кофены уусмал хийж болно (литр усанд нэг аяга) эсвэл өтгөн хар цай нэмээрэй.
Үслэг эдлэлийн үс нь ширүүн болоод байвал хувцас зайлагчны оронд үснийхийг хэрэглээрэй. Угаахаасаа өмнө хувцсаа хөлдөөгчинд хийж хонуулбал (гялгар уутанд хийж) сунахгүй.
Угаалгын машины хажууд гоёмсог шилэн сав тавь. Угаах тоолондоо хувцасныхаа халаасыг шалгаж элдэв зүйл байгаа эсэхийг үз.

Өмдний доод зах сунах гээд байвал дотор нь хэдэн зоосон мөнгө барьж оёорой.
Шинэ шилэн оймс, триког норгож гялгар уутанд хийж хөлдөөгчинд 6-8 цаг хий. Оймсны дээд резин мөддөө сунахгүй.
Товчин дээрээ өнгөгүй лак түрхээрэй, тасарч унахгүй. Хувцасны цахилгаан гацаад явахгүй байвал шүдийг нь савандаарай.
Хувцсан дээр тосны толбо тогтонгуут нь хүүхдийн цацлага эсвэл гурил цацах, цагаан шохой түрхэж тосыг шингээж аваарай. Дараа нь угаадгаараа угаана.

Арьсан эдлэлийг саванд хийж хадгална. Гутал бол цаасан хайрцагт, хувцас, цүнхийг даавуун уутанд эсвэл хуучин футболконд хийж хадгалсан ч болно. Гялгар уутанд хадгалж болохгүй, агаар солилцохгүй учраас арьсны чанар мууддаг байна.
Илгэн хувцсыг наранд удаан байлгах хэрэггүй, амархан өнгөө алдаж гандана.

Цагаан арьсан хувцасны өнгийг удаан хадгалахыг хүсвэл үе үе сүүний коктель эсвэл хөөсрүүлсэн өндөгний цагаанаар арчиж байгаарай.
Хар арьсан эдлэл (бор, улаан хүрэн, хар)-ийг үе үе кофены шаарыг даавуунд ороож арчина.
Арьсан хувцасны бага зэрэг зурагдсан байвал биеийн тосыг хөвөнд түрхэж арчаарай. Бага зэргийн зурагдсан хэсгийг глицерин эсвэл жүржийн хальсны дотор талаар арчиж мэдэгдэхгүй болгож болно.
Илгэн хувцсан дээр тогтсон толбыг нашатырийн спирт шингээсэн хөвөнгөөр арчиж арилгана. Спирт хөвөнд шингэж ууршингуут цэвэрхэн сойзоор (шүдний сойз байж болно) сайтар үрж арчина.

Арьсан хүрмийн дотуур урт захтай цамц эсвэл ороолт орооно. Ингэснээр арьсан хүрмийн зах бохирдохоос хамгаалах юм. Цайвар өнгийн арьсан хувцсыг хар хувцсан дээр өмсөхгүй – цайвар өнгөнд бараан туяа сууна.
Арьс үнэрийг сайн шингээдэг. Хадгалахдаа халаасанд нь үрэн эсвэл капсултай кофе, цай, идэвхжүүлсэн нүүрс хийж болно. Эдгээр зүйлийг спортын болон өдөр тутмын гутландаа ч хийж болно.

Лакан бүсийг нугалах хэрэггүй, нугалсан хэсгээрээ хагарна. Аль болох унжуулж өлгөөрэй.
Цаасан хайрцагт лакан гутал, цүнх хадгалах гэж байгаа бол агааржуулалтыг хангахын тулд цаасан хайрцгаа хэд хэдэн газар цоолоорой. Бие биедээ шүргэлцэхгүй байхын тулд шилэн оймс, трико угалж болно (сонинд ороохгүй).

Лакан гадаргуунаас толбо, бохирыг арилгахын тулд шил цэвэрлэгч бодисоор арчиж болно. Мөн сонгины шүүс гялалзуулах чадалтай: хэрчсэн сонгиноор л арчина. Лакан цүнх эсвэл гутал бага зэрэг зурагдсан бол адил өнгийн хумсны будаг түрхэж болно.

Лакан гутлаа тайлангуутаа будаа эсвэл давстай даавуун уут хийгээрэй – илүүдэл чийг лакан гутлыг хурдан муутгадаг. Лакан гутлын агаар солилцоо муу байдаг учраас ихээр хөлөргөдөг. Тиймээс хөлс дарах тусгай бодис түрхэж байгаарай. Чийгтэй лакан гутал хэлбэрээ хурдан алдана.
Хүйтний улиралд лакан гутал өмсөж байгаа бол гарахаасаа 10 минутын өмнө өмсөнө. Лакан гутал зохих хэм хүртэл халсан байх ёстой бөгөөд агаарын хэм огцом өөрчлөгдөхийг эмзэг хүлээж авахгүй.