Нэг минут хүрэхгүй хугацаанд 153 метр өндөрт гардаг цахилгаан шат

Швейцарь улсын хамгийн алдартай аялал жуулчлалын бүс нутаг болох Бургенсток уулын өндөрлөг дээрх Хамметшванд нэртэй ажиглалтын цэгээс Люцерн нуурыг ажиглах нь энэ газарт ирсэн хүн бүрийн заавал үзэх ёстой зүйл байдаг. Энэхүү ажиглалтын цэгт хүргэдэг Хамметшванд нэртэй цахилгаан шат нь Европ тивд орших хамгийн өндөр гадаах цахилгаан шат бөгөөд босоо ханан хадны дагууд байрласан гайхамшигтай замаар явдаг энэхүү гадаах цахилгаан шат нь Хамметшвандын оргилд хүрэх 153 метр замыг нэг минут хүрэхгүй хугацаанд туулдаг аж.1872 оноос хойш алдартай амралтын газар байж ирсэн Бургенстокын зочид буудал, амралтын газрын гол үзмэр болох уг цахилгаан шат анх нэг секундад нэг метр зам туулдаг байжээ. 1935 онд хийсэн сэргээн засалтаар нэг минутанд 2,7 метр зам туулдаг болсон Хамметшванд цахилгаан шатанд нэг удаад найм хүртэл тооны хүн сууж явах боломжтой. Европ дахь хамгийн өндөр гадаах цахилгаан шат гэдгээсээ гадна Дэлхийн хамгийн хурдан цахилгаан шат гэгддэг энэ цахилгаан шатны далайн түвшнээс дээш 1132 метрийн өндөрт байрлах хамгийн дээд талын тавцангаас Люцерн нуур болон Альпын нурууны үзэсгэлэнт байгалийг тольдон харах боломжтой юм.