Жижиг биетэй охидууд хэрхэн өндөр туранхай харагдаж болох талаар стилистүүдийн өгч буй 7 зөвлөгөө

Нийтлэгч: Лука

Огноо: 2017/04/15

Total254
254

Намхан нурууны давуу тал гэж бас байна аа. Эмэгтэй хүн, эрдэнийн чулуу 2 жижиг байх тусмаа чамин гэсэн үгийг жижиг биетэй эмэгтэйчүүд амьдралдаа олон удаа л сонсож байсан байх. Гэхдээ бас сул талууд бий. Хувцсаа маш анхааралтай, хянуур сонгохгүй бол буруу сонгосон хувцас улам намхан харагдуулах талтай.

Бид стилистүүдийн хүргэж буй дараах хэдэн зөвлөгөөг санал болгож байна.

Богино цамц ба юбка

Сайхан харагдахын тулд хувцасны тусламжтайгаар бүрдүүлж болох, биеийн пропорцын талаар мартаж болохгүй. Гадуур нь тавьсан цамц, футболк биеийг 2 хувааж, цээжийг илүү нүсэр, урт харагдуулна. Харин хөлийг богиносгож харагдуулна. Цамц, футболкоо юбкан дотроо хийж өмсөх нь илүү дээр байх болно. Ингэснээр бэлхүүсэнд анхаарал хандуулж, хөлийг уртасгаж, биеийг илүү туранхай, гуалиг харагдуулна. Бас нэг хувилбар бол богино топыг юбкатай хослуулан өмсөх явдал юм.

Бүс болон гутал

Хэрвээ та оломтой туфль юмуу сандаал сонгож байгаа бол аль болох биений өнгөтэй ойролцоо өнгийхөөс нь сонговол илүү дээр. Бараан өнгийн эсвэл том нүсэр гутал хөлийг хэдэн сантиметрээр богиносгож харагдуулна. Түүнчлэн өргөн бүснээс аль болох татгалзах хэрэгтэй. Зүүн талын зурган дээрх бүс хөндлөн шугамыг үүсгэж, биеийг илүү өргөн, тарган харагдуулж байгаа биз? Харин босоо урт шугам (бүсгүй даашинз, цайвар өнгийн туфль) таныг өндөр, гуалиг харагдуулах болно.

Хүрэм болон цүнх

Намхан охид том, урт хүрэм, пиджак, куртка өмсөх хэрэггүй. Эдгээр нь хөлийг богино харагдуулж, хэв маягийг тань болхи, хайш яайш болгодог. Куртка, хүрмийг аль болох жижиг, богино, тайлтай, бэлхүүс хүртэл урттайгаас нь (эсвэл бэлхүүснээс бага зэрэг доошоо) сонгож байх хэрэгтэй.

Түүнчлэн цүнхний хэмжээнд бас анхаарал хандуулаарай. Жижигхэн охидын хувьд 25-30 сантиметрээс их биш өргөнтэй, дунд зэргийн цүнх хамгийн зөв сонголт байх болно. Том shopper-цүнх таны хэв маягийг нүсэр харагдуулна. Хэрвээ та үүргэвчинд дурлаж байгаа бол жижигхэн, авсаарханаас нь сонгоорой.

Урт хүрэм

Урт хүрэм өмсөх нь өндөр өсгийт өмсөхгүйгээр байгаагаасаа хэдэн сантиметрээр өндөр харагдах эвтэйхэн, зальжин арга юм. Урт хүрэм нь өндөр харагдуулахуйц урт босоо шугамыг үүсгэж өгдөг. Гэхдээ анхаарал зүйл бас байна аа. Урт хүрэм хэтэрхий өргөн, нүсэр байх ёсгүйгээс гадна том том халаастай байж болохгүй.

Даашинз

Том, өргөн даашинз өндөр охидод илүү зохидог. Жижигхэн охидыг том, нүсэр хэлбэр нь газартай ойртуулж, биеийг, ялангуяа хөлийг богиносгож харагдуулдаг. Харин тайлтай шулуун даашинз илүү аятайхан харагдуулна. Тэгээд ч ийм шулуун даашинз зөв пропорцыг үүсгэж, биеийг уртааш нь сунгаж харагдуулдаг онцлогтой.

Эрс тэс өнгө болон ойролцоо өнгө

Эрс тэс өнгийн хувцаснууд (цайвар өнгийн цамц, бараан өнгийн өмд) бие галбирыг хэдэн хэсэгт хувааж, илт харагдахуйц хөндлөн шугамыг үүсгэдэг ба энэ нь намхан нуруутай гэдгийг улам тодотгодог. Өнгө дагуу хавцаснууд биеийг уртасгаж харагдуулдаг. Түүнээс гадна тод өнгийн хувцаснууд илүү том, тарган харагдуулдаг гэдгийг анхаараарай. Та зурган дээрээс яг адилхан загвартай 2 цамцны зүүн талынх нь хэрхэн том харагдаж байгааг анзаарч болно.

Жийнсэн өмд ба топ

Богино топ бол намхан охидын хувьд төгс сонголт юм. Ийм богино футболк, цамцыг өндөр суудалтай өмдтэй хослуулснаар хөлийг илүү урт харагдуулж болно. Өөр бас нэгэн хувилбар бол богино топыг юбкатай хослуулах явдал. Туршаад үзээрэй.

451