Алтан аяганаас ус уух хувьтай хүүхдүүд

Хорвоо ертөнц дээр өдөр бүр, цаг минут секунд тутамд түмэн янзын үйл явдал болж байдаг. Тэрхүү түм буман үйл явдлууд дундаас магадгүй хамгийн онцгой нь алаг дэлхий дээр шинэ хүн мэндлэх бизээ. Атга будааг дээш цацахад ганцхан ширхэг нь зүүний үзүүр дээр тогтохтой адил гайхамшигтай хувь заяаны эзэн болон мэндэлж байгаа бяцхан үрсийн дунд эхийн хэвлээс мэндэлж чадсан ч цаашид хорвоо дэлхий дээр амьдрах хувьгүй болдог хүүхдүүд олон. Урьд өмнө нь хүүхдийн эндэгдэл маш их байсан ч сүүлийн хорин жилийн хугацаанд буурч, 2011 оны байдлаар өдөрт дунджаар таваас доош насны 19.000 хүүхэд хорвоог орхисон тооцоо байдаг аж. Гэхдээ санаанд багтамгүй аюултай учирсан ч хүн хэмээх эрхэм алдрыг зүүж, амьд явах заяатай төрсөн хүүхдүүд ч олон байдаг бөгөөд энд бид итгэмээргүй боловч алтан аяганаас ус уух хувьтай төрсөн хүүхдүүдийн үнэнхүү түүхийг өгүүлж байна.1. Хятадын Жинхуа хотод барилгын бохир усны хоолойноос амьд мэнд гаргаж авсан төрөөд удаагүй нярайн тухай мэдээлэл саяхан бид бүхнийг гайхашруулж байсан билээ. Өнгөрөгч 5-р сарын 25-нд тус барилгын оршин суугчдын нэг нь бохирын хоолойны хаа нэгтэйгээс хүүхэд уйлах дууг сонсоод цагдаа дуудсанаар бяцхан нярайн амь аврагдах боломж нээгдсэн юм. Хоёр цагийн аврах ажиллагааны эцэст 10 см-ын диаметртэй хоолойноос нярайг гаргаж авсан ба түүний гар, хөл, толгой дээрх бага зэргийн урагдалтыг эс тооцвол түүнд ноцтой том гэмтэл байгаагүй юм.

2. Нярайг түүнийг хэвтүүлж байсан инкубаторын дугаараар Baby 59 гэж нэрлэсэн бөгөөд түүний бохирын хоолой руу орсон учрыг цагдаа нар ‘Санаатай аллага’ гэсэн хавтаст хэрэг нээн шалгаж байгаа аж.

3. 21 долоо хоног, 6 хоногийн дараа мэндэлсэн бяцхан охинАмилиа Тейлор охин эхийн хэвлийд олдсоноосоо хойш 21 долоо хоног, 6 хоногийн дараа буюу хэтэрхий эрт хорвоод мэндэлсэн юм. Эмчийн хурууны завсраар харагдаж байгаа түүний хөлийг харахад яг л хүүхэлдэйнх шиг өчүүхэн харагдаж байгаа биз дээ. 2007 оны 2-р сард 284 грамм жинтэй, 25 см өндөртэй төрсөн Амилиа одоо эсэн мэнд амьдарч байна.

4. Амилиа бол дутуу төрсөн ч, эмч нар амьдрах найдваргүй гэж үзэж байсан ч амьдарч чадсан охин юм.

5. Нас барсан гэж тодорхойлогдон моргт 12 цаг байсан охинЛус Милагрос Верон /орчуулбал гайхамшигт гэрэл гэсэн утгатай нэр/ охин дутуу төрсөн бөгөөд амьд гэх ямар ч тэмдэггүй байсан түүнийг эмч нар морг руу илгээсэн байна. Заавал салах ёс хийнэ гэж зүтгэх эцэг эхэд нь охины цогцсыг харуулахаар авчрах үед хаалттай авсан дотор 12 цаг байсан охин үл ялиг хөдөлж, уйлж эхэлсэн байна. Мөс шиг хүйтэн болчихсон боловч амьд байсан охин одоо өдрөөс өдөрт улам хөөрхөн болон өсөж байгаа юм.

6.

7. Армадиллоны нүхэнд бүтэн 24 цагийг өнгөрүүлсэн жаалЭнэ явдал 2006 онд болсон юм. Бразилийн нэгэн хотын нутаг дэвсгэрт армадилло хэмээх арьсан хуягт нэг зүйл хөхтөн амьтны жижигхэн нүхэнд 24 цаг байсан хүүг цагдаа нар олох үед түүний зөвхөн толгой нь ил, үй түмэн ялаа шумуул бүччихсэн байсан гэнэ.

8. Аврагчид хүүг үхсэн гэж бодож байтал тэр зүгээр л унтаж байсан байна. Хүүг нүхнээс гаргаж ирэхэд л хүү уйлж эхэлсэн байна.

9. Цагдаа нар хүүгийн эхийг эрэн сурвалжилж, Феррейра Гуимаррес гэгч 40 настай эмэгтэй болохыг тогтоосон ба нүхэнд байсан хүүгээс гадна дөрвөн хүүхэдтэй түүний бага хүү нь 5 настай байжээ.

10. Галт тэрэгний суултуураар төмөр зам дээр унасан хүүхэдЭнэтхэгийн Бихар хотод жирэмсэн эмэгтэй Ринку Деби Рей нөхөр болон дөрвөн настай хүүгийнхээ хамт галт тэргээр явж байтал гэдэс нь өвдөж, ариун цэврийн өрөө оржээ. Гэтэл бүх зүйл асар хурдан өрнөж, хүүхэд нь төрөн бохироо шууд галт тэрэгний зам руу асгадаг суултуур руу унаж орхисон байна. Эмэгтэй нөхөр рүүгээ гүйж, нөхөр нь аваарын тоормозыг татан зогсоогоод тэд шинэхэн төрсөн хүүхдээ хайжээ. Гайхалтай нь охин багахан зэргийн зураас, урагдалтаас өөр ноцтой шархгүй, амьд мэнд байсан байна.

11. Найман давхраас унасан хүүхэдНэгэн ээж хүүгээ төрөнгүүт нь найман давхрын цонхоор шидчихжээ. Гэтэл азаар хүү нь байрны гадаа овоолсон хогон дээр зөөлөн унаж, амьд үлдсэн байна. Гэвч хүүг тэнд байсныг хэн ч мэдээгүй бөгөөд овоолсон хогийг ачих үед хүү уйлж, түүнийг сонссон ажилчин цагдаа дуудсанаар хүүгийн амь нас аврагджээ.

12. Цээжиндээ буудуулж, гурав хоног унд хоолгүй байсан хүүУдахгүй дэлхийн дулаарлаас болж, бүгд тэсвэрлэшгүй өвдөх болно гэдэгт итгэсэн хосууд аймшигт аюулаас хүүгээ аврах ганц арга нь түүнийг хөнөөх гэж боджээ. Үүнийг бодож олсон Франсиско Лотеро, Мириам Колетти нар 2 нас, 7 сартай охиноо цээжинд нь буудаж, дараа нь өөрсдийгөө буудсан байна. Гурав хоногийн дараа байрнаас нь муухай үнэр үнэртээд байна гэсэн хөршийнх нь гомдлоор цагдаа нар ирж, буудуулсан гурван хүний цогцсыг олсны нэг нь бяцхан охин байсан ба гайхамшгаар охин цээжиндээ буудуулж, унд хоолгүй гурав хоног байсан ч амьд байжээ. Охиныг эмнэлэгт хүргэснээс хойш маш хурдан эдгэрч, тэнхэрсэн байна.

1

Харамсалтай

1

Гоё

0

Ха Ха

0

Хөөрхөн

0

Гайхмаар

0

Бахархмаар

0

Тэнэглэл

0

Буруу

Баярлалаа!