Хамгийн муухай хоолнууд

Нийтлэгч: Лука

Огноо: 2013/07/08

Total29
29

Хүн амьд явж, эрүүл саруул байхын тулд гарцаагүй хоол идэх ёстой. Гэхдээ тааралдсан болгоныг хамж аваад ам руугаа чихээд байж бас болохгүй. Идэж байгаа хоолноосоо харах, үнэрлэх болон амтлах эрхтнээрээ дамжуулан таашаал авч байх учиртай. Гэхдээ энд бидний сонирхуулахаар бэлтгэсэн хоолнуудаас хүн дээрх гурван мэдрэхүйгээрээ таашаал авах нь юу л бол. Харин ч ой гутаж, дотор муухайрч мэднэ. Тиймээс хэт мэдрэмтгий хүмүүсийг энэ нийтлэхийг үзэхгүй байхыг зөвлөж байна.

1. Копальхем буюу илжирсэн буга

Чукча, ненц, эскимосчууд зэрэг умардын хүйтэн нутагт амьдардаг хүмүүсийн идэх дуртай энэ хоолыг бэлтгэх арга барил дээрх угсаатнуудад бага зэрэг ялгаатай. Ненцүүд энэ хоолыг хийхдээ эрүүл, чийрэг буга сонгож, хоёр хоног өлсгөн бүдүүн гэдсийг нь цэвэрлээд хүзүүгээр нь олсоор уяж, намагт живүүлдэг байна. Дээрээс нь хөвд, хүлэр цацаад амтлагч нэмж, бага зэрэг мөчир, чулуу тавиад хэдэн сар хүлээсний эцэст ялзарсан буганы мах бэлэн болдог аж.

2. Эскамолес

Эскамолес бол зуун настын үндсэнд үүрлэн амьдардаг нэгэн зүйл шоргоолжны авгалдай юм. Мексик гал тогоонд амттан гэж тооцогддог энэ зоогийг шавьжны түрс ч гэж нэрлэх нь бий. Самарны амттай цөцгийн тос шиг амтагддаг бяслагтай зохицдог энэ зоогийг бэлтгэдэг шоргоолжны авгалдайг гаргаж авахын тулд 8 метрийн гүн нүх ухаж байж, авгалдайгаар дүүрэн үүрийг гаргаж авдаг. Гэхдээ үүнийг мэргэжилтэн хүн л хийхгүй бол шоргоолжинд хазуулах аюултай ба энэ шоргоолж маш хүчтэй өвдөлт өгтөл хазаж чаддаг байна.

3. Сюрстрёмминг

Өмхий үнэртэй энэ давсалж лаазалсан май загас нь Швед үндэсний зоог юм. Цус болон тосыг нь арилгасан май загасыг дотор гэдэс болон түрстэй нь давстай усанд лаазалсан байдаг ба чанасан төмс, жижиглэн хэрчсэн сонгинотой олгоно.

4. Балут

Филиппиний үндэсний түргэн хоол болох энэ хоолыг доторх нь бараг өдөлсөн нугасны өндгөөр хийдэг. Чанаж болгосон өндгийг хагалж, доторхыг нь иддэг. Үр хөврөл болсныг эс тооцвол ердийн өндөгтэй адил амттай энэ хоолыг давс сонгины соустай олгодог.

5. Зуун настай өндөг

Нугас, тахиа, бөднө шувууны өндгөөр хийдэг зуун настай өндөг хэмээх энэ хоол нь Хятад хоол бөгөөд хоолыг бэлтгэхэд хэдэн долоо хоногоос хэдэн сарын хугацаа шаардагддаг. Үнс, шавар, давс, лайм болон будааны сүрэл ашиглаж хийдэг энэ хоолыг бэлтгэж болгосны дараа өндөгний шар уураг нь ялзарсан өндөгтэй адил үмхий шүвтэр үнэртэй, цөцгийлөг хэсэг бүхий хар ногоон өнгөтэй болсон байх бол цагаан уураг нь бараг амт, үнэргүй бараан бор өнгөтэй тунгалаг зүйл болсон байдаг.

6. Натто

Энэ хачирхалтай хоолны төрөлх нутаг нь Япон. Исгэсэн шар буурцаг гэж хэлж болох энэ хоолыг исгэж бэлтгэхийн тулд өвсний савханцар нян хийдэг. Гашуун давслаг энэ зоог хүхэрлэг хүчтэй үнэртэй.

7. Цусан шөл

Вьетнамаар tiết canh гэж нэрлэдэг энэ шөлийг нугас, галуу, гахайн цэвэр цусан дээр самар, ургамал нэмж хийдэг. Умард Вьетнамд маш түгээмэл энэ шөлийг согтууруулах ундаатай хамт хэрэглэдэг. Энэхүү цусан шөл нь өвөрмөц металлаг амттай.

8. Туна загасны нүд

Харахад аймаар энэ хоол нь тослог, зажлууртай, зөөлөн. Сармис, шар буурцагтай цуутай шарж бэлтгэдэг.

9. Цахлайн чихмэлтэй далайн хав

Саб-Арктикын үндэстнүүдийн хамгийн чамин хоолнуудын нэг болох энэ хоол Зул сарын баярын ширээн дээр заавал байдаг. Кивиак хэмээн нэрлэгддэг энэ хоолыг бэлтгэхдээ далайн хавны толгойг авч, дотор нь өдийг нь зулгааж цэвэрлэсэн цахлай чихээд долоон сарын турш цэвдэгт байрлуулдаг. Энэ хугацаанд цахлайн чихмэлтэй далайн хав идэхэд бэлэн болох ба амтны хувьд ааглаг, хуучирсан бяслаг шиг амттай байдаг байна.

10. Хархны гурван удаагийн часхийх дуун

Хятадын язгууртнуудын дуртай энэ хоолыг бэлтгэхэд ганцхан ширхэг хээлтэй харх хэрэгтэй. Хархны хэвлийд байсан үр хөврөлийг амьдаар нь тавган дээр тавин олгодог бөгөөд хархны төлийг нэг удаа часхийн дуугармагц хатгуураар зоогоод хоёр дахиа дуугарахад соусанд дүрээд гурав дахь удаагаа часхийн орилоход нь хазаж иддэг. Хятадын шүлэг яруу найрагт олонтаа дүрслэгдэн бичигдсэн байдаг энэ хоолыг Хятадын эзэн хаадын найр наадмын зоогонд хэрэглэдэг байжээ.